1 SAMUEL 14:52 - KITTA KAREBA MADECENG

⁵² Gangka tuwona tuli mammusui Saul sibawa masero méwai tau Filistingngé. Rimakkuwannanaro, rékko mitai Saul tau mawatang iyaré'ga barani, masitta'i napancaji anggota tentarana.

1 SAMUEL 14:52 ပူးပေါင်းရင်းမြစ်များ

1 SAMUEL 13:5

Na wettuéro maddeppungeng toni tau Filistingngé untu' gasai tau Israélié; mappunnaiwi mennang 30.000 karéta musu, 6.000 tau makkinnyarang, sibawa prajuri singngéga kessi'é ri wiring tasi'é. Makkémani mennang ri Mikhmas ri seddé alauna Bét-Awen.

1 SAMUEL 14:47

Mancajinnana Saul arunna Israélié, mammusuni kégi-kégi méwai sining balinna Israélié, iyanaritu tau Moab, tau Amon, sibawa tau Edom, arunna tau Amongngé, sibawa tau Edongngé, arung-ngarunna wanuwa Zoba, sibawa tau Filistingngé. Kégi-kégi mammusu, tuli pakalai.

1 SAMUEL 8:1

Macowanana Samuél, naakkani ana'-ana'na mancaji haking ri Israél.

1 SAMUEL 8:11

“Mappakkuwiyé matti arummu gaukekko,” mappakkuwaniro Samuél pakatajangngi. “Napassai matu ana'-ana'mu muttama tentara; sibagiyang polé ri mennang selaku pasukang makkaréta, sibagiyang selaku pasukang makkinnyarang, na laingngé selaku pasukang mallaleng.