1 SAMUEL 2:1 - KITTA KAREBA MADECENG

¹ Namassempajanna Hana, adanna, “Napérennuiwi atikku Puwangnge; pangkaukenna Napésennangiwi nyawaku. Nasibawang ariyo-riyong uwéllékéllé'i balikku, saba' tonget-tongengngi Allataala pura tulukka.

1 SAMUEL 2:1 ပူးပေါင်းရင်းမြစ်များ

2 TAWARIKH 20:27

Nainappa napimping Yosafat sininna pasukangngé lisu ri Yérusalém sibawa mariyo-riyo nasaba Puwangnge pura caui balinna.

AYUB 16:15

Pakéka karung tanrang amesséng, sibawa tudang ri laleng awué nasaba ricauka.

MAZMUR 118:14

Puwangnge iyanaritu awatangekku sibawa usompaé, puraka napassalama.

MAZMUR 13:5

Aja' taleppessangngi balikku makkeda makkedaé pura nacauka mennang. Aja' taleppessangngi mennang gora-goraika.

MAZMUR 148:14

Purani napéwatangi bangsa-Na, angkanna ripoji-poji ri umma'-Na, Israélié, umma Napojiyé. Pojiwi Puwangnge!

MAZMUR 18:2

Upojiki, oh Puwang, Iko ritu awatangekku.

MAZMUR 20:5

Tennapodo Aléna mabbéréyangngi sininna iya muwacinnaiyé, sibawa mébbui sininna rancanamu papolé wassélé.

MAZMUR 21:2

Oh Puwang, marennui arungngé nasaba purai Mupéwatangi; mariyo-riyoi nasaba apakalang iya Muwéréngngéngngi!

MAZMUR 35:9

Naugora-gora nasaba Puwangnge, marennui atikku saba' Napassalama'ka.

MAZMUR 51:15

Nauwappagguruwangngi matu parénta-Mu lao ri tau madosaé, kuwammengngi nalisu mennang ri Iko.

MAZMUR 71:8

Tuli upoji-Ko, puppu esso uwabbirittang arajam-Mu.

MAZMUR 75:10

Iyakiya tette'ka matu mabbirittangngi Allataalana Yakub, makkélongengngi pappoji-pojiyang untu' Aléna.

MAZMUR 89:17

Puppu esso mariyo-riyo mennang sibawa tette masse, nasaba akessingemmu.

MAZMUR 89:18

Muwérékki apakalang iya makessing senna'é, nasaba akessingem-Mu ritu natapakala.

MAZMUR 89:24

Sininna balinna Upaccappui matu, Uwunoi niga-niga céccééngngi.

MAZMUR 9:14

Itani, napanrasa-rasaka balié; amaséika, oh Puwang, paleppe'ka polé ri amaténgngé,

MAZMUR 92:10

Taissengngi ripaccappui matu balim-Mu, oh Puwang, sininna tau majaé ripassara-sarangngi matu.

ASSURENG 15:1

Nainappa Musa sibawa sining tau Israélié napuwélong élongngéwé untu' pojiiwi Puwangnge, “Maéloka makkélong untu' Puwangnge, saba' pakalani sibawa battowa. Sininna anyarangngé sibawa tonangiyéngngi naggenrungengngi ri laleng tasi'é.

ASSURENG 15:21

Makkélonni Miryam untu' mennang, “Akkélonno untu' Puwangnge, saba' pakalani sibawa battowa. Sininna anyarangngé sibawa tonangiyéngngi naggenrungengngi ri laleng tasi'é.”

HABAKUK 3:1

Iyanaé sempajanna Nabi Habakuk:

HABAKUK 3:18

tuli marennuka matu, saba' Iko Puwang Allataala pappassalama'ku.

LUKAS 1:69

Nawérékki pappassalama' iya baranié, wijanna Daud, atan-Na.

ROMA 5:11

Nalebbi na iyaro, marennu tokki nasaba akessingenna Allataala naolai Puwatta Yésus Kristus. Saba' naolai Kristus, ripéneddingiwi makkekkuwangngé assisumpungetta iya madécéngngéro sibawa Allataala.

ULANGENG 33:17

Mappunnaiwi Yusuf awatangeng sikaju banténg, sibawa tanru saping lai ale iyanaro massebbu Manasyé sibawa mappulo sebbu Efraim. Natanru'i bangsa-bangsaé sibawa nadessa'i lettu ri cappa-cappa linoé.”

FILIPI 3:3

Padahal idi'na ritu sining tau iya puraé tarimai sunna iya tongengngé, tenniya mennang. Risompai Allataala sibawa pappimpinna muto Rohna Allataala, na sukkuru'ki nasaba tuwoki masséddi sibawa Kristus Yésus. Dé' tataggattung ri upacara-upacara iya mallahérengngé.

FILIPI 4:4

Tennapodo tuli marennuko nasaba tuwoko masséddi sibawa Puwangngé. Siseppa makkeda: arennuno!

FILIPI 4:6

Aja mubata-bata passalenna muwi aga. Ri laleng sininna gau'-gau'é, assempajanno sibawa pangoloni paréllaummu ri Allataala. Aga muwapparelluwang, tuli powadai lao ri Allataala ri laleng mattarima kasi.

1 PETRUS 1:8

Muwamaséiwi Aléna, namuni riyolo dé' muwitai. Sibawa mateppe'ko ri Aléna namuni makkekkuwangngé dé' muwitai. Iyanaro saba'na namarennuko, sibawa pérasaiwi ariyo-riyong iya battowaé sibawa iya dé'é naripowada.

WAHYU 18:20

Eh suruga, akkérennuno nasaba ancurukenna kotaéro! Eh umma' Allataala, rasul-rasul sibawa nabi-nabi, akkérennuno! Saba' Allataala pura hukkungngi selaku pamale'na aga iya puraé napogau' lao ri iko!

1 SAMUEL 1:6

Tuli ripeddiriwi atinna Hana sibawa ripakatuna ri Pénina, amaurénaro, nasaba Puwangnge dé' nawéréngngi ana'.

1 SAMUEL 1:7

Iyaro gau'é kajajiyangngi polé ri taungngé lao ri taungngé; rékko laowi mennang ri Bolana Puwangnge, tuli ripeddiriwi atinna ri Pénina. Biyasai Hana teri sibawa dé' namaélo manré nasaba ripakatunai.