1 SAMUEL 2:5 - KITTA KAREBA MADECENG

⁵ Tau iya messoé riyolo nasaba maonai anré, mancaji pajjama ripéssaroiyé banna untu' lolongeng inanré. Tau iya alupurengngé riyolo, makkekkuwangngé messoni, genne inaré. Bainé manangngé, matemponi makkekkuwangngé, pituni ana' najajiyang! Iyakiya indo' iya maégaé ana'na, risalai, rileppessang maddokoroko.

1 SAMUEL 2:5 ပူးပေါင်းရင်းမြစ်များ

MAZMUR 113:9

Mabbéréi ana'-ana' lao ri bainé iya manangngé, pancajiwi indo' iya masennangngé sibawa malebbi ri bolana. Pojiwi Puwangnge!

MAZMUR 34:10

Pakalebbii Puwangnge, éh iko umma'-Na, saba' tau mateppe'é dé' naakurangeng matu.

YESAYA 33:9

Nasalaiwi wanuwaé mancaji masino-sino. Makkanrodong sining ale'na Libanon, sibawa Lompo Saron iya macommo'é mancajiwi pada-pada padang kessi'é. Ri Basan sibawa ri Bulu Karmél madduttung daud-daungngé.

YESAYA 54:1

Yérusalém, riyolo pada-padako makkunrai manangngé iya dé'é nawedding mémmana. Iyakiya makkekkuwangngé gora-gorano, sibawa akkélonno sibawa marennu! Saba' maéga senna ana'-ana'mu, napakacauri ana'-ana' makkunrai iya dé' narisalai ri lakkaié.

YEREMIA 15:9

Indo' iya ateddéngengngé pitu ana' worowané marenne'i nasaba mabbusessangngi nappase'na. Esso atuwonna mancaji mapettanni, marasa ripakatunai sibawa ripakasiri. Sining balimmu Usuroi mabbuno iya tuwoé mupa ri yelle'mu. Iyya, Puwang, pura mabbicara.”

LUKAS 1:53

Napésennangiwi tau malupué sibawa sininna adécéngengngé tau sugié napaddésu'i sibawa kosong.

LUKAS 16:25

Iyakiya mappébaliwi Abraham, ‘Engngerangngi ana'ku: sillampé umuru'mu purani mulolongeng maneng iya makessik-kessingngé, na Lazarus lolongengngi iya majaé. Makkekkuwangngé masennangngi kuwaé na iko manrasa-rasa.

GALATIA 4:27

Saba' ri laleng Kitta'é tarokii, “Arennuno iko éh makkunrai manangngé, iya dé'é naengka naémmana! Ariyo-riyono sibawa gora-gorano éh iko iya dé'é naengka napéneddingiwi peddi émmanakengngé! Saba' makkunrai iya risalaiyé ri lakkainna lolongengngi matu lebbi maéga ana' naiya makkunrai iya silollongngé lakkainna.”

RUT 4:15

Iyaro ménéttummu napoji senna'ko. Purano nawéréng lebbi naiya aga iya naullé mabbéréyang pitu ana' worowané. Makkekkuwangngé pura tono nawéréng séddi tau eppo worowané, iya mpéréngngékko matu sumange baru, sibawa piyarako ri wettu macowamu.”

1 SAMUEL 1:20

Mattampu'ni iyaro makkunraié sibawa jajiyang ana' worowané. Nasenni Samuél, adanna, “Purani uwéllau polé ri Puwangnge.”

1 SAMUEL 1:6

Tuli ripeddiriwi atinna Hana sibawa ripakatuna ri Pénina, amaurénaro, nasaba Puwangnge dé' nawéréngngi ana'.