1 SAMUEL 10:8 - KITTA KAREBA MADECENG

⁸ Purairo harusu'ko lao ri Gilgal sibawa mattajeng kuwaro pitungngesso. Polépa matti untu' makkasuwiyangeng akkarobangeng ritunu sibawa akkarobangeng pappasidamé, enrengngé powadakko aga harusu mupogau'.”

1 SAMUEL 10:8 ပူးပေါင်းရင်းမြစ်များ

2 SAMUEL 19:16

Siméi ana' Géra, tau Bényamingngéro tiwini sisebbu tau polé ri suku Bényamin namapperi-peri polé silaong sining tau Yéhudaéro untu' duppaiwi arungngé. Makkuwatoro Ziba atanna kaluwargana Saul, silaong iya seppulo lima ana'na iya worowané sibawa iya duwappulo atanna; nalléttoini mennang Salo Yordan ri wettu dé'napa nalettu arungngé.

ANGIMANGENG 3:9

Untu' akkarobangeng pappasidamé lao ri Puwangnge, harusu'i imangngé makkasuwiyangengngi sining bagiyangngéweé polé ri bimbala'éro: lunra'na, sininna ikko'na iya mallunra'é sibawa rirette'i ri seddéna buku lekke'na, lunra' iya dokoéngngi lise babuwana,

YOSUA 4:19

Lettu'ni umma Israélié ri liwenna Yordan sibawa ri tanggala seppulona uleng mammulangngé, sibawa makkémai mennang ri Gilgal seddé alauna Yérikho.

1 SAMUEL 13:4

Ripaissengi manenni bangsa Israélié makkedaé purani nauno Saul pallima Filistingngéro sibawa nabenci senna'ni tau Filistingngé tau Israélié. Rimakkuwannanaro napatoini ra'ya'é pangobbié untu' masséddi sibawa Saul ri Gilgal.

1 SAMUEL 15:33

Namakkedana Samuél, “Pada-pada peddammu mébbui maéga indo' ateddéngeng ana'na, makkuwatoniro indo'mu ateddéngeng matu ana'na.” Nainappa Samuél natetta Agag ri yolona mézbaé ri Gilgal.