1 SAMUEL 16:2 - KITTA KAREBA MADECENG

² Iyakiya makkutanai Samuél, “Pékkugika harusu pogau'i? Rékko naéngkalingai Saul gau'éro, pastini naunoka!” Nappébali Puwangnge, “Tiwino sikaju saping lolo, sibawa powadangngi ra'ya'é makkedaé laoko kuwaro untu' makkasuwiyangeng akkarobangeng lao ri Puwangnge.

1 SAMUEL 16:2 ပူးပေါင်းရင်းမြစ်များ

ASSURENG 3:11

Iyakiya makkedai Musa lao ri Allataala, “Niga iyya'é, angkanna mulléi mangolo ri arungngé sibawa tiwii tau Israélié massu polé ri Maséré?”

MATIUS 10:16

“Pénessaiwi iyaé: Ukirikko pada-pada bimbala'é ri tengnga-tengngana asu ale'é. Harusu'ko matike' pada-pada ulaé sibawa matinulu pada-pada jangang-jangangngé.

LUKAS 1:34

Nakkeda Maria lao ri Malaéka'éro, “Iyakiya parawang mupa', pékkugi iyaro gau'é wedding kajajiyang?”

1 SAMUEL 16:3

Nainappa muwobbi Isai lao ri upacara akkarobangengngéro. Upowadappo matu aga harusu mupogau'. Tau iya Ujellokengngékko, harusu mulanti mancaji arung.”

1 SAMUEL 20:29

Adanna, ‘Palaloka lao, nasaba kaluwargaku naramé-raméiwi pésta akkarobangengngé ri Bétléhém, nanasuroka kakaku polé. Rimakkuwannanaro, rékko mupalaloka, leppessanna lao untu' sita sibawa sumpuloloku.’ Iyanaro saba'na nadé'i gaga ri anréngngéwé, Ambo'.”

1 SAMUEL 9:12

Nappébali iyaro sining ana' daraé, “Iyyé, engkai, silalona joppa poddiyoloiko. Rékko masitta'ko, naullé mullé mupa rapii. Silalona lisu ri kotaé nasaba iya essoéwé ri yasé'na mézbaé ri bulu-bulué engka akkasuwiyangeng akkarobangeng untu' ra'ya'é. Dé' naanré matu sining undangengngé ri wettu dé'napa napolé, nasaba harusu'i barakkakiwi iyaro akkarobangengngé riyolo. Rékko laoko makkekkuwangngé, muruntu'i matu ri wettu dé'napa natuppuiwi bulu-bulué untu' manré.”