1 SAMUEL 12:5 - KITTA KAREBA MADECENG

⁵ Namakkedana Samuél, “Ri essoéwé Puwangnge sibawa arung iya Napilé mancaji sabbi makkedaé annessana dé' upasala muwi céddé.” Nappébali mennang, “Iyyé tongeng, Puwangnge mancaji sabbitta.”

1 SAMUEL 12:5 ပူးပေါင်းရင်းမြစ်များ

KAJAJIYANG 31:50

Makkedasi Laban, “Rékko kédo majako lao ri ana'-ana'ku, iyaré'ga kawingiwi sining makkunrai laingngé, namuni dé'gaga missengngi, éngngerangngi, Allataala jagaiki.

AYUB 16:19

Uwisseng makkedaé Pangéwangekku engkai ri surugai; mabbéréi asabbiyang makkedaé dé' umadosa.

AYUB 42:7

Puranana mabbicara lao ri Ayub, makkedani Puwangnge lao ri Elifas, “Macaika lao ri iko sibawa lao ri iya duwa sellaomu, nasaba dé' mupowadai iya sitongennaé passalenna alé-Ku. Iyakiya atak-Ku Ayub dé' nappakkuwaro.

MAZMUR 17:3

Rékko Muojiwi atikku sibawa polé salidikika ri wennié, Mupoléiwi matu makkedaé mattonget-tongekka; ada-adakku siturui sibawa pikkirakku.

YOHANES 18:38

Nakkutana Pilatus ri Aléna, “Aga bettuwanna atongengengngé?” Nanassusi Pilatus polé ri saorajaé nanakkeda risining tau Yahudié, “Dé'gaga muwi séddi asalang ulolongeng ri Aléna.

RIWAYA'NA RASUL-RASUL-E 23:9

Naompona rukka masero. Siyagangngaré tau Farisi iya mancajiyé guru agama tettong sibawa tonget-tongeng méwai. Makkedai mennang, “Manuru' idi, iyaé tauwé dé' napasala muwi céddé! Naullé mémeng engka roh iyaré'ga malaéka' iya mabbicaraé ri aléna!”

RIWAYA'NA RASUL-RASUL-E 24:16

Iyanaro saba'na nauwakkuraga senna', kuwammengngi namapaccing atikku lao ri Allataala sibawa mapaccing lao ri rupa tauwé.

RIWAYA'NA RASUL-RASUL-E 24:20

Iyaré'ga leppessanni siya aléna sining tauwéwé powadai ja aga nalolongeng mennang ri iyya wettukku ri Mahkama Agamaé.

1 KORINTUS 4:4

Dé' uwasengngi aléku pasala muwi ri laleng aga, iyakiya iyaro tenniya buttinna makkedaé mémekka dé' upassala. Aléna Puwangngé ritu iya pattentuéngngi pasalaka iyaré'ga dé'.

2 KORINTUS 1:12

Masenna'ki, saba' ati marilaletta pannessai makkedaé atuwotta ri linoéwé – utamana assisumpungetta sibawa Saudara – ripogau'i sibawa matinulu enrengngé mattonget-tongeng. Ripogau'i iyaro tenniya nasaba apanréng tolino, iyakiya nasaba amampungeng iya nabbéréyangngé Allataala.

1 SAMUEL 12:4

Nappébali iyaro sining tauwé, “Dé', dé' naengka Bapa' napabengnguwang iyaré'ga natenre'ki; dé' naengka nalai Bapa' aga-aga appunnangenna muwi niga?”

1 SAMUEL 26:9

Iyakiya makkedai Daud, “Aja' muwagagai! Pasti nahukkung Puwangnge tau iya pogau'éngngi majaé lao ri arung iya Napilé.