1 SAMUEL 2:22 - KITTA KAREBA MADECENG

²² Macowa senna'ni Eli. Naéngkalingai matteru-teru appissengengngé passalenna kédo-kédona ana'-ana'na lao ri tau Israélié. Naisseng towi Eli makkedaé iyaro ana'-ana'na matinroi silaong sining makkunrai iya mangonrowangngé ri yolona sumpang Kéma Ahadérékenna Puwangnge.

1 SAMUEL 2:22 ပူးပေါင်းရင်းမြစ်များ

KAJAJIYANG 35:22

Wettunna mennang engka ri onrongngéro matinroi Rubén sibawa Bilha, gundi'na ambo'na. Naéngkalingani Yakub gau'éro, namacai senna'na. Mappunnaiwi Yakub seppulo duwa ana' worowané.

KAJAJIYANG 37:2

naiyanaé riwaya'na kaluwargana Yakub: Wettunna Yusuf, ana' Yakub makkéumuru seppulo pitu taung, naurusu'ni bémbé bimbala makkonrongngé silaong sining kakana, iyanaritu ana'-ana'na Bilha sibawa Zilpa, iya duwa gundi'na ambo'na. Nalaporo'ni lao ri ambo'na sining pangkaukeng maja iya napogau'é sining kakana.

ASSURENG 38:8

Bézaleel mébbui kullang gessaé sibawa tudangenna poléto ri gessaé. Iyaro gessaé poléi risining camming appunnangenna sining makkunrai iya mattumaniyé ri sumpanna Kémana Puwangnge.

YEHEZKIEL 22:26

Sining imanna Israélié najjalékkaiwi hukkung-hukkuk-Ku sibawa carépaiwi barab-barang iya ripallaingngé untu' alé-Ku. Dé' napasilaingengngi mennang kéga hallala' sibawa kéga harang. Makkuwatoro mennang dé' napaggurui ra'ya'é untu' pasilaingengngi kéga mapaccing sibawa kéga najisi' situru peraturanna agamaé. Dé' mennang nabati-batiwi esso Saba'é. Nanallalengiwi ripakatuna-Ka ri bangsa Israélié.

1 SAMUEL 2:23

Rimakkuwannanaro makkedani lao ri ana'-ana'na, “Purana tarima laporang polé risininna umma'e passalenna kédo-kédomu iya majaé. Magi mupogau'i iyaro?

1 SAMUEL 3:13

Purani Upaissengi aléna makkedaé Uhukkungngi matu kaluwargana untu' mannennungeng nasaba ana'-ana'na purai napakatuna-Ka. Naisseng Eli dosa-dosana mennanro, iyakiya dé' mennang nacairiwi.

1 SAMUEL 8:1

Macowanana Samuél, naakkani ana'-ana'na mancaji haking ri Israél.