1 SAMUEL 2:3 - KITTA KAREBA MADECENG

³ Pappésauni abborommu iya kosongngé! Pappésauni bicara matempoé! Saba' iyaro Puwangnge Allataala Iya Pommajeppué; iya madélékiyéngngi sinininna pangkaukenna tauwé.

1 SAMUEL 2:3 ပူးပေါင်းရင်းမြစ်များ

1 ARUNG-NGARUNG 8:39

tennapodo Iko ri laleng onrom-Mu ri surugaé méngkalingai sibawa maddampengengngi nenniya tulungngi mennang. Banna Iko ritu iya missengngéngngi lise atinna tolinoé. Rimakkuwannanaro gaukenni tungke' tau situru pangkaukeng-pangkaukenna,

AYUB 31:6

Leppessanni natimbakka Allataala ri yasé'na dacing iya tongengngé, nanaissengngi matu makkedaé dé' upasala.

MAZMUR 147:5

Battowa tongeng sibawa masero Puwat-ta, dé' naribilang apanrén-Na.

MAZMUR 17:10

dé' naisseng mennang mamasé nenniya mabbicara sibawa matempo.

MAZMUR 31:18

Aja' taleppessakka masiri, oh Puwang, saba' mangobbika lao ri Iko. Leppessanni tau majaé ripakasiri, sibawa mammekko-mekko nonno ri linona tau maté.

MAZMUR 44:21

Akkalarapanna dé'na tasompai Allataala, sangadinna massempajang lao ri déwata laingngé,

MAZMUR 75:5

Lao ri tau iya pojiyéngngi mabboro, makkeda-Ka, kuwammengngi aja'na nabboro.

MAZMUR 94:4

Passui mennang ada-ada iya makassara'é, sibawa mattempowangngi jana mennang.

AMSAL 16:2

Tungke pangkaukenna tauwé naullé makessing ri laleng pakkitanna muto, iyakiya Puwangnge ritu tasséré'i akkattana atinna.

AMSAL 24:12

Weddissa makkedako, “Iyaro tenniya urusakku.” Iyakiya Allataala jagaiko. Naisseng sibawa naadélékiwi pikkirammu. Nawale'i tolinoé situru pangkaukenna.

AMSAL 8:13

Pakalebbii Puwangnge bettuwanna céccéi jaé; dé' upojiwi atempongngé sibawa abangkakengngé. Ucéccé kédo-kédo majaé sibawa ada-ada bellé.

YESAYA 26:7

Tau malempué joppai ri laleng malempué, saba' Iko, Puwang, wajikengngi laleng.

YESAYA 37:23

Muwissegga niga murodda-roddai sibawa mupakatunaro? Iyya, Allataalana Israélié, Allataala iya mapaccingngé.

YEREMIA 17:10

Iyya, Puwang, salidikiwi atié, Uwojiwi baténna tolinoé. Uwale'i matu tungke tauwé situru kédo-kédona, sibawa Ugaukeng situru sibawa pangkaukenna.”

YEHEZKIEL 35:13

Eh bangsa Edom, maloppo bawamo nenniya mabbicara sibawa matempo lao ri Iyya. Iyya pura méngkalingai iya manennaro.

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

DANIEL 5:27

ritimbang, purani ritimbang Puwakku narilolongengngi dé' namappésennang;

MALEAKHI 3:13

Makkedai Puwangnge, “Napakatuna tongek-Ka ada-adammu. Iyakiya makkutanako, ‘Aga ripowada passalem-Mu?’

IBRANI 4:12

Ada-adanna Allataala iyanaritu ada-ada iya tuwoé sibawa mawatang; lebbi tarengngi naiya peddang matareng walié. Iyaro ada-adaé mattoddo'i narapi pakkasésénna nyawaé sibawa roh-é; narapi pakkasésénna padduppa-duppangngé sibawa uta'na buku-bukué, angkanna naisseng silamul-lamunna pikkirang sibawa niya' atinna rupa tauwé.

YOSUA 22:22

“Iya Pommakuwasaé iyanaritu Puwangnge! Iya Pommakuwasaé iyanaritu Puwangnge! Naisseng magi tapogau'i gau'éwé, namaéloki kuwammengngi muwisseng towi! Akkalarapanna tapogau'i gau'éro sibawa akkatta méwai Puwangnge iyaré'ga nasaba dé'na tamateppe ri Aléna, leppessakki maté makkekkuwangngétto!

WAHYU 2:23

Sining iya maccowériyéngngi maélo tok-Ka mpunoi kuwammengngi sininna jema'é namaingekiwi makkedaé Iyya'naé iya mpellungiyéngngi pikkiranna sibawa atinna tolinoé. Iko maneng maélo-Ka mpale'i situru pangkaukemmu tungke'-tungke'.

HAKING-HAKING 9:38

Makkedani Zébul lao ri Gaal, “Nah, kégani makkekkuwangngé bawa loppomuro? Riyolo adammu untu' aga taharusu tunru' lao ri Abimélékh? Iyanaé sining tau iya mucellaéro. Ayo majuno makkekkuwangngé luruiwi mennang!”

1 SAMUEL 16:7

Iyakiya makkedai Puwangnge lao ri Samuél, “Aja' mutattaré ri tappana iya magelloé sibawa matanré watakkaléna; tenniya aléna Uwélori. Dé' uwangangke pada-pada tolinoé mangangke. Tolinoé mitai tappa, iyakiya Iyya mitaka ati.”