1 SAMUEL 11:6 - KITTA KAREBA MADECENG

⁶ Naéngkalinganaro, rikuwasaini Saul ri Rohna Allataala.

1 SAMUEL 11:6 ပူးပေါင်းရင်းမြစ်များ

ASSURENG 32:19

Macawé'nana Musa ri akkémangngéro, naitani iyaro saping ulawengngé sibawa sining tauwé mattengngang séré-séré, namacaina. Kuwatoniro, ri ponna buluéro, naggeppuwang Musa batu iya natiwiéro angkanna ancuru tabburé-buré.

ABBILANGENG 12:3

Musa iyanaritu tau iya mariyawa ati senna'é, napakacauriwi sininna tau iya tuwoé ri linoéwé.

MARKUS 3:5

Nakkitana Yésus mattulili sibawa macai. Iyakiya messé towi, nasaba matedde ati senna'i mennang. Nainappa makkeda lao ri tauwéro, “Loro'i limammu.” Naloro'ni limanna iyaro tauwé, najjappana limanna.

EFESUS 4:26

Rékko macaiko, aja' muleppessangngi iyaro caimu nassabariko madosa. Aja' mumacai puppu esso,

HAKING-HAKING 11:29

Narikuwasaina Yéfta ri Rohna Puwangnge. Nalaona Yéfta célléngiwi daéra Giléad sibawa Manasyé nainappa lisu ri Mizpa ri Giléad. Polé kuwaro napatteruni joppana ri daérana bangsa Amongngé.

HAKING-HAKING 13:25

na wettunna engkai ri akkémanna suku Dan, iya engkaé ri pallawangenna Zora sibawa Esytaol, mammulani Rohna Puwangnge mpéréngngi awatangeng.

HAKING-HAKING 14:6

natennasenna-sennana Simson mancaji mawatang polé ri akuwasanna Puwangnge. Nainappa nasapé-sapé iyaro singaé sibawa limanna, samanna iyaro olokolo'é banna sikaju bémbé. Iyaro gau'é dé' nacuritangngi tomatowanna.

HAKING-HAKING 15:14

Wettunna Simson ritiwi lettu ri Léhi, larini sining tau Filistingngé lokkaiwi nanagora-gorai towi. Tennasenna-sennana namancaji mawatang polé ri akuwasanna Puwangnge. Tulu iya siyoéngngi limannaro napettui makkuwamiro bawang samanna iyaro tulué, tulu mangu.

HAKING-HAKING 3:10

Rikuwasaini Otniél ri Rohna Puwangnge angkanna mancaji pamimpinna umma Israélié. Laoni mammusu, nariwérénna ri Puwangnge apakalang lao ri arung Mésopotamia.

HAKING-HAKING 6:34

Iyakiya Gidéon rikuwasaiwi ri Rohna Puwangnge, angkanna masseppung tarompé untu' mobbii sining tau appang Abiézer kuwammengngi napolé masséddi sibawa aléna.

1 SAMUEL 10:10

Wettunna Saul sibawa pattumaninna lettu ri Gibéa, siruntu'ni sibawa sirombongang nabi. Iyatoro wettué narikuwasai Saul ri Rohna Allataala, nanaccowériwi séré-séréna sibawa gora-gorana nabi-nabiéro.

1 SAMUEL 10:6

Iyatoro wettué nakuwasaiko matu Rohna Puwangnge namuwaccowériwi matu séré-séréna sibawa gora-gorana mennanro, nainappa riwéréng sipa baru angkanna mancaji tau laing.

1 SAMUEL 16:13

Masitta'ni Samuél malai minnya zaitungngéro nanalanti'i Daud sibawa upacara amminnyakeng ri yolona kaka-kakana. Iyatoro wettué narikuwasai Daud ri Rohna Puwangnge. Mappammulai essoéro sibawa matteru risibawanni ri Rohna Puwangnge. Nainappa lisuni Samuél ri Rama.

1 SAMUEL 16:14

Naiya Saul risalaini ri Rohna Puwangnge, na makkekkuwangngé risissani ri roh maja iya nasuroé Puwangnge.