1 SAMUEL 2:23 - KITTA KAREBA MADECENG

²³ Rimakkuwannanaro makkedani lao ri ana'-ana'na, “Purana tarima laporang polé risininna umma'e passalenna kédo-kédomu iya majaé. Magi mupogau'i iyaro?

1 SAMUEL 2:23 ပူးပေါင်းရင်းမြစ်များ

YESAYA 3:9

Kédona mennang iya matempoé mappaitangngi jana mennang. Mannessa-nessai mennang madosa pada-pada tau Sodongngé riyolo. Cilakani mennang! Napapoléngengngi mennang acilakang aléna.

YEREMIA 3:3

Iyanaro saba'na natattahang uwai polé ri langié, sibawa bosi ri wettu keccé'é teppudu-pudu polé. Maéloko pada cakkuribangngé, sibawa dé' muwissengngi masirié.

YEREMIA 8:12

Eh umma'-Ku, harusu'ko masiri nasaba purai mupogau' sininna iya matunaéro! Iyakiya maompe rupako sibawa dé' muwissengngi masiri. Rimakkuwannanaro sempé'ko matu pada-pada tau laing iya sempé'énna; cappuni curitamu rékko Uhukkukko. Iyya, Puwang, pura mabbicara.

RIWAYA'NA RASUL-RASUL-E 14:15

“Eh, magi mupogau'i iyaé? Idi'é tolino mutokki pada-pada Saudara! Engkaki kuwaé untu' mabbirittangngi Karéba Madécéngngé lao ri iko kuwammengngi namusalaiwi gau'-gau' iya dé'é nakkéguna namulao ri Allataala iya tuwoé, iya pancajiyéngngi langié sibawa linoé nenniya tasi'é enrengngé sininna iya engkaé ri lalenna.

RIWAYA'NA RASUL-RASUL-E 9:4

Mabuwanni ri tanaé nainappa méngkalinga séuwa sadda makkeda ri aléna, “Saulus, Saulus! Aga saba'na mucalla-Ka?”

FILIPI 3:19

Atuwonna sining tau pada-padaéro maccappa'i matu sibawa ancurukeng, saba' déwatana iyanaritu cinna tubunna muto mennang. Gau'-gau' iya mappakasiri-sirié, mala iyanaro mennang nammingkikeng; saba' banna mennang mappikkiri'i gau'-gau' iya naéloriyé linoéwé bawang.

1 SAMUEL 2:22

Macowa senna'ni Eli. Naéngkalingai matteru-teru appissengengngé passalenna kédo-kédona ana'-ana'na lao ri tau Israélié. Naisseng towi Eli makkedaé iyaro ana'-ana'na matinroi silaong sining makkunrai iya mangonrowangngé ri yolona sumpang Kéma Ahadérékenna Puwangnge.

1 SAMUEL 2:24

Aja'na mupogau'i makkuwaéro paimeng, ana'ku. Maja senna aga nacurita umma'na Puwangnge passalemmu!