1 SAMUEL 19:5 - KITTA KAREBA MADECENG

⁵ Purani nappésonang nyawana wettunna nauno Goliat, sibawa Puwangnge pura mpéréngngi apakalang battowa lao ri Israélié naolai aléna. Aléna Ambo' pura mitai kajajiyangngéro, sibawa marennu Ambo' wettuéro. Jaji magi makkekkuwangngé namaélo Ambo' callai tau iya dé'é napasala sibawa maélo mpunoi Daud temmakkéalasang?”

1 SAMUEL 19:5 ပူးပေါင်းရင်းမြစ်များ

2 SAMUEL 23:10

matterui Eléazar méwa mpunoi tau Filistingngé narapi poso senna. Sojo'ni limanna angkanna dé' naulléi leppessangngi peddanna. Iyaro essoé Puwangnge mpéréngngi apakalang iya battowaé lao ri Israélié. Pasukang Israél iya soroé onna lisuni ri onronna Eléazar mammusu, nanaludungngi waju musué polé risining ujué kuwaro.

1 TAWARIKH 11:18

Naéngkalinganaro, iya tellu parawiraéro bettui akkémanna tau Filistingngé nanaséro uwai polé ri bujungngéro, nainappa natiwi lao ri Daud. Iyakiya dé' namaélo Daud ménungngi, mala natiri'i selaku pakkasuwiyang lao ri Puwangnge.

MAZMUR 109:5

Nawale'i mennang akessingekku sibawa ja, nenniya pammaséku sibawa paccéccé.

MAZMUR 119:109

Tuli uwappésonangngi nyawaku, iyakiya iyya dé' uwallupaiwi hukkum-Mu.

MAZMUR 25:3

Tau iya bali'bellaé ri Iko ripakasirii matu, iyakiya iya mateppe'é ri Iko dé' naripakacélé.

MAZMUR 69:4

Gora-goraka gangka poso sibawa marakko tigoro'ku. Mapéssé matakku tajengngi bantuwanna Allataalaku.

MAZMUR 94:21

Sikongkolo'i mennang méwai tau malempué, sibawa hukkung matéi tau iya dé'é napasala.

ASSURENG 14:13

Nappébali Musa, “Aja' mumétau! Attahanno! Muwitai matu aga napogau' Puwangnge untu' passalama'ko. Tau Maséré iya muwitaé makkekkuwangngé, dé'na matu muwitani paimeng.

YEREMIA 26:15

Iyakiya éngngerangngi, rékko muwunoka, iko sibawa pabbanuwana kotaéwé tanggungngi matu asalanngé nasaba abbunowangngé lao ri tau iya dé'é napasala. Saba' Puwangnge suroka untu' mabbéréyangngi iyaro papparéngngerangngé lao ri iko.”

MATIUS 27:24

Angkanna mainge'ni Pilatus makkedaé dé'na agaga wedding napogau' sibawa ajakké maronta'i iyaro sining tauwé. Jaji malani uwai, na ri yolona iyaro tau maégaé bissaiwi limanna sibawa makkeda, “Dé' utanggung jawakiwi amaténna iyaé tauwé! Urusammu iyaé!”

MATIUS 27:4

Makkedani, “Madosaka bali'bellariwi tau iya dé'é asalanna, angkanna rihukkung maté!” Iyakiya mappébaliwi mennang, “Magi naripaduli iyatu? Iyaro urusammu!”

YOHANES 15:25

Iyakiya mémeng harusu'i makkuwaro, kuwammengngi kajajiyangngi aga taroki ri laleng Kitta Hukkunna mennang, iyanaritu: ‘Nabenci-Ka mennang temmakkéalasang.’

RIWAYA'NA RASUL-RASUL-E 20:24

Iyakiya dé' upaduliwi atuwokku, assaleng uwullé muwi paccappui jamang iya nawéréngngékka Puwang Yésus sibawa assaleng matinulu muka lettu ri ajjalekku untu' mabbirittangngi Karéba Madécéngngéro passalenna pammaséna Allataala.

FILIPI 2:30

Untu' apentingenna jema'-jema'na Kristus, céddé'pi namaté; nappésonangngi nyawana untu' tulukka ri laleng asemmu.

IBRANI 2:3

Apalagi nasibawang asalamakeng iya lebbi héba'é naiya sining pasengngéro! Rékko dé' tajampangiwi asalamakengngéro, tentuni dé' taleppe matu polé ri pahukkungengngé. Saba' Puwangngé muto ritu iya bunge'-bunge'é mappallebbangengngi asalamakengngéro, nasining tau iya bunge'-bunge'é méngkalingai purani napabutti atongengenna lao ri idi.

HAKING-HAKING 12:3

Jaji, mateppe'kuna makkedaé dé' mumaélo polé bantuka, baranina lao musui sining tau Amongngéro, namuni harusu'ka maté. Nanawérékka Puwangnge apakalang lao ri mennang. Magi makkekkuwangngé mupolé luruika?”

HAKING-HAKING 9:17

iya puraé mammusurekko? Engngerangngi, purai nappésonang nyawana untu' paleppe'ko polé ri akuwasanna sining tau Midiangngé.

1 SAMUEL 11:13

Iyakiya makkedai Saul, “Dé' muwi séddi tau wedding riyuno iyaé essoé, nasaba iyaé essoé purani napassalama Puwangnge Israélié.”

1 SAMUEL 14:45

Iyakiya makkedai ra'ya'é lao ri Saul, “Harusu'iga Yonatan rihukkung maté? Padahal aléna ritu tiwii apakalang battowaéwé? Dé'! Majjanciki nasabbing Puwang iya tuwoé, makkedaé dé' nawedding Yonatan ateddéngeng muwi silampa gemme'na polé ri ulunna. Nasaba pattulunna Puwangnge ritu, nalolongeng apakalang essoéwé.” Makkuwaniro Yonatan ripassalama polé ri pahukkungeng maté ri ra'ya'é.

1 SAMUEL 19:6

Mainge'ni Saul polé ri ada-adanna Yonatan, namattanrona ri laleng asenna Puwangnge makkedaé dé' namaélo mpunoi Daud.

1 SAMUEL 20:32

Namappébali Yonatan, “Magi naharusu maté? Aga dosana?”

1 SAMUEL 22:14

Nanappébali Ahimélékh, “Tenniyaga Daud parawirana Datu iya kaminang matinulué? Ménéttunna topa Datu, kapala pengawalna Datu, sibawa ripakalebbi senna'i ri sininna tauwé ri laleng saorajana Datu.

1 SAMUEL 28:21

Naddeppérini Saul iyaro sanroé sibawa naitani makkumani tauna; rimakkuwannanaro makkedani iyaro makkunraié lao ri aléna, “Puwakku, purani atatta mappésona untu' pogau'i aga naéllauwé Puwang.