1 SAMUEL 10:6 - KITTA KAREBA MADECENG

⁶ Iyatoro wettué nakuwasaiko matu Rohna Puwangnge namuwaccowériwi matu séré-séréna sibawa gora-gorana mennanro, nainappa riwéréng sipa baru angkanna mancaji tau laing.

1 SAMUEL 10:6 ပူးပေါင်းရင်းမြစ်များ

ABBILANGENG 11:17

Maélo-Ka nonno mabbicara sibawa iko ri onrongngéro, na sibagiyang polé ri akuwasang iya Uwéréngngékko, Uwéréngngi matu mennang. Nanaulléni matu mennang duwakko méssangngi tanggung jawa'é ri yasé'na bangsaéwé, nadé'na naparelluko alé-alému méssangngi.

ABBILANGENG 11:25

Nananonnona Puwangnge ri laleng ellungngé sibawa mabbicara lao ri Musa. Nalani Puwangnge sibagiyang polé ri akuwasang iya puraé nawéréngngi Musa nanawéréngngi iya pituppulo pamimpingngéro. Wettunna nonno iyaro Rohna Puwangnge ri yasé'na mennang, mammulani mennang mangobbi pada-pada nabié, iyakiya dé' namaitta.

ABBILANGENG 11:26

Duwa ri yelle'na iya pituppulo pamimpingngéro, Eldad sibawa Médad, monroi ri akkémangngé dé' nalao silaong sibawa iya laingngé ri Kémana Puwangnge. Ri akkémangngéro nonnoi Roh-é ri yasé'na mennang, nanammula tona mennang sipadduwa mangobbi-obbi pada-pada nabié.

ABBILANGENG 11:29

Nappébali Musa, “Magi mupikkiri'ka? Mala mamménasaka kuwammengngi nabbéréyangngi Puwangnge Roh-Na lao risininna bangsa-Na, sibawa mébbu manengngi mennang mancaji nabi!”

MATIUS 7:22

Ri Esso Kiyame', maéga tau makkeda matu ri Iyya, ‘Puwang, Puwang, tenniyaga ri laleng asemmu Puwang puraki palettu'i pasenna Allataala? Sibawa tenniyaga ri laleng asemmuto Puwang puraki paddésu'i sétangngé enrengngé pakangka maéga anu makalallaingngé?’

HAKING-HAKING 14:6

natennasenna-sennana Simson mancaji mawatang polé ri akuwasanna Puwangnge. Nainappa nasapé-sapé iyaro singaé sibawa limanna, samanna iyaro olokolo'é banna sikaju bémbé. Iyaro gau'é dé' nacuritangngi tomatowanna.

HAKING-HAKING 15:14

Wettunna Simson ritiwi lettu ri Léhi, larini sining tau Filistingngé lokkaiwi nanagora-gorai towi. Tennasenna-sennana namancaji mawatang polé ri akuwasanna Puwangnge. Tulu iya siyoéngngi limannaro napettui makkuwamiro bawang samanna iyaro tulué, tulu mangu.

HAKING-HAKING 3:10

Rikuwasaini Otniél ri Rohna Puwangnge angkanna mancaji pamimpinna umma Israélié. Laoni mammusu, nariwérénna ri Puwangnge apakalang lao ri arung Mésopotamia.

1 SAMUEL 10:10

Wettunna Saul sibawa pattumaninna lettu ri Gibéa, siruntu'ni sibawa sirombongang nabi. Iyatoro wettué narikuwasai Saul ri Rohna Allataala, nanaccowériwi séré-séréna sibawa gora-gorana nabi-nabiéro.

1 SAMUEL 10:9

Nasalainna muwa Saul Samuél, tarimani Saul sipa baru polé ri Allataala. Sibawa sininna passalengngé iya ripaissengengngéngngi ri Samuél kajajiyanni iyatoro essoé.

1 SAMUEL 11:6

Naéngkalinganaro, rikuwasaini Saul ri Rohna Allataala.

1 SAMUEL 16:13

Masitta'ni Samuél malai minnya zaitungngéro nanalanti'i Daud sibawa upacara amminnyakeng ri yolona kaka-kakana. Iyatoro wettué narikuwasai Daud ri Rohna Puwangnge. Mappammulai essoéro sibawa matteru risibawanni ri Rohna Puwangnge. Nainappa lisuni Samuél ri Rama.

1 SAMUEL 19:20

Rimakkuwannanaro kirinni Saul siyagangngaré suro untu' tikkengngi Daud. Iyakiya napoléiwi mennang sikonrong nabi iya mattengngangngé séré-séré sibawa gora-gora massama-samang, ripimping ri Samuél. Nainappa iyaro sining surona Saul rikuwasai ri Rohna Allataala angkanna mammula toni mennang séré-séré sibawa gora-gora.