1 SAMUEL 16:1 - KITTA KAREBA MADECENG

¹ Siyagangngaré wettu rimunrinna makkedani Puwangnge lao ri Samuél, “Siyagapi ittana messé atiko nasaba Saul? Dé'ga na aléna tenriyangakuini selaku arunna Israélié? Makkekkuwangngé, alano minnya zaitun namulao ri Bétléhém, riséddié tau riyasengngé Isai, nasaba sala séddinna polé ri ana'-ana'na purani Upilé mancaji arung.”

1 SAMUEL 16:1 ပူးပေါင်းရင်းမြစ်များ

2 ARUNG-NGARUNG 9:1

Iyaro wettué naobbini Nabi Elisa sala séddinna polé ri yelle'na sining nabi iya napaggurué sibawa makkeda, “Sadiya-sadiyano untu' lao ri Ramot ri Giléad, sibawa tiwii iyaé botolo mallise'é minnya zaitun.

2 ARUNG-NGARUNG 9:3

namutiri'i iyaé minnya'é ri tompo ulunna, nainappa makkeda, ‘Makkedai Puwangnge makkedaé nakkako mancaji arunna Israélié.’ Purana mupogau' iyaro gau'é, salaiwi iyaro onrongngé masitta-sitta.”

2 ARUNG-NGARUNG 9:6

Nainappa sipadduwa mennang muttama ri lalempola, nanatiri'ni iyaro nabi kalloloé minnya zaitungngéro ri tompo ulunna Yéhu nainappa makkeda, “Makkedai Puwang Allataalana Israélié, ‘Ulanti'ko mancaji arung ri yasé'na umma'-Ku Israélié.

1 TAWARIKH 11:3

Nanaébbuna Daud assijancing sibawa sining pamimping Israéliéro. Nainappa nalanti mancaji arunna Israélié pada-pada iya puraé najjanciyang Puwangnge naolai Samuél.

1 TAWARIKH 28:4

Puwang, Allataala iya nasompaé Israélié, pura piléka sibawa wija-wijakku untu' paréntai Israélié mannennungeng. Untu' passadiyai séddi pamimping Napiléi suku Yéhuda, napolé ri sukuéro Napiléi kaluwargana ambo'ku. Sibawa polé ri sininna kaluwargana ambo'kuro Nasitujuiwi piléka sibawa pancajika arung ri sininna Israélié.

YESAYA 11:1

Akkarungenna Arung Daud pada-padai aju iya puraénna ritubbang. Iyakiya pékkugi polé ri tona tuwoi cura' baru, makkuwatoro polé ri wija-wijanna Daud mompoi matu séddi arung.

YESAYA 11:10

Narapii matu wettunna séddi arung wija-wijanna Daud mancaji poko' perhatiyanna bangsa-bangsaé. Poléi matu mennang ri aléna, sibawa onrong naonroiyé ripoji-pojiwi matu.

YESAYA 55:4

Sitongenna, Upancajiwi pamimping sibawa pallima, sabbi polé ri akuwasak-Ku untu' bangsa-bangsaé.

YEREMIA 11:14

Rimakkuwannanaro, Yérémia, aja' muwassempajang untu' mennang iyaré'ga méllau tulung ri Iyya untu' mennang! Rékko mennang ri lalengngi asussang naméllau tulung ri Iyya, dé' Umaélo méngkalingai mennang.”

YEREMIA 15:1

Makkedai Puwangnge lao ri iyya, “Dé' Umaélo mamaséiwi bangsaéwé, namuni Musa sibawa Samuél tettongngi kuwaé untu' méllauwi paressé babuwa-Ku untu' mennang. Suroi iyaé bangsaé lao, dé' Umaélo mitai mennang!

YEREMIA 6:30

Riyasengngi matu mennang péra' riyabbéyang, saba' Iyya, Puwang, pura mabbéyangngi mennang.”

YEREMIA 7:16

Makkedai Puwangnge, “Yérémia, aja' muwassempajangengngi sining tauwéwé. Aja' muwéllau tulung iyaré'ga massempajang untu' mennang; aja' mudessa'-Ka, saba' dé' Umaélo méngkalingai paréllaungngéro.

