1 SAMUEL 2:12 - KITTA KAREBA MADECENG

¹² Maja senna ana'-ana'na Eli. Dé' mennang nabati-batiwi Puwangnge

1 SAMUEL 2:12 ပူးပေါင်းရင်းမြစ်များ

1 ARUNG-NGARUNG 21:10

Suroi duwa tau maja tudang mangolo ri aléna sibawa tenre'i makkedaé purani natanroi Allataala sibawa arungngé. Nainappa mutiwi massu ri saliweng kota, namugenrungngi sibawa batu gangka maté!”

1 ARUNG-NGARUNG 21:13

Duwa tomaja tudang siyolong sibawa Nabot, na ri yolona tau maégaé natenre'ni mennang makkedaé purai natanroi Allataala sibawa arungngé. Rimakkuwannanaro naritiwina ri saliweng kota nainappa rigenrung batu gangka maté.

YEREMIA 2:8

Sining imangngé dé'gaga makkutana kéga-Ka, Puwan-na. Muwi sining pappatettong hukkungngé dé'to naissengngi niga Iyya, sining panguwasaé maronta'i lao ri Iyya. Ri laleng asenna Baal mabbicarai sining nabié, sibawa sompai barahala iya dé'é nakkéguna.”

YEREMIA 9:3

sibawa tuli sadiya untu' mabbellé. Ri sininna wanuwaé, dé' namakuwasa atongengengngé, mala sassa atemmalempurengngé. Makkedai Puwangnge, “Pogau'i ja umma'-Ku sibawa dé' appésaunna, dé' nangakui-Ka mennang selaku Allataalana.”

YEHEZKIEL 22:26

Sining imanna Israélié najjalékkaiwi hukkung-hukkuk-Ku sibawa carépaiwi barab-barang iya ripallaingngé untu' alé-Ku. Dé' napasilaingengngi mennang kéga hallala' sibawa kéga harang. Makkuwatoro mennang dé' napaggurui ra'ya'é untu' pasilaingengngi kéga mapaccing sibawa kéga najisi' situru peraturanna agamaé. Dé' mennang nabati-batiwi esso Saba'é. Nanallalengiwi ripakatuna-Ka ri bangsa Israélié.

YOHANES 16:3

Napogau'i mennang lao ri iko saba' dé' naissengngi Ambo'é sibawa Iyya.

YOHANES 17:3

Iyanaé atuwong mannennungengngé; kuwammengngi tauwé naissengngi Ambo'é, séddi-séddinna Allataala iya tongengngé, sibawa missengngi Yésus Kristus iya nasuroé Ambo'é.

YOHANES 8:55

padahal dé' muwissengngi. Iyakiya Iyya uwissengngi. Akkalarapanna makkeda-Ka makkedaé dé' Uwissengngi, tentu séddika tau pabbelléng pada-pada iko. Uwissengngi sibawa mapatoiwi adan-Na.

ROMA 1:21

Rupa tauwé naissengngi Allataala, iyakiya rupa tauwé dé' napakalebbii selaku Allataala sibawa dé'to natarima kasi ri Aléna. Sibalé'na mappikkiri'i rupa tauwé iya tessiratangngé; mapettanni atinna mennang.

2 KORINTUS 6:15

Dé' nakkullé Kristus sipekke Ibillisi'é. Aga assipadanna tau Kristéngngé sibawa tau tenniyaé Kristéng?

ULANGENG 13:13

makkedaé siyagangngaré tau maja polé ri bangsamu pura papusai pabbanuwana kotaé untu' massompa déwata-déwata iya dé'é muwissengngi.

ULANGENG 13:14

Rékko riyéngkalingai karéba-karéba makkuwaéro, salidikiwi sibawa madécéd-décéng. Rékko iyaro jaé tonget-tongengngi pura kajajiyang,

HAKING-HAKING 19:22

Wettunna mennang massennas-sennang, tennasenna-sennana rikeppung iyaro bolaé risining tau benna'é ri kotaéro. Nagetto'ni mennang tange'é sibawa makkeda lao ri tomatowaéro, “Abbéréyangngi lao ri idi worowané iya mutiwié ri bolamu. Maéloki pakéi!”

HAKING-HAKING 2:10

Nainappa sininna sippangka'éro maté toni. Na sippangka rappina dé'na naissengngi Puwangnge, nasaba dé' mennang napéneddingiwi aga pura napogau' Puwangnge untu' bangsa Israélié.

1 SAMUEL 10:27

Iyakiya siyagangngaré tomaja makkeda, “Pékkugi wedding iyaé tauwé makkéguna matu ri idi?” Napakariyawai Saul sibawa dé' nawéréngngi hadiya. Iyakiya najjaiwi temmissengngi.

1 SAMUEL 25:17

Rimakkuwannanaro, timbanni gauéwé, sibawa pettuini aga wedding napogau' Ibu. Saba' pasti poléi matu pakkabale'na lao ri puwatta sibawa sininna kaluwargana. Matedde ati senna puwatta angkanna dé' nawedding riyéra mabbicara.”

1 SAMUEL 3:13

Purani Upaissengi aléna makkedaé Uhukkungngi matu kaluwargana untu' mannennungeng nasaba ana'-ana'na purai napakatuna-Ka. Naisseng Eli dosa-dosana mennanro, iyakiya dé' mennang nacairiwi.