1 SAMUEL 18:8 - KITTA KAREBA MADECENG

⁸ Naéngkalinganaro, macai senna'ni Saul. Saba' pikkiri'na, “Riyangga'ni Daud pura mpunoi mappulo-pulo sebbu, na iyya banna massebbu-sebbu bawang. Dé'na namaitta tentu aléna ripancaji arung ri mennang!”

1 SAMUEL 18:8 ပူးပေါင်းရင်းမြစ်များ

KAJAJIYANG 37:11

Mangémpuruni sining kakana Yusuf lao ri aléna, iyakiya ambo'na tette'i napikkiri iyaro nippié.

KAJAJIYANG 37:8

Nakkeda sining kakana, “Muwasengngi mancaji arukko matu sibawa mukuwasaiki?” Napédé mabbencini mennang lao ri aléna nasaba sining nippinna sibawa nasaba aga iya napowadaé.

1 ARUNG-NGARUNG 2:22

Nakkutana Salomo, “Magi naéllauwi indo' gau'éro ri iyya? Pada muwi iyaro méllauwi kuwammengngi uwabbéréyangngi iyaé kadéra akkarungengngé lao ri aléna. Tenniyaga kakakui? Nainappani Imang Abyatar sibawa Yoab maccowéi ri aléna!”

ESTER 3:5

Macai senna'ni Haman wettunna naisseng makkedaé dé' namaélo Mordékhai suju' lao ri aléna.

AMSAL 13:10

Atempongngé banna powassélé'i assasang; tau iya mapanré maéloi tarima pappagguruwang.

AMSAL 27:4

Iyaro caié mapéddara sibawa paancuru, iyakiya moloiwi pangémpurué niga tahang?

PAKKATOBBA 4:4

Uwisseng towi makkedaé mappallaung ladde'i tolinoé, banna nasaba mangémpurui mitai wassélé usahana balibolana. Iya manennaro siya-siyai simata pada-pada usaha lellungngé anging.

ABBILANGENG 11:1

Riséuwaé esso mammulani maddaréké iyaro bangsaé lao ri Puwangnge passalenna sining asukkarakenna mennang. Naéngkalingana iyaro sining addarékéngngé, macaini Puwangnge sibawa papolé api ri yasé'na mennang. Iyaro apié makkalolo'i ri yelle'na mennang sibawa mangurengngi sibagiyang polé ri akkémangngé.

ABBILANGENG 22:34

Nappébali Biléam, “Madosaka. Dé' uwissengngi makkedaé tettongngi Puwang ri tengnga laleng untu' lawa-lawaika. Iyakiya makkekkuwangngé, rékko manuru pallolongenna Puwang dé' namakessing upatteru allalengengngéwé, maéloka lisu.”

YAKOBUS 4:5

Aja' muwasengngi makkedaé Kitta'é temmakkéalasangngi nakkeda, “Ri laleng aléta Allataala taroi Roh iya matedde'é cinnana.”

1 SAMUEL 13:14

Iyakiya makkekkuwangngé dé'na matu nattahang apparéntanna Datu. Nasaba dé' Datu naturusiwi paréntana Puwangnge, purani napilé Puwangnge tau laing iya Napuwéloé untu' riyakka mancaji arung ri umma'-Na.”

1 SAMUEL 15:28

Namakkedana Samuél lao ri aléna, “Iyaé essoé purani nasapé Puwangnge akkarungenna Israélié polé ri Datu, sibawa mabbéréyangngi lao ri tau laing iya lebbi makessingngé naiya Datu.

1 SAMUEL 16:13

Masitta'ni Samuél malai minnya zaitungngéro nanalanti'i Daud sibawa upacara amminnyakeng ri yolona kaka-kakana. Iyatoro wettué narikuwasai Daud ri Rohna Puwangnge. Mappammulai essoéro sibawa matteru risibawanni ri Rohna Puwangnge. Nainappa lisuni Samuél ri Rama.

1 SAMUEL 18:9

Mappammulai wettuéro mangémpuruni lao ri Daud.

1 SAMUEL 19:1

Makkedani Saul lao ri Yonatan ana' worowanéna, sibawa lao ri sininna pegawénna makkedaé maéloi mpunoi Daud. Iyakiya Yonatan napoji senna'i Daud,

1 SAMUEL 20:31

Dé'ga mumainge makkedaé sipongenna tuwo mupi Daud dé' namakkulléko matu mancaji arung ri wanuwaéwé? Suroni makkekkuwangngé tauwé sappai sibawa tiwii lao mai, saba' harusu'i maté!”