1 SAMUEL 2:6 - KITTA KAREBA MADECENG

⁶ Mappamaté Puwangnge, mappatuwo towi. Napanonnoi tolinoé ri linona tau maté. Na Alénato makkai polé kuwaro.

1 SAMUEL 2:6 ပူးပေါင်းရင်းမြစ်များ

1 ARUNG-NGARUNG 17:22

Naéngkalingani Puwangnge sempajanna Elia; iyaro ana'é mammulani mannyawa sibawa tuwo paimeng.

2 ARUNG-NGARUNG 5:7

Wettunna nabaca arung Israélié iyaro sure'é, nasapé-sapé'ni pakéyanna nasaba manennengngi, nanakkedato, “Cilakani, aga saba'na iyaro arung Siriaé naéllauka pajjappai iyaé tauwé? Tenniyaka Allataala iya mappunnaiyé akuwasang untu' patuwoi iyaré'ga pamatéi tauwé! Pasti iyaro arung Siriaé banna sappai bawang écco sibawa iyya!”

AYUB 5:18

Saba' Allataala papeddiri, alénato paurai. Sibawa liman-Na iya paunrué, iya muto mappajjappa paimeng.

MAZMUR 116:3

Naancakka bahaya amaténg; appakatau-taurenna amaténgngé luruika, naébbuka mausé sibawa métau.

MAZMUR 30:4

Mupaleppe'ka polé ri linona amaténgngé, sibawa patuwoka polé ri yelle'na sining tau maté.

MAZMUR 68:20

Pojiwi Puwangnge, saba' Aléna Allataala iya passalamaékki; polé ri essoé lao ri essoé Naéssangngi tiwita.

MAZMUR 71:20

Muwérékka maéga anrasa-rasang iya matane'é, iyakiya Mupalisui matu awatangekku sibawa paoto'ka polé ri kuburu'é.

PAKKATOBBA 3:3

wettu untu' mabbuno sibawa wettu untu' pajjappai, wettu untu' solangiwi sibawa wettu mappatettong.

YESAYA 26:19

Umma'-Mu iya matéénna tuwoi matu paimeng, tokkongngi matu paimeng sining ujuna. Tau iya puraénna rikuburu ri laleng tanaé tokkongngi matu sibawa gora-gora. Pada-pada cinoddo iya pétakkariyéngngi linoé, Mupatuwoi umma'-Mu iya maittaénna maté.

YEHEZKIEL 37:12

Rimakkuwannanaro abbotono lao ri umma'-Ku Israéliéro makkedaé Iyya, Puwang Iya Pommatanré timpa'i matu kuburu'na mennang. Upassui matu mennang polé kuwaro sibawa palisui mennang lao ri tana Israélié.

YEHEZKIEL 37:3

Makkutanai Puwangnge ri iyya, “Eh tolino dé'é namannenungeng, naulléga iyaé buku-bukué tuwo paimeng?” Mappébalika, “Puwang Iya Pommatanré, banna Iko ritu missengngi.”

MATIUS 12:40

Monroi Yunus tellung ngesso tellumpenni ri lalenna babuwana balé loppoé. Makkuwatoro Ana'na Tolinoé monroi matu tellung ngesso tellumpenni ri lalenna babuwana tanaé.

YOHANES 11:25

Nakkeda Yésus lao ri Marta, “Iyya ritu mabbéré atuwong sibawa paoto'i tau maté. Tau iya mateppe'é ri Iyya, tuwoi matu namuni maténa.

ULANGENG 32:39

Itani, Iyya Allataala Iya Séuwaé, dé'gaga Allataala sangadinna Iyya. Paunoka sibawa mappatuwo, loi sibawa mappajjappa. Rékko tinda'ka, dé' muwi séddi tau mulléi méwa.

WAHYU 1:18

Iyya'na ritu Aléna iya tuwoé! Purana maté, iyakiya itani, tuwo-Ka untu' mannennungeng. Ukuwasaiwi amaténgngé, sibawa ri linona sining tau maté.

1 SAMUEL 20:3

Nappébali Daud, “Naisseng madécéng ambo'mu makkedaé mupojika. Jaji pasti dé' namaélo paissengiko gau'éro kuwammengngi dé' mumessé. Muwi pékkugi, nasabbing Puwang iya tuwoé, sitongenna atuwokku pada-padai ittelloé ri cappa tanru'é!”