1 SAMUEL 18:1 - KITTA KAREBA MADECENG

^1-2 Puranana Saul sibawa Daud mabbicara-bicara, riyakkani Daud mancaji pegawénna sibawa mappammulai wettuéro dé'na naripalalo lisu ri bolana tomatowanna. Yonatan ana' worowanéna Saul, naéngkalingani assipabbicarangngéro. Tattaré toni ri Daud, sibawa mamaséiwi pada-pada aléna muto.

1 SAMUEL 18:1 ပူးပေါင်းရင်းမြစ်များ

KAJAJIYANG 44:30

Nakkeda Yéhuda lao ri Yusuf, “Rimakkuwannanaro, Puwakku, rékko lisui atatta lao ri ambo'ta nadé'gaga iyaro anritta, pasti matéi matu ambo'ta. Taggattungngi nyawana lao ri ana'éro, sibawa makkuwa mani cowana angkanna asarang iya ripapoléngengngéngngiro nassabariwi matu amaténna.

2 SAMUEL 1:26

Yonatan, éh saudaraku, messé atikku, saba' mangke senna'ko ri aléku. Malebbi senna pammasému lao ri iyya, mala nacau pammaséna makkunraié.

1 TAWARIKH 12:17

Daud méwai mennang sita sibawa makkeda, “Rékko poléko selaku sellao untu' tulukka, asséddino sibawa idi. Ritarimako sibawa masennang ati. Iyakiya rékko makkattako bali'bellarika lao ri balié, namuni dé' upogau'i majaé lao ri iko, Allataala iya nasompaé toriyolota missengngi, nahukkukko matu.”

MAZMUR 86:11

Appagguruwanni élo-Mu lao ri iyya, oh Puwang, kuwammengngi uwaccowériwi sibawa matinulu; pancajika mateppe sibawa ati mallébu.

AMSAL 18:24

Engka sahaba iya dé'é namatinulu, engkato iya lebbi maréppé'é naiya silessurengngé.

ULANGENG 13:6

Rékko silessuremmu iyaré'ga ana'mu worowané iyaré'ga makkunraié, iyaré'ga bainému iya mupojiyé, iyaré'ga sellaomu iya maréppé'é mammekko-mekkoi palécéko untu' massompa déwata-déwata laing iya dé'é muwissengngi sibawa dé'é naissengngi toriyolomu, déwata-déwata polé ri bangsa-bangsa iya macawé'é sibawa mabélaé monro,

KOLOSE 2:2

Iya manennaé upogau'i kuwammengngi namawatang atinna mennang enrengngé siyamaséiwi mennang angkanna mare'i mennang masséddi. Nanallalengiro natonget-tongengngi mennang napahang sibawa mateppe' enrengngé naisseng rahasiyana Allataala, iyanaritu Yésus Kristus muto.

HAKING-HAKING 20:11

Makkuwaniro umma Israélié masséddi untu' gasai Gibéa.

1 SAMUEL 14:45

Iyakiya makkedai ra'ya'é lao ri Saul, “Harusu'iga Yonatan rihukkung maté? Padahal aléna ritu tiwii apakalang battowaéwé? Dé'! Majjanciki nasabbing Puwang iya tuwoé, makkedaé dé' nawedding Yonatan ateddéngeng muwi silampa gemme'na polé ri ulunna. Nasaba pattulunna Puwangnge ritu, nalolongeng apakalang essoéwé.” Makkuwaniro Yonatan ripassalama polé ri pahukkungeng maté ri ra'ya'é.

1 SAMUEL 18:3

Rimakkuwannanaro mattanroni Yonatan maélo massellao sibawa Daud mannennungeng.

1 SAMUEL 19:1

Makkedani Saul lao ri Yonatan ana' worowanéna, sibawa lao ri sininna pegawénna makkedaé maéloi mpunoi Daud. Iyakiya Yonatan napoji senna'i Daud,

1 SAMUEL 19:2

rimakkuwannanaro makkedani lao ri Daud, “Makkuragai ambo'ku mpunoko; jaji atutuko! Assubbuko baja éléé riséuwaé onrong rahasiya, sibawa onrono kuwaro.

1 SAMUEL 20:17

Jaji untu' mabbékkaduwanna Yonatan suroi Daud majjanci maélo mamaséiwi, saba' namaséiwi Daud pada-pada aléna muto.

1 SAMUEL 20:8

Uwéllauwi pattulummu, nasaba puraki siyo assijancing ri yolona Puwangnge. Iyakiya rékko pasalaka, unoka, iyakiya aja' muwabbéréyakka lao ri ambo'mu.”

1 SAMUEL 22:8

Iyanaro saba'na namasséddi méwaka nadé' muwi séddi tau paissengika makkedaé ana'ku paimeng maccowé toni ri Daud? Dé' muwi séddi tau polé ri iko pikkiri'i aléna iyaré'ga paissengika makkedaé Daud, ana' buwakuto, makkekkuwangngé mattajengngi kasempatang untu' mpunoka, na ana'ku Yonatan pura mpéréngngi dorongang lao ri aléna!”

1 SAMUEL 23:18

Nainappa Daud sibawa Yonatan siyo assijancing assisellaongeng ri yolona Puwangnge. Purairo lisuni Yonatan ri bolana, na Daud tette'i monro ri Horés.