ZAKHARIA 4:14

Makkedani, “Iyaro iyanaritu duwa tau iya puraé napilé Puwangnge sininna alangngé sibawa rijello untu' Tumaningiwi.”

ROMA 15:12

Sibawa iyatoé napowada Yésaya, “Polé ri wija-wijanna Isai mompoi matu séddi tau iya paréntaéngngi matu bangsa-bangsaé; ri Alénai matu bangsa-bangsaé mamménasa.”

IBRANI 11:32

Nah, weddikka'sa matteru-teru mabbicara, iyakiya dé' nagenne' wettukku. Saba' dé'pa uteppui Gidéon, Barak, Simson, Yéfta, Daud, Samuél, sibawa nabi-nabié.

1 YOHANES 5:16

Rékko muwitai sala séddinna pada-padammu tau Kristéng pogau' dosa iya dé'é nassabariwi ateddéngeng atuwong tongengngé sibawa mannennungengngé, sitinajako massempajang lao ri Allataala; na Allataala mabbéréyangngi matu iyaro atuwongngé lao ri aléna. Iyaé nakennai mennang iya dosanaé dé' nassabariwi mennang ateddéngeng iyaro atuwongngé. Iyakiya engka dosa iya nassabariyé naateddéngeng tauwé iyaro atuwongngé. Passalenna iyaro gau'é dé' uwakkeda makkedaé harusu'ko massempajang lao ri Allataala.

1 SAMUEL 10:1

Nainappa nala Samuél kendi mallise'é minnya zaitun, nanatiri'i iyaro minnya'é ri tompo ulunna Saul, sibawa bauwi Saul nakkedato, “Puwangnge pura lanti'ko mancaji arunna Israélié umma'-Na. Muparéntai matu umma'-Na sibawa linrungiwi mennang polé risining balinna. Iyanaé tanranna lao ri iko makkedaé Puwangnge pura piléko mancaji arunna umma'-Na:

1 SAMUEL 15:11

“Massesse kalé-Ka pura makkai Saul mancaji arung, saba' mabbokoni polé ri Iyya, sibawa dé' napogau'i parénta-Ku.” Messéni Samuél, na puppu benni madaréké lao ri Puwangnge.

1 SAMUEL 15:23

Saba' ateddereng atié lao ri Puwangnge padai jana pogau'é séhéré, sibawa ati matempoé padai jana massompa déwata. Nasaba purai Datu naéwa paréntana Puwangnge, nadé' tona nangakui Puwangnge Datu selaku arung.”

1 SAMUEL 15:26

Iyakiya mappébaliwi Samuél, “Dé' umaélo lisu silaong Datu. Purani Datu naéwa paréntana Puwangnge, na makkekkuwangngé dé' nangakui Datu selaku arunna Israélié.”

1 SAMUEL 15:35

Narapi paccappureng atuwonna, dé'na Samuél nasiruntu Saul. Iyakiya messéi Samuél nasaba massesse kaléi Puwangnge pura makkai Saul mancaji arunna Israélié.

1 SAMUEL 16:15

Rimakkuwannanaro makkedani ata-atanna Saul, “Riisseng makkedaé roh maja iya nasuroé Puwangnge nasissai Datu.

1 SAMUEL 16:23

Mappammulairo, tungke'-tungke' ripoléi Saul ri roh majaéro, nalani Daud kacapinna nanacculéyangngi. Namarasa tennanna Saul sibawa manyamessi, nasaba risalaiwi ri roh majaéro.

1 SAMUEL 17:12

Daud iyanaritu ana'na Isai tau Efrataé, polé ri Bétléhém ri Yéhuda. Isai mappunnai aruwa ana' worowané, na ri wettu apparéntanna Saul, macowa senna'ni Isai.

1 SAMUEL 9:16

“Baja éléé kira-kira wettu makkuwaéwé, maélo-Ka suro séddi tau polé ri suku Bényamin méwako sita. Lanti'i sibawa upacara amminnyakeng untu' mancaji arung ri umma'-Ku Israélié. Napassalama'i matu umma'-Ku polé ri tau Filistingngé. Uwitani anrasa-rasanna umma'-Ku sibawa méngkalingai terinna mennang méllau tulung.”