1 SAMUEL 2:7 - KITTA KAREBA MADECENG

⁷ Engka tau iya Naébbué kasiyasi, engkato Naébbu sugi. Engka tau Napakariyawa, engkato Napakatanré.

1 SAMUEL 2:7 ပူးပေါင်းရင်းမြစ်များ

2 ARUNG-NGARUNG 9:6

Nainappa sipadduwa mennang muttama ri lalempola, nanatiri'ni iyaro nabi kalloloé minnya zaitungngéro ri tompo ulunna Yéhu nainappa makkeda, “Makkedai Puwang Allataalana Israélié, ‘Ulanti'ko mancaji arung ri yasé'na umma'-Ku Israélié.

1 TAWARIKH 29:12

Sininna asugirengngé sibawa acommokengngé assalenna poléi ri iko; sininna séuwa-séuwaé mukuwasaiwi sibawa awatangem-Mu enrengngé akuwasam-Mu; makuwasako mébbui nigi-nigi mancaji tau battowa sibawa mawatang.

2 TAWARIKH 32:27

Mancaji sugi senna'ni Hizkia, sibawa ripakalebbi ri sininna tauwé. Mébbui sining bili' untu' taroi waramparanna iyanaritu: ulaweng, péra', batu-batu paramata, rampa-rampa, kaliyawo sibawa barab-barang mangke laingngé.

2 TAWARIKH 32:29

Ri lainnaéro patettong towi maéga kota. Asugireng iya riwéréngngéngngi ri Allataala maona senna.

AYUB 1:21

sibawa makkeda, “Rijajiyakka temmappunnai agi-agi, na matéka matti temmappunnaito agi-agi. Puwangnge pura mabbéréyangngi na Puwangnge muto pura malai. Ripojiwi asen-Na!”

AYUB 40:12

Itani tau matempoé, patunru'ni! Reppo'ni tau majaé ri onronna.

AYUB 5:11

Aléna Allataala iya pakatanrééngngi tau mariyawaé, sibawa pésennangiwi tau masussaé.

MAZMUR 102:10

Manréka awu pada-pada rotié, énungekku sicampuru'i uwai mata,

MAZMUR 75:7

Saba' angadélékengngé dé' napolé ri alau iyaré'ga yajang dé'to napolé ri manorang iyaré'ga yattang.

MAZMUR 75:8

Iyakiya Allataala muto ritu mangadéléki, Napakariyawai séddié sibawa napakatanréi iya laingngé.

AMSAL 22:2

Tau sugié sibawa tau kasiyasié mappunnaiwi séddi gau' iya padaé: Puwangnge ritu pancaji manengngi mennang.

YESAYA 2:12

Iyaro essoé Puwang Iya Pommakuwasaé napakariyawa manengngi matu iya pakatanrééngngi aléna sibawa hukkung manengngi iya maboroé.

YEREMIA 49:15

Puwangnge mébbuko matu malemma sibawa ripakatuna ri tauwé.

YEHEZKIEL 17:24

Napahangngi matu sininna ajué ri wanuwaé makkedaé Iyya'na Puwang. Utubbangngi aju iya matanré; aju iya mapancé'é Uwébbui tuwo maccaloli. Aju iya manyilaé Uwébbui marakko; sibawa aju iya marakkoé Uwéréngngi cura' sibawa unga. Iyya, Puwang, pura mabbicara, sininna ada-adak-Ku kajajiyangngi matu.”

YAKOBUS 4:10

Sitinajako pakariyawai alému ri yolona Puwangngé, naripakatanréko matu ri Puwangngé.