1 SAMUEL 18:5 - KITTA KAREBA MADECENG

⁵ Napogau'ni Daud sininna tugasna sibawa makessing iya riwéréngngéngngi ri Saul. Rimakkuwannanaro riyakkani ri Saul mancaji parawira ri laleng tentarana, naripojina Daud ri sininna prajuri'é nenniya risining atanna Saul.

1 SAMUEL 18:5 ပူးပေါင်းရင်းမြစ်များ

KAJAJIYANG 39:23

Iyaro kapala tarungkué dé'na najagaiwi sininna iya nappadettangengngé lao ri Yusuf, nasaba Puwangnge sibawangngi angkanna mallolongengngi ri laleng sininna jama-jamanna.

2 SAMUEL 5:10

Pédé maitta Daud pédé mawatang, nasaba Puwang, Allataala Iya Pommakuwasaé tulungngi.

2 SAMUEL 5:2

Riyolopa nariyolo, mala wettunna mupa Saul paréntaki, Datuto pimpingngi tentara Israélié tungke' mennang maju mammusu, nainappani pura majjanciwi Puwangnge lao ri Datu makkedaé Datu ritu iya pimpingngéngngi matu umma'na sibawa mancaji arunna mennang.”

2 TAWARIKH 17:3

Puwangnge barakkakiwi Yosafat nasaba naccowériwi baténa ambo'na; dé' nassompa Baal,

MAZMUR 1:3

Iyaro tauwé naduppai sininna usahana; pada-padai ajué ri wiring saloé iya mabbuwaé ri wettunna sibawa dé' naengka namakelle daunna.

MAZMUR 101:2

Maéloka puriatiwi atuwo-tuwong iya dé'é cellana. Uppanna polé-Ko ri iyya? Maéloka tuwo mapaccing ri bolaku,

MATIUS 10:16

“Pénessaiwi iyaé: Ukirikko pada-pada bimbala'é ri tengnga-tengngana asu ale'é. Harusu'ko matike' pada-pada ulaé sibawa matinulu pada-pada jangang-jangangngé.

RIWAYA'NA RASUL-RASUL-E 7:10

enrengngé paleppe'i polé ri sininna asussanna. Allataala mpéréngngi ati sibawa apanréng wettunna mennang mangolo ri Firaun, arung Maséré', angkanna Firaun pancajiwi gubernurna wanuwa Maséré' nenniya panguwasana saorajana Firaun.

EFESUS 5:17

Aja' mumadonggo, iyakiya salidikiwi aga iya naéloriyé Puwangngé.

KOLOSE 4:5

Ri laleng assisumpungemmu sibawa sining tau iya dé'é namateppe', sitinajako tuwo sibawa mapanré enrengngé pakéi tungke' kasempatangngé sibawa makessing.

1 SAMUEL 13:2

piléni 3.000 tau Israél; polé ri yelle'na 2.000 monro sibawa aléna ri Mikhmas sibawa ri daéra buluna Bétel, na iya 1.000 laowi silaong Yonatan ana' worowanéna ri Gibéa ri daérana suku Bényamin. Lebbinna iyaro ra'ya'é ripalaloni lisu ri bolana tungke'-tungke'.

1 SAMUEL 14:52

Gangka tuwona tuli mammusui Saul sibawa masero méwai tau Filistingngé. Rimakkuwannanaro, rékko mitai Saul tau mawatang iyaré'ga barani, masitta'i napancaji anggota tentarana.

1 SAMUEL 18:16

Iyakiya sininna Israél sibawa Yéhuda napojiwi Daud nasaba aléna pamimping iya maégaé appalanna.

1 SAMUEL 18:30

Sises-siseng rékko poléi tentara Filistingngé maggasa, lebbi mallolongengngi Daud paccappui mennang naiya sining parawirana Saul iya laingngé. Napédé kalabbana Daud.

1 SAMUEL 18:4

Naludunni Yonatan jumbana nanawéréngngi Daud, makkuwatoro pakéyang musuna enrengngé peddanna, panana sibawa babbanna.

1 SAMUEL 18:6

Wettunna Daud lisu puranana nacau Goliat tau Filistingngéro, sibawa sining prajuri'é mabbarisi muttama ri laleng kota, massuni sining makkunraié polé ri sininna kotaé ri Israél untu' duppaiwi Arung Saul. Makkélonni mennang élokkélong marennu, nenniya séré-séré sibawa macculéyang rabana sibawa kacapi.

1 SAMUEL 3:19

Tattamba battowani Samuél. Puwangnge sibawangngi sibawa mébbui sininna iya napowadaé Samuél kajajiyang tongeng.