1 SAMUEL 11:1 - KITTA KAREBA MADECENG

¹ Nainappa Nahas, arung Amon, pangarai tentarana nanakeppungngi kota Yabésh ri daérana Giléad. Iyaro pabbanuwana Yabésh pangoloni tangnga lao ri Nahas makkuwaé, “Ebbuno assijancing sibawa idi, natatunru lao ri iko.”

1 SAMUEL 11:1 ပူးပေါင်းရင်းမြစ်များ

KAJAJIYANG 26:28

Nappébali mennang, “Riissenni makkekkuwangngé makkedaé Puwangnge linrungiko sibawa manuru pallolongetta makessingengngi mébbuki assijancing. Attanrono

2 SAMUEL 10:1

Siyagangngaré wettu rimunrinna maténi Nahas arung Amon, na Hanun ana' worowanéna mancaji arung.

2 SAMUEL 10:2

Namakkedana Arung Daud, “Nahas iyanaritu sahaba'ku iya matinulué. Jaji harusu tokka massahaba sibawa Hanun ana'na.” Rimakkuwannanaro kirinni Daud suro lao ri wanuwa Amon untu' saléworiwi Hanun nasaba amaténna ambo'na.

2 SAMUEL 17:27

Wettunna Daud lettu ri Mahanaim, riduppaini ri Sobi ana' Nahas polé ri kota Raba ri Amon, sibawa Makhir ana' Amiél polé ri Lodebar, sibawa Barzilai polé ri Rogelim ri Giléad.

2 SAMUEL 2:5

kirinni suro lao kuwaro sibawa palettu paseng, “Tennapodo Puwangnge barakkakiko, nasaba purani muwappaitang atinuluremmu lao ri arummu sibawa tampungngi ujuna.

1 ARUNG-NGARUNG 20:34

Nakkeda Bénhadad lao ri aléna, “Maéloka palisui ri Puwang kota-kota iya puraé nasittai ambo'ku polé ri ambo'na Puwang. Wedding towi Puwang patettong dangkangeng ri kota Damsyik pada-pada iya napogau'é ambo'ku ri Samaria.” Nametté Ahab, “Nasaba jancinna Puwanro, maéloka paleppe'i Puwang.” Purairo mébbuni Ahab assijancing sibawa Bénhadad nainappa napaleppe.

1 TAWARIKH 10:11

Wettunna pabbanuwana Yabés ri Giléad méngkalingai aga pura napogau' tau Filistingngé lao ri Saul,

1 TAWARIKH 10:12

laoni sining tau iya kaminang baranié polé ri yelle'na mennang malai ujuna Saul sibawa ana'-ana' worowanéna, nanatiwii lao ri Yabés. Nakuburu'ni mennang ri yawana séddié pong battowa, nainappa mappuwasa pitungngesso ittana.

AYUB 41:4

Weddigga mébbu assituruseng sibawa iko, sibawa majjanci tuli maélo tumaningiko?

ASSURENG 23:32

Aja' muwébbu assijancing sibawa sining tauwéro iyaré'ga sibawa déwata-déwatana mennang.

YESAYA 36:16

Aja' muwéngkalingai Hizkia! Iyya, arung Asyur mappétangngarengngi kuwammengngi mumassu polé ri kotaé sibawa manyara. Weddikko matti manré buwa anggoro polé ri palla'mu muto, sibawa péneddingiwi buwa araé polé ri pommu muto, enrengngé ménung uwai polé ri bujummu muto,

YEREMIA 40:11

Iyaro wettué sininna tau Israél iya engkaé ri wanuwa Moab, Amon, Edom, sibawa wanuwa-wanuwa laingngé, naéngkalingani makkedaé purani ripalalo sibagiyang tau Israélié ri arung Babél monro ri Yéhuda, sibawa purani nakka Gedalya mancaji gubernur.

YEREMIA 40:14

sibawa makkeda, “Muwissegga makkedaé Baalis arung Amon purani nasuro Ismaél mpunoko?” Iyakiya dé' namateppe Gedalya lao ri ada-adanna mennang.

YEHEZKIEL 17:13

Nainappa napilé sala séddinna kaluwargana arung Yéhudaro, mébbu assijancing sibawa aléna, sibawa suroi mattanro matinulu ri aléna. Natahanni arung Babél sining tau pentingngé,

ULANGENG 23:3

Tau Amongngé sibawa Moab-é nenniya wija-wijanna mennang lettu iya maseppuloé dé' nawedding mancaji anggota umma'na Puwangnge,

HAKING-HAKING 10:7

Rimakkuwannanaro macayii Puwangnge lao ri umma Israélié, angkanna naleppessang bangsa Filistingngé kuwasaiwi mennang.

HAKING-HAKING 11:4

Siyagangngaré wettu ri munrinna riluruini tau Israélié ri tau Amongngé.

HAKING-HAKING 21:8

Nanasalidikini mennang aga engka séddi golongang polé ri bangsa Israélié iya dé'é nalao maddeppungeng ri Mizpa. Nanalolongenni mennang makkedaé polé risining tau Yabés-é ri Giléad, dé' muwi séddi tau iya laowé ri Mizpa.

1 SAMUEL 12:12

Iyakiya wettunna muwita makkedaé maéloko rigasa ri Nahas arung Amon, musampéyangngi Puwangnge selaku arummu sibawa makkeda lao ri iyya, ‘Macinnaki riparénta riséddié arung.’

1 SAMUEL 14:47

Mancajinnana Saul arunna Israélié, mammusuni kégi-kégi méwai sining balinna Israélié, iyanaritu tau Moab, tau Amon, sibawa tau Edom, arunna tau Amongngé, sibawa tau Edongngé, arung-ngarunna wanuwa Zoba, sibawa tau Filistingngé. Kégi-kégi mammusu, tuli pakalai.