1 SAMUEL 12:9 - KITTA KAREBA MADECENG

⁹ Iyakiya ri munri nallupaiwi mennang Puwangnge, Allataalana mennang, rimakkuwannanaro naleppessangngi mennang rigasa sibawa ricau ri Siséra, pallima tentaraé ri Hazor, sibawa tau Filistingngé enrengngé arung Moab.

1 SAMUEL 12:9 ပူးပေါင်းရင်းမြစ်များ

MAZMUR 106:21

Nallupaiwi mennang Allataala pappassalama'na iya puraé pogau' gau'-gau' iya battowaé ri Maséré.

YESAYA 63:10

Iyakiya maronta'i mennang sibawa pamesséiwi atinna Puwangnge. Nagiling mancaji balinna mennang Aléna muto mammusu méwai mennang.

YEREMIA 2:32

Engkaga ana'dara mallupaiwi bélo-bélona, iyaré'ga botting makkunrai mallupaiwi waju bottinna? Iyakiya iko maitta senna'ni mallupai-Ka – sipongenna wettu iya tenribilangngé ittana.

ULANGENG 32:18

Dé' najampangiwi mennang Pappassalama'na iya poré, nallupaiwi mennang Allataalana iya mabbéré atuwong.

ULANGENG 32:30

Pékkugi séddi tau naullé lellungngi sisebbu tau, sibawa duwa tau palariwi seppulo sebbu tau? Puwangnge, Allataalana mennang, pura balu'i mennang; risalaini mennang ri Allataala iya poré.

HAKING-HAKING 10:7

Rimakkuwannanaro macayii Puwangnge lao ri umma Israélié, angkanna naleppessang bangsa Filistingngé kuwasaiwi mennang.

HAKING-HAKING 13:1

Madosasi tau Israélié lao ri Puwangnge, nainappa Puwangnge leppessangngi tau Filistingngé kuwasaiwi mennang patappulo taung ittana.

HAKING-HAKING 3:12

Madosasi tau Israélié lao ri Puwangnge, angkanna Puwangnge mébbui Eglon, arung Moab, mancaji lebbi mawatang naiya Israélié.

HAKING-HAKING 3:31

Pamimping rappina iyanaritu Samgar ana' Anat. Méwa towi sibawa paleppe'i tau Israélié. Nasibawang tekkeng paddimpa sapinna, naunoi, mpunoi 600 tau Filistin.

HAKING-HAKING 4:2

Narileppessanna mennang ricau ri Yabin, arung Kanaan iya malaé tudangeng ri kota Hazor. Pallima tentarana iyanaritu Siséra iya monroé ri Harosét-Hagoyim.

1 SAMUEL 12:15

Sibalé'na, rékko dé' muwéngkalingai Puwangnge, mala muwéwai parénta-Na, pasti iko sibawa arummu naéwai matu Puwangnge.