1 SAMUEL 18:9 - KITTA KAREBA MADECENG

⁹ Mappammulai wettuéro mangémpuruni lao ri Daud.

1 SAMUEL 18:9 ပူးပေါင်းရင်းမြစ်များ

KAJAJIYANG 31:2

Naita towi Yakub makkedaé dé'na namabessa Laban pada-pada riyolo lao ri aléna.

AMSAL 27:4

Iyaro caié mapéddara sibawa paancuru, iyakiya moloiwi pangémpurué niga tahang?

PAKKATOBBA 4:4

Uwisseng towi makkedaé mappallaung ladde'i tolinoé, banna nasaba mangémpurui mitai wassélé usahana balibolana. Iya manennaro siya-siyai simata pada-pada usaha lellungngé anging.

MATIUS 20:15

Dé'ga naweddikka pogau'i siéloku lao ri appunnangekku? Iyaré'ga mangémpurukoga, nasaba makacuwaka?’ ”

MARKUS 7:22

malaweng, mabbellé, mappétenna, sibawa pogau'i sininna majaé, mancaji mangowa, maja ampéna, pangémpurung, matempo, sibawa mawatang ripagguru.

EFESUS 4:27

kuwammengngi dé' nalolongeng kasempatang Ibillisi'.

YAKOBUS 5:9

Aja' muwannoko'-noko' sibawa sisullé sipassala, kuwammengngi nadé' narihukkukko ri Allataala. Engngerangngi! Macawé'ni Hakingngé, sadiyani untu' polé.

1 SAMUEL 18:10

Pappa bajanana engkai Saul ri lalempolana makkatenningngi bessinna na tappa ripoléini ri roh maja iya nasuroé Allataala, angkanna majjallo pada-pada tau jangengngé. Iyaro wettué makkacapiwi Daud pada-pada biyasaé.

1 SAMUEL 18:8

Naéngkalinganaro, macai senna'ni Saul. Saba' pikkiri'na, “Riyangga'ni Daud pura mpunoi mappulo-pulo sebbu, na iyya banna massebbu-sebbu bawang. Dé'na namaitta tentu aléna ripancaji arung ri mennang!”

1 SAMUEL 19:1

Makkedani Saul lao ri Yonatan ana' worowanéna, sibawa lao ri sininna pegawénna makkedaé maéloi mpunoi Daud. Iyakiya Yonatan napoji senna'i Daud,