1 SAMUEL 18:6 - KITTA KAREBA MADECENG

⁶ Wettunna Daud lisu puranana nacau Goliat tau Filistingngéro, sibawa sining prajuri'é mabbarisi muttama ri laleng kota, massuni sining makkunraié polé ri sininna kotaé ri Israél untu' duppaiwi Arung Saul. Makkélonni mennang élokkélong marennu, nenniya séré-séré sibawa macculéyang rabana sibawa kacapi.

1 SAMUEL 18:6 ပူးပေါင်းရင်းမြစ်များ

2 SAMUEL 1:20

Tennapodo sining tau Gat-é dé' naéngkalingai iyaro karébaé. Tennapodo lorong-loronna Askélon dé' nalolongeng karéba passalennaro. Aja' narapii makkunrai Filistingngé gora-gora aja' narapii makkunrai kapéré'é kelli-kelli marowa.

2 SAMUEL 6:5

Daud sibawa sininna bangsa Israélié joppa ri yolona Pettiéro naséré-séréto siullé-ulléna sibawa makkélok-kélong untu' pakalebbii Puwangnge. Macculé kacapiwi mennang, gambusu, rabana, kelentingan sibawa simbal.

MAZMUR 149:3

Pojiwi asen-Na sibawa séré-séré, pojiwi Aléna sibawa kacapi nenniya rebana!

MAZMUR 68:11

Nainappa umma'-Mu monro kuwaro; ri laleng akessingem-Mu, oh Allataala, Mupiyarai tau kasiyasié.

MAZMUR 68:25

Naita manengngi barisi apakalam-Mu, oh Allataala, Allataalaku, Arukku, riyulé lao ri onrong Naonroiyé.

ASSURENG 15:20

Nainappa Miryam, séddiwi nabi, kakana Harun, malai rabanana, sibawa sininna makkunraié maccowé tetté'i rabanana naséré-séréto.

ASSURENG 15:21

Makkélonni Miryam untu' mennang, “Akkélonno untu' Puwangnge, saba' pakalani sibawa battowa. Sininna anyarangngé sibawa tonangiyéngngi naggenrungengngi ri laleng tasi'é.”

YESAYA 30:32

Ri wettu napéneddinginna mennang sining pakkunruna, massennas-sennangngi umma'na Puwangnge sibawa musi' genrang sibawa kacapi. Aléna Allataala mammusu matu méwai tau Asyur-é.

HAKING-HAKING 11:34

Wettunna lisu Yéfta polé ri Mizpa, poléni ana' makkunrainna duppaiwi sibawa séré-séré nanatetté towi rabanaé. Iyanaro ana'na séddi-séddié.

1 SAMUEL 18:5

Napogau'ni Daud sininna tugasna sibawa makessing iya riwéréngngéngngi ri Saul. Rimakkuwannanaro riyakkani ri Saul mancaji parawira ri laleng tentarana, naripojina Daud ri sininna prajuri'é nenniya risining atanna Saul.