1 SAMUEL 2:10 - KITTA KAREBA MADECENG

¹⁰ Sining balinna Puwangnge ancuru'i maccabbu, métaui mennang; polé ri langié Aléna magguttu. Puwangnge maélo madéléki sininna linoéwé, sibawa mabbéré akuwasang iya malebbié lao ri arung iya Napilé.”

1 SAMUEL 2:10 ပူးပေါင်းရင်းမြစ်များ

2 SAMUEL 22:14

Namagguttu Puwangnge polé ri bétaraé, Iya Pommatanré mapparéngkalingangngi saddan-Na.

2 SAMUEL 7:8

Rimakkuwannanaro, Natan, paissengiwi atak-Ku Daud, makkedaé Iyya, Puwang Iya Pommakuwasaé, makkeda lao ri aléna, ‘Purano Uwala polé ri jama-jamammu makkampi bimbala ri padangngé sibawa Uwakka mancaji arung ri umma'-Ku Israélié.

AYUB 40:9

Mawatakkoga pada-pada Iyya? Naulléga saddammu magguttu pada-pada saddak-Ku?

MAZMUR 132:17

Kuwaé séddi wijanna Daud Upancaji arung; apparéntanna Upakkasse'i matu.

MAZMUR 148:14

Purani napéwatangi bangsa-Na, angkanna ripoji-poji ri umma'-Na, Israélié, umma Napojiyé. Pojiwi Puwangnge!

MAZMUR 2:2

Massamangngi tokkong sining arung linoé sibawa sining panguwasaé masséddiwi méwai Puwangnge sibawa arung Napilé.

MAZMUR 2:6

Adan-Na, “Ri Sion bulu-bulu-Ku iya mapaccingngé purani Ulanti arung upilé-Ku.”

MAZMUR 2:9

Mupoloi matu mennang sibawa tekkeng bessi sibawa mureppa'i pada-pada oring tanaé.’ ”

MAZMUR 20:6

Natagora-gora marennu nasaba apakalammu, sibawa makkai bandéraé untu' pojiwi Allataalata. Tennapodo natarimai Puwangnge sininna paréllaummu.

MAZMUR 20:7

Uwissenni makkekkuwangngé makkedaé Puwangnge mabbéré apakalang lao ri arung napilé-Na. Puwangnge baliwi polé ri suruga-Na iya mapaccingngé; nasaba akuwasanna Puwangnge lolongengngi apakalang battowa.

MAZMUR 21:1

Untu' pamimping kor. Mazmurna Daud.

MAZMUR 28:8

Puwangnge mabbéré awatangeng lao ri umma'-Na, Naéwaiwi sibawa Napassalama'i arung napilé-Na.

MAZMUR 45:7

Allataala mpérékko akuwasang untu' mapparénta, mattahangngi akuwasammu untu' mannennungeng; muparéntai sibawa adélé ra'ya'mu.

MAZMUR 89:17

Puppu esso mariyo-riyo mennang sibawa tette masse, nasaba akessingemmu.

MAZMUR 89:24

Sininna balinna Upaccappui matu, Uwunoi niga-niga céccééngngi.

MAZMUR 89:25

Tette'ka matu mamaséiwi sibawa matinulu lao ri aléna, sibawa mébbui pédé makuwasa.

MAZMUR 96:13

Saba' poléi Puwangnge mapparénta ri linoé, Naadélékiwi matu bangsa-bangsaé sibawa adélé nenniya malempu.

MAZMUR 98:9

Saba' poléi untu' madélékiwi linoé; Naadélékiwi matu bangsa-bangsaé sibawa adélé enrengngé tongeng.

ASSURENG 15:6

Awatangem-Mu mappabengnga senna, oh Puwang, Muwébbui balié cappu tassiya-siya.

PAKKATOBBA 11:9

Péneddingini wettu malolomu, éh kallolo! Arennuno ri wettu malolomu mupa. Pennoiwi sininna cinnana nyawamu, pogau'ni sininna niya' atimmu. Iyakiya éngngerangngi, Allataala iya engkaé ri surugaé, naadélékiwi matti sininna tindakammu.

PAKKATOBBA 12:14

Naadélékiwi matu Allataala sininna pangkauketta; iya makessingngé sibawa majaé, mala iya tassubbuétto.

YESAYA 29:6

Puwang Iya Pommakuwasaé paleppe'i matu iyaro kotaé nasibawang anginraja sibawa mpéwang tana iya maseroé. Papoléi matu anginraja sibawa api iya majjallo'é.

YESAYA 32:1

Itai, narapii matu wettunna séddi arung mapparénta sibawa adélé nenniya pamimping-pamimpinna bangsaé pajoppai adélékengngé.

YESAYA 45:24

Makkedai matu sining tauwé, ‘Adélékengngé sibawa awatangengngé banna poléi ri Puwangnge!’ Sininna tau iya céccéék-Ka poléi matu ri Iyya sibawa masiri.

