1 SAMUEL 13:3 - KITTA KAREBA MADECENG

³ Nainappa Yonatan nauno pallima Filistingngé ri Gibéa, nanaéngkalingani bangsa Filistingngé passalenna gau'éro. Nainappa Saul massuro paoniwi tarompé'é ri sininna wanuwaé untu' mobbii tau Ibranié kuwammengngi namalluru mammusu.

1 SAMUEL 13:3 ပူးပေါင်းရင်းမြစ်များ

2 SAMUEL 2:28

Nainappa naseppung Yoab tarompé'é selaku tanrang lao ri ana' buwana kuwammengngi nappésau lellungngi tau Israélié, nappésauna ammusurengngéro.

2 SAMUEL 20:1

Ri kota Gilgal engka séddi tau pangacau asenna Séba. Ana'nai Bikri, polé ri suku Bényamin. Wettunna attinro-tinrosenna Daud polé, naseppunni Séba tarompé'é sibawa gora, “Idi dé' gaga assimpungetta sibawa Daud. Untu' aga tamaccowé ri aléna? Eh tau Israélié, ayo talisu!”

YESAYA 10:29

Naliwenni mennang alléttongngé sibawa mabbenni ri Géba! Ténréni pabbanuwana kota Rama, sibawa pabbanuwana Gibéa, kotana Arung Saul, larini.

ZAKHARIA 14:10

Sininna wanuwaé polé ri Géba ri manorang lettu ri Rimon ri yattang, mancajiwi matu tanété. Iyakiya Yérusalém maccaloli'i matu matanré, lebbi matanréi naiya tanaé ri seddéna; iyaro kotaé mallowangngi matu polé ri Pintu Gerbang Bényamin lettu ri Pintu Gerbang Sunna, iyanaritu onronna Pintu Gerbang Mammulangngé sibawa polé ri Manara Hananél lettu ri onrong apparakeng anggoro appunnangenna arungngé.

HAKING-HAKING 3:27

Lettu'na muwa ri daéra buluna Efraim, naseppunni tarompé'na untu' mobbii tau Israélié mammusu. Poléni mennang nanapimpingngi nonno polé ri daéra buluéro.

HAKING-HAKING 6:34

Iyakiya Gidéon rikuwasaiwi ri Rohna Puwangnge, angkanna masseppung tarompé untu' mobbii sining tau appang Abiézer kuwammengngi napolé masséddi sibawa aléna.

1 SAMUEL 10:5

Purairo harusu'ko lao ri bulu-buluna Allataala ri Gibéa, onrong akkémanna tau Filistingngé. Ri sumpang muttama'é ri kotaé, siduppako matu sibawa sirombongang nabi iya nonnoé polé ri bulu-bulu akkarobangengngé. Séré-séréi mennang sibawa gora-gora, maggambusu, marrebana, massuling sibawa makkacapi.

1 SAMUEL 13:16

Makkuwaniro Saul sibawa Yonatan ana' worowanéna, sibawa ana' buwana mennang makkéma ri Géba ri daérana Bényamin; na tau Filistingngé makkémai ri Mikhmas.