1 SAMUEL 15:6 - KITTA KAREBA MADECENG

⁶ Kiring towi paseng papparéngngerang lao ri tau Kénié adanna, “Laono sibawa salaiwi tau Amalé'é, kuwammengngi aja' muwaccowéto upaccappu silaong mennang, saba' riyolo toriyolomu purani nappaitang assisellaongengngé lao ri tau Israélié wettunna tau Israélié poléi ri Maséré.” Nalaona tau Kénié polé kuwaro.

1 SAMUEL 15:6 ပူးပေါင်းရင်းမြစ်များ

KAJAJIYANG 15:19

muttama toni tanana tau Kénié, Kénas-é, Kadmongngé,

KAJAJIYANG 18:25

Aja' nasining tau iya dé'é napasalaro riyunoi silaong iya pasalaé. Aja' Puwang! Saba' rékko tapogau'i Puwang, tau iya dé'é napasala pasti rihukkungngi matu silaong iya pasalaé. Pékkugi makkullé hakinna alangngé tinda' dé' naadélé!”

1 TAWARIKH 2:55

Polé ri appanna Tirati, Simati sibawa Sukati iya monroé ri kota Yabés engka sining tau iya maccaé ri laleng passaleng marokié sibawa mallémbaé sure'-sure' penting. Mennang iyanaritu tau Kéni iya kawingngé sibawa tau Rékab.

ASSURENG 18:19

Engkalingai pangajaku, na Allataala tulukko matu. Mémeng makessing wakkélékiwi bangsaéwé ri yolona Allataala sibawa tiwii persoalanna ri Aléna.

AMSAL 9:6

Salaiwi adonggongngé, kuwammengngi mutuwo masennang. Accowériwi lalenna tau mapanré.”

ABBILANGENG 16:34

Sininna tau Israél iya engkaé kuwaro larini wettunna naéngkalinga mennang gora, “Lari! Naemme'ki matu tanaé!”

RIWAYA'NA RASUL-RASUL-E 2:40

Makkuwaniro Pétrus pakatajangngi lao ri mennang. Sibawa maégato ada-ada laingngé pétangngariwi mennang kuwammengngi naleppe polé ri bangsa iya majaéwé iya maéloé rihukkung ri Allataala.

2 KORINTUS 6:17

Rimakkuwannanaro, salaiwi iyaro sining tau iya dé'é naissengngi Allataala, sibawa pallaingngi alému polé ri mennang. Aja' sises-siseng musisumpung sibawa iya najisi'é, na-Utarimako matu.

2 TIMOTIUS 1:16

Iyakiya kaluwargana Onésiforus wékkasiyagangngaré'ni napérennui atikku. Tennapodo naéloriwi Puwangngé mappaitangngi paressé babuwana lao ri mennang. Namuni ri lalekka tarungkué. Dé' namasiri Onésiforus ri keadaakkuro.

WAHYU 18:14

Makkeda sining padangkangngé lao ri makkunraiéro, “Sininna iya muwacinnaiyé muwappunnai, dé'na gagana, sibawa sininna asugirengngé sibawa ammingkikengngé teddénni. Dé'na mulolongenni paimeng!”

HAKING-HAKING 1:16

Wija-wijanna matuwanna Musa, iyanaritu sining tau Kénié, maccowériwi tau Yéhudaé massu polé ri Yérikho, kota karomaé, nalao ri daéra iya makarossaé ri seddé yattanna Arad ri Yéhuda. Kuwaniro mennang mattette ri tengnga-tengngana bangsa Amalé'.

HAKING-HAKING 4:11

Iyaro wettué Héber, séddiwi tau Kéni, napallainni aléna polé ri bangsana. (Bangsa Kénié iyanaritu wija-wijanna Hobab, ipana Musa.) Pura napasanni Héber kéma-kémana ri seddéna aju-kajung terpentingngé ri Zaanaim, dé' namabéla polé ri Kédes.

HAKING-HAKING 5:24

Maupe'i Yaél, bainéna Héber tau Kénié; polé ri sininna iya monroé ri kémaé, aléna ritu kaminang ribarakkaki.

1 SAMUEL 15:5

Purairo laoni Saul silaong ana' buwana ri kota Amalé'é sibawa madangngi balié ri salo marakkoé.

1 SAMUEL 27:10

Rékko makkutanai Akhis ri aléna, “Kégako lao maggasa iyaé sisengngé?” Namakkeda Daud lao ri aléna makkedaé laowi ri bagiyang yattanna Yéhuda iyaré'ga lao ri daérana tau Yérahmeel iyaré'ga lao ri daéra onronna tau Kénié.