YEHEZKIEL 29:21

Rékko kajajiyanni iyaro gau'é, Upancajiwi matu Israélié bangsa iya mawatangngé, sibawa pakkulléko Yéhézkiél, laluwasa mabbicara angkanna sininna tauwé naulléi méngkalingako. Nanaissengngi matu mennang makkedaé Iyya ritu Puwang.”

MATIUS 25:34

Nainappa makkeda matu iyaro Arungngé lao risining tauwé ri seddé ataun-Na, ‘Laono mai iko iya nabarakkakiyé Ambo'-Ku. Uttama'no ri laleng akkarungeng iya napassadiyangengngékko mappammulai pammulanna linoé.

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

LUKAS 1:69

Nawérékki pappassalama' iya baranié, wijanna Daud, atan-Na.

LUKAS 19:27

Namakkekkuwangngé tiwii lao mai sining balikku iya dé'é naéloriwi iyya mancaji arunna. Uno manengngi mennang ri yoloku!’ ”

RIWAYA'NA RASUL-RASUL-E 10:38

Muwissenni makkedaé Allataala pura piléi Yésus tau Nazarét-éro sibawa mpéréngngi Rohna Allataala nasibawang akuwasang. Muwisseng toni makkedaé iyaro Yésus laowi kégi-kégi untu' pogau' décéng; napajjappa manengngi tau nakuwasaiyé Ibillisi', saba' Allataala sibawangngi.

RIWAYA'NA RASUL-RASUL-E 4:27

Saba' mémeng Hérodés sibawa Pontius Pilatus purani pakangka addeppungeng sibawa sining tau iya dé'é naissengngi Puwangngé sibawa tau Israélié ri kotaéwé. Siruntu'i mennang untu' méwai Yésus Atam-Mu iya mapaccingngéro, iya puraé Muwakka mancaji Arung Pappassalama'é.

2 KORINTUS 5:10

Saba' pasti idi maneng ripangoloki matu ri yolona angadélékenna Kristus, na tungke'-tungke' matu lolongengngi pamale' iya siratangngé sibawa pangkaukenna ri linoéwé – pangkaukeng makessing iyaré'ga maja.

HAKING-HAKING 5:31

Tennapodo sining balim-Mu, oh Puwang, matéi pada-pada Siséra, iyakiya sininna sahaba'-Mu mattappai pada-pada mata essoé ri bitaraé! Purairo, amanni wanuwaéro patappulo taung ittana.

1 SAMUEL 12:13

Makkekkuwangngé, itani, iyanaé, arung iya mupiléro. Purani muwéllau, napurano nawéréng Puwangnge.

1 SAMUEL 12:17

Maéloka mangobbi lao ri Puwangnge, sibawa namuni makkekkuwangngé wettu timo, panonnoi matu Puwangnge guttu sibawa bosi selaku pappébalinna sempajakku. Iyaro wettué, mainge'ko matu pékkugi loppona dosamu lao ri Puwangnge nasaba méllauwi séddi arung.”

1 SAMUEL 12:18

Namassempajanna Samuél, na iyatoro essoé napanonno Puwangnge guttu sibawa bosi. Sininna bangsaéro métauni lao ri Puwangnge sibawa lao ri Samuél.

1 SAMUEL 12:3

Makkekkuwangngenna ritu utettong ri yolomu! Rékko puraka pogau' asalang, teppuna ri yolona Puwangnge sibawa ri yolona arungngé iya Napilé. Engkaga naengka uwala saping iyaré'ga kaleddé'na tau laingngé? Engkaga naengka upabengnguwang iyaré'ga mattenre iyaré'ga tarima dowi pasoso? Powadani, kuwammengngi agi-agi iya uwalaé weddingngi upalisu.”

1 SAMUEL 15:28

Namakkedana Samuél lao ri aléna, “Iyaé essoé purani nasapé Puwangnge akkarungenna Israélié polé ri Datu, sibawa mabbéréyangngi lao ri tau laing iya lebbi makessingngé naiya Datu.

1 SAMUEL 16:1

Siyagangngaré wettu rimunrinna makkedani Puwangnge lao ri Samuél, “Siyagapi ittana messé atiko nasaba Saul? Dé'ga na aléna tenriyangakuini selaku arunna Israélié? Makkekkuwangngé, alano minnya zaitun namulao ri Bétléhém, riséddié tau riyasengngé Isai, nasaba sala séddinna polé ri ana'-ana'na purani Upilé mancaji arung.”

1 SAMUEL 7:10

Wettunna Samuél mattengngang makkasuwiyang akkarobangeng ritunuéro, mammulani maggasa tau Filistingngé; iyakiya nasitujuwangngi iyaro wettué magguttui Puwangnge polé ri langié ri yasé'na mennang. Nakacauna mennang angkanna lari alippuwang.