1 SAMUEL 15:12 - KITTA KAREBA MADECENG

¹² Pappa bajanana, maéléni, joppa Samuél maélo sita Saul. Ripaissengiwi makkedaé laoni Saul ri kota Karmél untu' patettong batu papparéngngerang untu' aléna kuwaro, nainappa matteru lao ri Gilgal.

1 SAMUEL 15:12 ပူးပေါင်းရင်းမြစ်များ

KAJAJIYANG 21:14

Pappa bajanana maéléni, Abraham mpéréngngi Hagar inanré sibawa séddi popang bingkulang mallise' uwai untu' bokong ri lalengngé. Napalénne'ni iyaro anana'é ri lekke'na Hagar, nanasuroi iyaro makkunraié lao. Nanajoppana Hagar sibawa sollé ri padang kessi Bersyéba.

2 SAMUEL 18:18

Ri wettu tuwona mupa Absalom purai napatettongeng aléna séddi tugu ri Lompo Arungngé, saba' dé' nappunnai ana' worowané untu' patterui assossorenna. Iyaro tugué nasenggni situru asenna muto, nalettu essoéwé iyaé tugué riissengngi selaku Tugu Absalom.

1 ARUNG-NGARUNG 18:42

Nalaona Ahab manré, na Elia ménré'i ri tompo'na Bulu Karmél. Kuwaniro suju' ri tanaé ri yelle'na iya duwa uttuna.

2 TAWARIKH 26:10

Patettong towi manara-manara mabbénténg ri daéra padangngé, sibawa kali maéga bujung nasaba maéga senna olokolo'na, muwi ri tanété tanré iyaré'ga ri tanété mariyawaé ri seddé yajang. Nasaba napuriyatiwi allaong rumaé, nanapajjamai maéga tau untu' bukka palla-palla anggoro ri daéra bulué, sibawa untu' jamai tanaé ri daéra-daéra iya macommo'é.

YOSUA 15:55

Makkuwatoro seppulo kota mangoloéwé silaong désa-désaé ri seddéna: Maon, Karmél, Zif, Yuta, Yizreel, Yokdéam, Zanoah, Kain, Gibéa sibawa Timna.

1 SAMUEL 13:12

Na pikkiri'ku, ajakké tentara Filistingngé tappa nagasaka kuwaé ri Gilgal, padahal dé'pa uwéllauwi paressé babuwana Puwangnge. Rimakkuwannanaro malaka apettung untu' makkasuwiyangengngi akkarobangengngéro.”

1 SAMUEL 13:15

Nainappa nasalai Samuél Gilgal nanapatterui joppana lao ri Gibéa ri daérana Bényamin. Na Saul naparéssani pasukanna, jumellana kira-kira 600 tau.

1 SAMUEL 17:20

Pappa bajanana, maéléni, Daud moto namanguju. Nappaddettangenni bimbala'na riséddié pajaga, nainappa nala tiwina nanajoppa, situru sibawa paréntana ambo'na. Lettu'i ri akkémangngé wettunna tau Israélié joppa lao ri ammusurengngé nanakellikeng towi gora-gora musué.

1 SAMUEL 25:2

Ri kota Maon engka séddi tau worowané polé ri appanna Kaléb, asenna Nabal. Mappunnaiwi tana appiyarang olokolo ri seddéna kota Karmél. Sugi senna'i sibawa mappunnaiwi 3.000 kajunna bimbala sibawa 1.000 kajunna bémbé. Abigail bainéna, maccai namagello, iyakiya Nabal makassara'i sibawa maja ampé-ampéna. Riséuwaé esso mattengngangngi Nabal goncingngi bulu bimbala'na ri Karmél.

1 SAMUEL 7:12

Purairo patettonni Samuél séddi batu, ri pakkasésénna Mizpa sibawa Sén. Makkedai, “Sukku Puwangnge pura tulukki.” – nainappa naseng iyaro batué “Batu Pattulung”.