1 SAMUEL 13:2 - KITTA KAREBA MADECENG

² piléni 3.000 tau Israél; polé ri yelle'na 2.000 monro sibawa aléna ri Mikhmas sibawa ri daéra buluna Bétel, na iya 1.000 laowi silaong Yonatan ana' worowanéna ri Gibéa ri daérana suku Bényamin. Lebbinna iyaro ra'ya'é ripalaloni lisu ri bolana tungke'-tungke'.

1 SAMUEL 13:2 ပူးပေါင်းရင်းမြစ်များ

2 SAMUEL 20:1

Ri kota Gilgal engka séddi tau pangacau asenna Séba. Ana'nai Bikri, polé ri suku Bényamin. Wettunna attinro-tinrosenna Daud polé, naseppunni Séba tarompé'é sibawa gora, “Idi dé' gaga assimpungetta sibawa Daud. Untu' aga tamaccowé ri aléna? Eh tau Israélié, ayo talisu!”

2 SAMUEL 21:6

Rimakkuwannanaro, abbéréyanni pitu tau polé ri wija-wijanna iya worowané, kuwammengngi tagattungngi ri yolona Puwangnge ri Gibéa, kotana muto Arung Saul.” Nappébali arungngé, “Madécénni, uwabbéréyappi matu mennang.”

NEHEMIA 11:31

Siyagangngaré tau polé ri suku Bényamin monroi ri Géba, Mikhmas, Ai, Bétel sibawa désa-désaé ri seddéna,

YOSUA 22:6

Nainappa nabbéréyang Yosua barakka'na sibawa leppessangngi mennang lisu ri daérana sibawa mpéréngngi pasengngéwé, “Makkekkuwangngé sugino sibawa lisuko namutiwi maéga olokolo, péra', ulaweng, tembaga, bessi sibawa pakéyang. Bagé-bagéngeng towi wassélé rappamuro lao risining tau sisukummu laingngé.” Na suku Rubén, Gad, sibawa suku Manasyé iya ri alaunaé Yordanro nasalaini tau Israél laingngé, nainappa joppa polé ri Silo ri Kanaan mattuju ri tanana mennang ri daéra Giléad. Naonroini mennang tanaéro nasaba paréntana Puwangnge naolai Musa. (Sitengngana suku Manasyé purani natarima polé ri Musa, tana ri seddé alauna Salo Yordan, sibawa sitengngana suku Manasyé iya laingngé tarimai polé ri Yosua tana ri seddé yajanna Salo Yordan silaong sibawa suku-suku iya laingngé.)

HAKING-HAKING 19:12

Iyakiya mappébaliwi puwanna, “Dé'! Dé' tamaélo mappésau ri onrong iya pabbanuwanaé tenniya tau Israél. Laono mai tapatterui joppata céddé'pa na ri Gibéa iyaré'ga ri Ramapi matti mabbenniki.”

1 SAMUEL 10:26

Lisu toni Saul ri bolana ri Gibéa, risilaongeng risiyagangngaré tau iya baranié sibawa iya ripakédoé atinna ri Puwangnge.

1 SAMUEL 10:5

Purairo harusu'ko lao ri bulu-buluna Allataala ri Gibéa, onrong akkémanna tau Filistingngé. Ri sumpang muttama'é ri kotaé, siduppako matu sibawa sirombongang nabi iya nonnoé polé ri bulu-bulu akkarobangengngé. Séré-séréi mennang sibawa gora-gora, maggambusu, marrebana, massuling sibawa makkacapi.

1 SAMUEL 13:1

Riséuwaé esso, wettunna Saul mancaji arunni,

1 SAMUEL 13:11

iyakiya makkutanai Samuél, “Aga pura napogau' Datu?” Nappébali Saul, “Uwitai makkedaé mammulani ra'ya'é salaika, na Bapa' dé' napolé situru wettu iya napattentué Bapa'. Nainappani, maddeppungenni tau Filistingngé ri Mikhmas.

1 SAMUEL 13:15

Nainappa nasalai Samuél Gilgal nanapatterui joppana lao ri Gibéa ri daérana Bényamin. Na Saul naparéssani pasukanna, jumellana kira-kira 600 tau.

1 SAMUEL 13:16

Makkuwaniro Saul sibawa Yonatan ana' worowanéna, sibawa ana' buwana mennang makkéma ri Géba ri daérana Bényamin; na tau Filistingngé makkémai ri Mikhmas.

1 SAMUEL 13:23

Taroi tau Filistingngé séddi pos jagang untu' mattahangengngi séddi pallawangeng bulu ri Mikhmas.

1 SAMUEL 13:5

Na wettuéro maddeppungeng toni tau Filistingngé untu' gasai tau Israélié; mappunnaiwi mennang 30.000 karéta musu, 6.000 tau makkinnyarang, sibawa prajuri singngéga kessi'é ri wiring tasi'é. Makkémani mennang ri Mikhmas ri seddé alauna Bét-Awen.

1 SAMUEL 14:31

Iyaro essoé ricaui tau Filistingngé ri tau Israélié puranana mammusu puppu laleng polé ri Mikhmas lettu ri Ayalon. Iyakiya purairo makkuwamani posona mennang,

1 SAMUEL 14:5

Batu karang iya seddé manorangngé mangoloi ri Mikhmas, na iya seddé yattangngé mangoloi ri Géba.

1 SAMUEL 14:52

Gangka tuwona tuli mammusui Saul sibawa masero méwai tau Filistingngé. Rimakkuwannanaro, rékko mitai Saul tau mawatang iyaré'ga barani, masitta'i napancaji anggota tentarana.

1 SAMUEL 15:34

Purairo laoni Samuél ri Rama, na Arung Saul lisuni ri bolana ri Gibéa.

1 SAMUEL 24:3

Masitta'ni Saul pilé tellussebbu prajuri makessingngé polé risininna Israélié, nainappa joppa sappai Daud sibawa ana' buwana ri seddé alauna Bulu Batu Bémbé Ale'é.

1 SAMUEL 26:2

Namapperi-perina Saul joppa ritinrosi ri tellussebbu prajuri iya pommakessingngé ri Israélié, mattuju ri padang kessi Zif untu' sappai Daud.

1 SAMUEL 8:11

“Mappakkuwiyé matti arummu gaukekko,” mappakkuwaniro Samuél pakatajangngi. “Napassai matu ana'-ana'mu muttama tentara; sibagiyang polé ri mennang selaku pasukang makkaréta, sibagiyang selaku pasukang makkinnyarang, na laingngé selaku pasukang mallaleng.