1 SAMUEL 2:9 - KITTA KAREBA MADECENG

⁹ Tau matinulué tuli amangngi ri laleng allinrungenna Puwangnge. Iyakiya iya majaé ancuru'i binasa ri laleng kalemmengngé sibawa pettak-kape'é. Awatangeng ri alé dé' nawedding riyattuwang, awatangenna tolinoé dé' nabbéré apakalang.

1 SAMUEL 2:9 ပူးပေါင်းရင်းမြစ်များ

AYUB 18:18

Polé ri tajangngé rirukkai lao ri laleng pettangngé; polé ri linona tau tuwoé ripaddésu'i.

AYUB 40:13

Kuburu'ni mennang ri laleng awué; urungngi mennang ri linona tau maté.

AYUB 5:16

Engkana amménasang makkekkuwangngé lao ri tau iya dé'é nappunnai. Na tau majaé mammekkoi sisebbu basa, nasaba Allataala pura pammekkoi témunna.

AYUB 5:24

Amakko matu monro ri kémamu; sibawa rékko muparéssai sining bimbala'mu, salama manengngi, dé'gaga akurangenna.

MAZMUR 1:6

Saba' tau mapatoé ripimpingngi sibawa rilinrungiwi ri Puwangnge, iyakiya tau majaé mattujui lao ri abinasangngé.

MAZMUR 105:37

Nainappa Naantara bangsa Israélié massu, tiwii mennang ulaweng sibawa péra'; iya manenna madisingngi sibawa mawatang.

MAZMUR 121:3

Dé' naleppessakko matu menrung, tuli jagai pallinrummu.

MAZMUR 121:5

Puwangnge jagaiko matu, engkai ri benrémmu untu' linrungiko.

MAZMUR 121:8

Nalinrungiko wettummu polé sibawa lao, makkekkuwangngé sibawa mannennungeng.

MAZMUR 145:20

Nalinrungiwi tungke tau iya pojiyéngngi Aléna, iyakiya tau majaé Napaccappui.

MAZMUR 31:17

Tennapodo Muwéloriwi atam-Mu; passalama'ka nasaba pammasé-Mu.

MAZMUR 37:28

Saba' naéloriwi Puwangnge pangkaukeng makessingngé sibawa adélé'é, tau iya matinulué ri Aléna dé' Narileppessang kariya-riya. Nalinrungiwi mennang lettu mannennungeng, iyakiya wija-wijanna tau majaé riyunoi matu.

MAZMUR 94:18

Wettukku mappikkiri makkedaé sempé'ka matu, pammasé-Mu, Puwang, mébbuka tettong masse.

MAZMUR 97:10

Eh iko iya pojiyéngngi Puwangnge, céccéi jaé! Saba' Puwangnge linrungiwi atuwonna umma'-Na, Napaleppe'i mennang polé ri akuwasan-Na tau madorakaé.

AMSAL 16:9

Naullé mébbu rancana tolinoé, iyakiya Allataala pattentui laleng atuwonna.

AMSAL 2:8

Najagaiwi Puwangnge sining tau iya adélé'é, sibawa linrungiwi mennang iya pojiyéngngi Aléna.

AMSAL 3:26

Najagaiko matu Puwangnge. Dé' matu Naleppessakko tappasolla ri laleng kalebbongngé.

PAKKATOBBA 5:17

Nauwajeppuini makkedaé iya kaminang makessingngé untu' idi iyanaritu manré, ménung sibawa péneddingiwi wassélé jama-jamatta ri wettu atuwong maponco iya nabbéréyangngé Allataala lao ri idi; iyanaro totota.

PAKKATOBBA 9:11

Ri linoéwé engka mupa uwita: akkalaringngé dé' natuli pakala tau iya magattié, ammusurengngé dé' natuli pacau tau iya mawatangngé. Tau mapanré dé' natuli lolongeng assappa-sappareng. Sibawa tau iya maccaé dé' natuli mallolongeng asugireng. Makkuwatoro sining ahlié dé' natuli tarompo. Saba dé' masala weddingngi nakenna acilakang.

YESAYA 27:3

Iyya, Puwang, panganrowanna; tungke wettu Ubolo, esso wenni Uwanrowang, kuwammengngi aja' naengka ganggui.

YESAYA 47:5

Makkedai Puwangnge lao ri Babél, “Ammekkono, sibawa uttama'no ri laleng pettangngé. Dé'na nariteppuko ‘Ratunna sining akkarungengngé.’

