1 SAMUEL 13:5 - KITTA KAREBA MADECENG

⁵ Na wettuéro maddeppungeng toni tau Filistingngé untu' gasai tau Israélié; mappunnaiwi mennang 30.000 karéta musu, 6.000 tau makkinnyarang, sibawa prajuri singngéga kessi'é ri wiring tasi'é. Makkémani mennang ri Mikhmas ri seddé alauna Bét-Awen.

1 SAMUEL 13:5 ပူးပေါင်းရင်းမြစ်များ

KAJAJIYANG 22:17

maélo-Ka barakkakiko sibawa maona enrengngé mébbui wija-wijammu singngéga wéttowingngé ri langié sibawa singngéga kessi'é ri wiring tasi'é. Ana' eppomu nacaui matu sining balinna mennang.

2 SAMUEL 17:11

Rimakkuwannanaro, pangajaku makkuwaiyé: Paddeppungengngi sininna tau Israélié polé ri sininna wanuwaé, angkanna jumellana singngégai kessi'é ri wiring tasi'é. Nainappa aléna Petta ritu pimpingngi mennang maju mammusu.

1 ARUNG-NGARUNG 20:27

Napassakke toni tau Israélié tentarana sibawa pangarai mennang. Nainappa tentara Israélié maju ri laleng duwa pasukang sibawa makkéma siyolong sibawa sining tau Siriaéro. Rékko ripasibandingngi tentara Siriaé iya tassiyaé malowang pennoiwi daéraéro, pasukanna Israélié paitai pada-pada duwakkonrong bémbé bawang.

2 TAWARIKH 1:9

Makkekkuwangngé oh Puwang Allataala, tennapodo Murupaiwi jancim-Mu ri ambo'ku. Purani Muwakkaka mancaji arung ri bangsa battowaéwé iya dé'é naribilang jumellana.

YESAYA 10:28

Nasittaini tentara Asyur-é kota Ayat. Naliwenni mennang Migron! Nasalaiwi mennang bokonna ri Mikhmas!

YESAYA 48:19

Wija-wijammu singngégai matu kessi'é; Utanggungngi mennang dé' naripaccappu matu.”

YEREMIA 15:8

Wanuwammu pennoi matu sibawa janda, nacau kessié ri wiring tasi'é égana. Uwunoi matu sining tauwé ri wettu malolona angkanna manrasa-rasa indo'na mennang. Ri essoé Upapoléngengngi mennang séddi tau pabbinasa angkanna métau sibawa mausé.

HOSEA 10:5

Métaui matu pabbanuwana kota Samaria; messéi sibawa teriwi matu mennang sibawa imang-ngimang iya tumaningiyéngngi saping ulawengngé ri Bétel nasaba lennye'ni sininna aga'ganna barahalana mennanro.

HOSEA 4:15

Eh iko tau Israélié, dé' mumatinulu lao ri Iyya! Iyakiya, mamménasa-Ka Yéhuda dé' napogau'i asalang iya padaé! Aja' muwassompa ri Gilgal iyaré'ga ri Bétel. Aja' muwattanro kuwaro nasabbing asenna Puwang iya tuwoé.

HOSEA 5:8

Seppunni tarompé'é ri Gibéa! Paoniwi tanrang pangobbi ammusurengngé ri Rama! Gorangngi kelli musué ri Bétel! Ayo, tau Bényamingngé, majuno mammusu!

ROMA 9:27

Matedde'i Nabi Yésaya makkeda passalenna bangsa Israélié, “Namuni jumellana bangsa Israélié singngégai kessi'é ri tasi'é, banna céddé bawang matu iya salama'é;

YOSUA 11:4

Napoléna iyaro sining arungngé sibawa sininna tentarana mennang iya maéga senna'é pada-pada kessi'é ri wiring tasi'é. Anyarang sibawa karéta musuna mennang maéga senna'to.

YOSUA 18:12

Ri seddé manoranna, pakkaséséng-pakkaséséng tanana mennang mappammulai ri Salo Yordan, nainappa ménré ri émpeng seddé manoranna Yérikho, nainappa liyajang laloiwi daéra bulué lettu sibbéla daéra padang kessi Bét-Awén.

YOSUA 7:2

Iyaro wettué suroni Yosua siyagangngaré tau polé ri Yérikho lao ri Ai, iyanaritu séddi kota ri seddé alauna Bétel, seddéna Bét-Awen. Iyaro sining tauwé risuroi untu' lao salidikiwi daéraéro. Puranana mennang napogau' iyaro risurowangngéngngi,

HAKING-HAKING 7:12

Tau Midiangngé, Amalé'é sibawa sining tau laingngé polé ri padang kessi'é, mallebbanni kégi-kégi ri lompo'éro. Paitai pada-pada incalé makkatulung. Maéga senna untana pada-pada kessi'é ri wiring tasi'é.

1 SAMUEL 13:11

iyakiya makkutanai Samuél, “Aga pura napogau' Datu?” Nappébali Saul, “Uwitai makkedaé mammulani ra'ya'é salaika, na Bapa' dé' napolé situru wettu iya napattentué Bapa'. Nainappani, maddeppungenni tau Filistingngé ri Mikhmas.

1 SAMUEL 13:2

piléni 3.000 tau Israél; polé ri yelle'na 2.000 monro sibawa aléna ri Mikhmas sibawa ri daéra buluna Bétel, na iya 1.000 laowi silaong Yonatan ana' worowanéna ri Gibéa ri daérana suku Bényamin. Lebbinna iyaro ra'ya'é ripalaloni lisu ri bolana tungke'-tungke'.

1 SAMUEL 14:23

Mammusui mennang puppu laleng lettu ri Bét-Awen. Puwangnge passalama'i Israélié iyaro essoé.

1 SAMUEL 14:52

Gangka tuwona tuli mammusui Saul sibawa masero méwai tau Filistingngé. Rimakkuwannanaro, rékko mitai Saul tau mawatang iyaré'ga barani, masitta'i napancaji anggota tentarana.

1 SAMUEL 17:1

Riséuwaé wettu napangarai tau Filistingngé tentarana untu' maju mammusu. Naatoro'i mennang barisi'na ri kota Sokho, ri laleng daérana Yéhuda sibawa pasangngi akkémanna ri pallawangenna Sokho sibawa Azéka, seddéna Efes-Damim.

1 SAMUEL 7:13

Makkuwaniro tau Filistingngé ricau. Dé' naripalalo mennang ri Puwangnge muttamakiwi daérana Israélié paimeng, gangka tuwona mupa Samuél.