1 SAMUEL 12:3 - KITTA KAREBA MADECENG

³ Makkekkuwangngenna ritu utettong ri yolomu! Rékko puraka pogau' asalang, teppuna ri yolona Puwangnge sibawa ri yolona arungngé iya Napilé. Engkaga naengka uwala saping iyaré'ga kaleddé'na tau laingngé? Engkaga naengka upabengnguwang iyaré'ga mattenre iyaré'ga tarima dowi pasoso? Powadani, kuwammengngi agi-agi iya uwalaé weddingngi upalisu.”

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Uturusiwi paréntana Puwangnge, sibawa dé' uwabboko polé ri Allataalaku.

NEHEMIA 5:11

Sitinaja tokko leddai sining inrenna ra'ya'éro ri iko, muwi iya maddupa dowié iyaré'ga gandong, muwi anggoro iyaré'ga minnya zaitun. Palisuni masitta dare'na, palla anggoro'na, palla zaitunna sibawa bolana mennang!”

MAZMUR 15:5

sibawa mappainrengeng dowi temmabbunga; iya dé'é namaélo tarima dowi pasoso untu' parogiwi tau iya dé'é napasala. Tau iya pogau'éngngi makkuwaéro, tuli tennangngi matu.

ASSURENG 20:17

Aja' muwacinnaiwi appunnangenna tau laingngé: bolana, bainéna, ata-atanna, olokolo'na, kaleddé'na, iyaré'ga muwi aga iya nappunnangiyé.”

ASSURENG 23:8

Aja' mutarima dowi pasoso, saba' dowi pasoso'é mébbui tauwé buta lao ri iya tongengngé sibawa parogiwi sining tau iya dé'é napasala.

AMSAL 15:27

Niga sappa asarong iya dé'é nahallala, naancuru'i kaluwargana muto. Niga céccéi dowi pasoso'é, tuwoi matu masennang.

ANGIMANGENG 6:4

Tau iya pasalaéro harusu'i nawaja paimeng sininna iya nalolongengngé sibawa dé' namalempu. Wettunna rilolongeng pasala, harusu'i nawaja penno ri punnana, ritambai duwappulo paresséng.

ABBILANGENG 16:15

Macai senna'ni Musa namakkeda lao ri Puwangnge, “Puwang, aja' tatarimai pakkasuwiyanna mennang. Dé' naengka uparogiwi muwi séddi tau polé ri mennang; mala muwi sikaju kaleddé dé'to naengka uwalai polé ri mennang.”

MATIUS 22:21

Nappébali mennang, “Kaisar.” Nakkeda Yésus lao ri mennang, “Rékko makkuwaitu, wérénni lao ri Kaisar aga iya nappunnaiyé Kaisar, sibawa lao ri Allataala aga iya nappunnangiyé Allataala.”

LUKAS 19:8

Natettonna Zakhéus ri bolana makkeda lao ri Yésus, “Puwang, sitengngana waramparakku maélo uwassidekkang lao ri tau kasiyasié; sibawa nigi-nigi pura ubellé', maéloka mpajai paimeng leppe' wékkaeppa!”

RIWAYA'NA RASUL-RASUL-E 20:33

Dé'pa naengka ucinnaiwi dowié iyaré'ga pakéyang polé riséddié tau.

2 KORINTUS 12:14

Makkekkuwangngéwé untu' mabbékkatellunnani sadiyaka untu' célléngiko. Nadé' umaélo sussaiko, saba' iya uwacinnaiyé tenniya aga iya muwappunnaiyé, sangadinna alému. Nasaba tenniya ana'-ana'é harusu' sappa dallé untu' tomatowanna, iyakiya tomatowaé ritu harusu' sappa dallé untu' ana'-ana'na.

ULANGENG 16:19

Ri laleng mala apettung, dé' nawedding mennang tinda' siélo-élona iyaré'ga matane siwali. Dé'to nawedding mennang tarima pasoso, nasaba iyaro pasoso'é dé' naébbui tauwé mapanré sibawa malempu, angkanna mala apettung iya dé'e naadélé.

1 TESALONIKA 2:10

Tuwoki sibawa mapaccing, tongeng enrengngé dé' cellana lao ri iko iya mateppe'énna ri Kristus. Iko ritu sabbi-sabbitta, makkuwatoro Allataala.

1 TESALONIKA 2:5

Alému missengngi makkedaé dé' taengka tamacenning tému iyaré'ga bengnguwakko untu' subbui akkatta-akkatta mangowaé. Allataala sabbinna!

1 PETRUS 5:2

na kuwammengngi muwampii mampii bimbala' iya nabbéréyangngé Allataala lao ri iko. Ampii mennang sibawa masennang ati pada-pada iya nacinnaiyé Allataala, sibawa aja' nasibawangngi ati matane'é. Aja'to mupogau'i jama-jamammu untu' lolongeng asarong, sangadinna nasaba tonget-tongekko macinna mattumani.

1 SAMUEL 10:1

Nainappa nala Samuél kendi mallise'é minnya zaitun, nanatiri'i iyaro minnya'é ri tompo ulunna Saul, sibawa bauwi Saul nakkedato, “Puwangnge pura lanti'ko mancaji arunna Israélié umma'-Na. Muparéntai matu umma'-Na sibawa linrungiwi mennang polé risining balinna. Iyanaé tanranna lao ri iko makkedaé Puwangnge pura piléko mancaji arunna umma'-Na:

1 SAMUEL 12:4

Nappébali iyaro sining tauwé, “Dé', dé' naengka Bapa' napabengnguwang iyaré'ga natenre'ki; dé' naengka nalai Bapa' aga-aga appunnangenna muwi niga?”

1 SAMUEL 12:5

Namakkedana Samuél, “Ri essoéwé Puwangnge sibawa arung iya Napilé mancaji sabbi makkedaé annessana dé' upasala muwi céddé.” Nappébali mennang, “Iyyé tongeng, Puwangnge mancaji sabbitta.”

1 SAMUEL 2:35

Nainappa piléka matu imang iya matinulué ri Iyya sibawa iya pogau'éngngi aga iya Uparéntangngéngngi. Uwéréngngi matu wija-wijanna iya tuli majjamaé matu selaku imang ri yolona arung-ngarung iya Upilé.

1 SAMUEL 24:11

Makkekkuwangngé aléna Datu mitai makkedaé ri laleng gowaé onna, Puwangnge pura mabbéréyangngi Datu lao ri atatta. Purana ripalécé riséddié tau untu' mpunoi Datu, iyakiya dé' namaélo atatta. Mappébaliwi atatta makkedaé dé' namaélo peddiriwi arunna atatta iya napilé Puwangnge.

1 SAMUEL 24:6

Iyakiya purairo, marasa pasalani Daud nasaba purai napogau' gauéro.

1 SAMUEL 24:7

Makkedani lao ri ana' buwana, “Tennapodo Puwangnge jagaiwi aja' narapika pogau'i majaé lao ri arukku iya puraé napilé Puwangnge. Muwi céddé dé'to naweddikka peddiriwi, nasaba arung napilénai Puwangnge!”

1 SAMUEL 26:11

Tennapodo Puwangnge pésangkaika mpunoi arung iya Napilé! Alani bawang bessinna sibawa kendinna, natalao!”

1 SAMUEL 26:9

Iyakiya makkedai Daud, “Aja' muwagagai! Pasti nahukkung Puwangnge tau iya pogau'éngngi majaé lao ri arung iya Napilé.