YEREMIA 8:14

Makkedai umma'na Allataala, “Magi nadé' aga-aga tapogau'? Laono mai tasibawa mangungsi lao ri kota-kota mabbénténgngé, leppessanni maté kuwaro. Puwang Allataalata pura pettuiwi makkedaé harusu'ki binasa. Purani nawéréng racung riyénung saba' madosaki lao ri Aléna.

YEREMIA 9:23

Makkedai Puwangnge, “Tau maccaé dé' nawedding mabangka nasaba apanrénna, tau mawatangngé nasaba awatangenna, sibawa tau sugié nasaba asugirenna.

NAHUM 1:8

Pada-padai lémpe raja iya paappo'é, Naancuru'i sining balin-Na. Mennang iya baranié méwai Naunrui sibawa amaténg angkanna binasa.

ZEFANYA 1:15

Iyaro essoé esso amacaireng, asukkarakeng sibawa asussang, esso aruttungeng sibawa ancurukeng, esso apettangeng sibawa akalemmengeng, esso iya massalawué.

ZAKHARIA 4:6

Iyaro malaéka'é nasuroka palettu'i lao ri Zérubabél pasenna Puwang-ngéwé, “Tenniya nasibawang awatangeng tentara sibawa tenniyato nasibawang awatangeng riyalé mumallolongeng matu, sangadinna nasibawang Roh-Ku.

ABBILANGENG 6:24

Tennapodo Puwangnge barakkakiko sibawa piyarako.

MATIUS 8:12

Padahal sining tau iya harusu'é mancaji umma'na Allataala ribuwangngi matu ri saliweng ri laleng pettangngé. Kuwaniro matu teri sibawa manrasa-rasa.”

ROMA 3:19

Riissenni makkekkuwangngé makkedaé sininna iya tarokié ri laleng hukkunna agama Yahudié, iyanaritu untu' sining tau iya engkaé riyawa paréntana hukkung-hukkungngéro. Rimakkuwannanaro dé' séddi tau mulléi mabbéré alasang muwi agi-agi sibawa sininna linoé naulléi Allataala tuntu'i.

ULANGENG 33:3

Tongeng, namaséiwi Puwangnge bangsa-Na nalinrungiwi sininna tau iya mancajiyé appunnangen-Na. Laono mai tasuju' ri yolona ajé-Na sibawa turusiwi parénta-parénta-Na.

1 PETRUS 1:5

Iya manenna iyanaritu untu'mu, nasaba mateppe'ko ri Allataala. Narijagaiko sibawa akuwasanna Allataala kuwammengngi mutarimai asalamakeng iya sadiyaénna ripannessa ri ahéra' matti.

2 PETRUS 2:17

Iyaro guru-guru palsué iyanaritu pada-padai mata uwai iya marakkoé sibawa pada-pada saléwué iya nairié anginraja. Allataala pura passadiyangengngi mennang séuwa onrong iya mapettang senna'é.

YUDAS 1:1

Saudara-saudara iya puraé riyobbi sibawa iya riyamaséi senna'é ri Allataala Ambo'é, enrengngé rijagaiyé untu' Yésus Kristus. Selaku atanna Yésus Kristus, iyya – Yudas – saudarana Yakobus,

YUDAS 1:13

Pada-pada mutowi bombang masekkangngé ri tasi'é iya paompoé busa, makkuwatoniro mennang pabbusai gau'-gau' iya mappakasiri-sirié. Pada-padai mennang sining wéttowingngé iya solléé enrengngé iya puraé napassadiya Allataala onronna ri laleng pettangngé iya kaminang maseroé untu' mannennungeng.

YUDAS 1:3

Saudara-saudara iya upojiyé! Tonget-tongekka makkatta moki sure' lao ri iko passalenna asalamakeng iya pada puraé tapéneddingi. Iyakiya makkekkuwangngé marasa parelluka untu' pangajariko sibawa iyaé sure'é kuwammengngi mumatteru méwa untu' ateppereng iya wékkasisengngénna nabbéréyang Allataala untu' mannennungeng lao ri umma'-Na.

1 SAMUEL 25:26

Allataala pura pésangkaiwi Puwakku makkabale sibawa mpunoi sining balinna Puwang. Na makkekkuwangngé Puwakku, nasabbing Puwang iya tuwoé, mattanroi atatta, tennapodo totona sininna balinna Puwakku sibawa tungke' tau iya maéloé cilakaiwi Puwakku pada-padai totona Nabal.