1 SAMUEL 11:7 - KITTA KAREBA MADECENG

⁷ Namacai senna'na mala duwakkaju saping nainappa nalétta-létta mancaji maéga létta'na. Nainappa iyaro létta-létta'é nakiringngi lao risininna tanana Israélié sibawa paréntaéwé, “Nigi-nigi iya dé'é namaélo malluru mammusu maccowériwi Saul sibawa Samuél, rilétta-létta makkuwa towiyé matu sapinna!” Métauni bangsa Israélié lao ri aga iya naullé napogau' Puwangnge, na sininna tauwé, tenripassangadi, sadiyani maju mammusu massibawa.

1 SAMUEL 11:7 ပူးပေါင်းရင်းမြစ်များ

KAJAJIYANG 35:5

Wettunna Yakub sibawa rombongang kaluwargana joppa, Allataala salipuriwi pabbanuwana kota-kotaé ri seddéna sibawa pappénedding métau, angkanna mennang dé' nalellungngi Yakub sibawa rombonganna.

2 TAWARIKH 17:10

Puwangnge mébbui sininna akkarungengngé ri seddéna Yéhuda métau mammusu méwai Arung Yosafat.

2 TAWARIKH 19:7

Harusu'ko métau lao ri Puwangnge, sibawa tinda' matutu, saba' Puwang Allataalata nabenci tau iya kédo macéko-cékoé, iya pogau'éngngi matane siwalié iyaré'ga iya tarimaé pasoso.”

YESAYA 8:13

Engngerangngi makkedaé Iyya, Puwang Iya Pommakuwasaé iyanaritu mapaccingngi. Banna Iyya ritu harusu muwétauri.

HAKING-HAKING 19:29

Lettu'nana ri bolaé, muttama'ni sibawa mala piso nainappa nalétta-létta ujuna gundi'naro mancaji seppulo duwa létta'na. Purairo, nakirinni iyaro létta'-létta'é lao ri iya seppulo duwa suku bangsa Israélié, tungke-tungke silétta.

HAKING-HAKING 20:1

Napoléna sininna umma Israélié polé ri Dan ri manorang lettu ri Bérsyéba ri yattang, sibawa Giléad ri alau, untu' pennoiwi pangobbiéro. Maddeppungenni mennang sibawa masséddi ri Mizpa ri yolona Puwangnge.