1 SAMUEL 13:9 - KITTA KAREBA MADECENG

⁹ Rimakkuwannanaro makkedani lao ri mennang, “Tiwii mai akkarobangeng ritunué sibawa akkarobangeng pappasidaméro.” Nainappa aléna makkasuwiyangengngi iyaro akkarobangeng ritunué.

1 SAMUEL 13:9 ပူးပေါင်းရင်းမြစ်များ

2 SAMUEL 24:25

Nainappa patettong Daud mézba kuwaro untu' Puwangnge sibawa makkasuwiyangeng akkarobangeng ritunu enrengngé akkarobangeng pappasidamé. Natarimai Puwangnge sempajanna Daud, napajana iyaro saié ri Israél.

1 ARUNG-NGARUNG 3:4

Iyakiya assompang iya kaminang kalabbaé engkai ri Gibéon. Biyasai Salomo makkasuwiyangeng akkarobangeng kuwaro. Riséuwaé esso, pada-pada biyasaé, laosi Salomo kuwaro.

MAZMUR 37:7

Tajenni Puwangnge sibawa ati tennang, tajenni sibawa sabbara narapi tinda'. Aja' mumausé nasaba iya maupe'é atuwonna, iyaré'ga iya pogau'é bellé.

AMSAL 15:8

Natarimai Puwangnge sempajanna tau makessingngé, iyakiya nacéccéi pakkasuwiyanna tau majaé.

AMSAL 20:22

Aja' muwale'i jaé sibawa ja; ateppe'no lao ri Puwangnge, Aléna ritu mattulung matu.

AMSAL 21:27

Dé' namasennang Puwangnge sibawa pakkasuwiyanna tau madorakaé, lebbi-lebbiwi rékko riyakkasuwiyangengngi sibawa akkatta iya majaé.

AMSAL 21:3

Pangkaukeng iya adélé'é sibawa tongengngé lebbi napésennangiwi Puwangnge naiya sininna pakkasuwiyangngé.

YESAYA 66:3

Iyakiya iyaro bangsaé napogau'i siyélo-élona mennang; masennangngi mennang massompa sibawa cara iya mappakacciddi-ciddi'é. Untu' mennang dé'gaga assilaingenna: makkarobangeng saping lai sibawa makkarobangeng tolino, makkarobangeng ana' bimbala sibawa rettoi ellonna asué; makkasuwiyangeng gandong sibawa makkarobangeng dara bawi, mattunu kamennyang sibawa massompa dato-dato.

ULANGENG 12:5

Polé risininna daérana suku-suku Israélié, Puwang Allataalamu pilé matu séddi onrong kuwammengngi iyaro bangsata weddingngi lao ri yolo-Na sibawa sompai Aléna.

ULANGENG 12:6

Ri onrongngénnaro harusu'i mutiwi sining akkarobangeng ritunummu enrengngé sining akkarobangeng laingngé, pakkasuwiyang tawa seppulomu sibawa kappasuwiyang laingngé, akkarobangeng pappaleppe tinja'mu, akkarobangeng cenning atimmu sibawa ana' sapimmu nenniya bémbé bimbala'mu iya bunge' jajiyé.

1 SAMUEL 14:18

Nakkeda Saul lao ri Imang Ahia, “Tiwii mai iyaro éfod-é.” (Iyaro essoé natiwii Ahia éfod-é ri yolona tau Israélié.)