1 SAMUEL 2:26 - KITTA KAREBA MADECENG

²⁶ Sibalé'na Samuél, ana'éro, pédé battowai sibawa pédé ripoji, muwi Puwangnge, iyaré'ga sininna tauwé.

1 SAMUEL 2:26 ပူးပေါင်းရင်းမြစ်များ

KAJAJIYANG 39:4

Namasennanna Potifar lao ri Yusuf sibawa makkai mancaji pattumani paribadinna; nainappa riwéréng jamang Yusuf murusu'i ruma tanggana sibawa sininna appunnangenna.

AMSAL 3:3

Sitinajako tette mateppe sibawa matinulu lao ri Allataala sibawa pada-padammu. Engngerangngi iyaro sibawa taroi ri laleng atimmu,

AMSAL 3:4

kuwammengngi naripojiko sibawa riyangke ri Allataala sibawa tolinoé.

LUKAS 1:80

Napédé' battowana iyaro ana'na Zakharia sibawa pédé' mawatang rohna. Monroi ri padang kessi'é, narapi lettu wettunna nappaissengeng aléna lao ri bangsa Israélié.

LUKAS 2:40

Napédé' battowana iyaro anana'é sibawa mawatang. Mapanré senna'i sibawa riyamaséinna ri Allataala.

LUKAS 2:52

Napédé' battowana Yésus sibawa tattamba accana, enrengngé ripoji ri Allataala sibawa ri rupa tauwé.

RIWAYA'NA RASUL-RASUL-E 2:47

Matteru-terui mennang napoji Allataala sibawa ripoji risininna tauwé. Esso-esso pédé' tattambai jumellana mennang nasaba Puwangngé mpéréngngi mennang sining tau iya ripassalama'é.

ROMA 14:18

Tau iya tumaningiyéngngi Kristus secara makkuwaro, iyaro tauwé napésennangiwi atinna Allataala, sibawa riyangke'i risining tau laingngé.

HAKING-HAKING 13:24

Siyagangngaré uleng ri munrinna iyaro bainéna Manoah jajiyanni séddi ana' worowané nanawéréngngi aseng Simson. Iyaro ana'é mancaji battowani enrengngé ribarakkaki ri Puwangnge;

1 SAMUEL 2:21

Ribarakkakini Hana ri Allataala, angkanna jajiyassi tellu ana' worowané sibawa duwa ana' makkunrai. Napédé battowa tona Samuél ri laleng natumaninginna Allataala.

1 SAMUEL 3:19

Tattamba battowani Samuél. Puwangnge sibawangngi sibawa mébbui sininna iya napowadaé Samuél kajajiyang tongeng.