1 SAMUEL 14:3 - KITTA KAREBA MADECENG

³ (Imang iya tiwiéngngi éfod-é iyanaritu Ahiya ana' Ahitub, iyanaritu silessurenna Ikabod ana' Pinéhas, na Pinéhas ana'na Eli, imanna Puwangnge ri Silo.) Dé'to naissengngi ra'ya'é makkedaé laoni Yonatan polé kuwaro.

1 SAMUEL 14:3 ပူးပေါင်းရင်းမြစ်များ

1 SAMUEL 1:3

Tungke' taung laowi Elkana polé ri Rama untu' massompa ri Silo sibawa makkasuwiyangeng akkarobangeng ri Puwang Iya Pommakuwasaé. Iya mancajiyé imanna Puwangnge ri Silo iyanaritu Hofni sibawa Pinéhas, ana'-ana'na Eli.

1 SAMUEL 14:36

Nainappa makkeda Saul lao ri ana' buwana, “Laono mai tagasai tau Filistingngé ri wenniéwé natarampo'i mennang narapi élé sibawa mpuno manengngi mennang.” Nappébali mennang, “Madécéngenni napogau' Datu aga naita makessing Datu.” Iyakiya makkedai imangngé, “Laono mai lebbi riyolo taéllau panunju polé ri Allataala.”

1 SAMUEL 2:18

Na wettuéro, Samuél iya anana'é muparo matterui tumaningiwi Puwangnge. Pakéi waju ripallaing polé ri kaing lénangngé, pada-pada waju assompanna sining imangngé.

1 SAMUEL 2:28

Polé risininna suku Israélié purani Upilé kaluwargana mancaji imak-Ku, untu' mattumani ri mézbaé, mattunu dupa, sibawa pakéi waju éfod rékko mabbicarai sibawa Iyya. Sibawa lao ri mennang sibawa wija-wijanna purani Uwéréng ha' untu' malai sibagiyang polé ri akkarobangeng pakkasuwiyang iya ritunué ri mézbaé.

1 SAMUEL 22:20

Banna Abyatar, séddiwi polé ri ana'-ana'na Ahimélékh mulléi leppe. Lariwi lao ri Daud,

1 SAMUEL 4:21

Iyaro ana'é nasenni Ikabod, adanna, “Ahadérékenna Allataala Iya Malebbi'é teddénni polé ri Israélié.” – iya nakkatatiyé iyanaritu Petti Assijancingngé rirampasa'ni sibawa matuwanna nenniya lakkainna maténi. Rimakkuwannanaro makkedai, “Ahadérékenna Allataala Iya Malebbié teddénni polé ri Israélié, nasaba Petti Assijancinna Allataala rirampasa'ni.”

1 SAMUEL 4:4

Nainappa mennang suroi tauwé lao ri Silo untu' malai Petti Assijancinna Puwangnge iya mancajiyé kadéra arajanna Puwang Iya Pommakuwasaé. Iya duwa ana'na Eli, Hofni sibawa Pinéhas, tinrosiwi Petti Assijancingngéro.