1 SAMUEL 10:5 - KITTA KAREBA MADECENG

⁵ Purairo harusu'ko lao ri bulu-buluna Allataala ri Gibéa, onrong akkémanna tau Filistingngé. Ri sumpang muttama'é ri kotaé, siduppako matu sibawa sirombongang nabi iya nonnoé polé ri bulu-bulu akkarobangengngé. Séré-séréi mennang sibawa gora-gora, maggambusu, marrebana, massuling sibawa makkacapi.

1 SAMUEL 10:5 ပူးပေါင်းရင်းမြစ်များ

1 ARUNG-NGARUNG 18:29

Makkuwaniro mennang matteru-teru narapi arawéng pada-pada tau atama-tamangngé. Iyakiya dé' gaga mappébali, dé' gaga jampangiwi.

2 ARUNG-NGARUNG 2:15

Iya limappuloro nabié ri Yérikho mitai, namakkeda, “Létté'ni akuwasanna Elia lao ri Elisa!” Nalokkaini mennang nainappa suju' ri yolona

2 ARUNG-NGARUNG 2:3

Sikalompo nabi iya monroé kuwaro lao méwai sita Elisa sibawa makkutana, “Muwissegga makkedaé iyaé essoé maéloi puwammu salaiko nasaba riyakkai ri Puwangnge?” Nappébali Elisa, “Ya, uwisseng. Iyakiya sikuna, aja'na tabicarai gau'éro.”

2 ARUNG-NGARUNG 2:5

Sikalompo nabi iya monroé kuwaro lao méwai sita Elisa sibawa makkutana, “Muwissegga makkedaé iyaé essoé riyakkai matu puwammu ri Allataala nanasalaiko?” Nappébali Elisa, “Ya, uwisseng. Iyakiya sikuna, aja'na tabicarai gau'éro.”

2 ARUNG-NGARUNG 2:7

na 50 nabi maccowériwi mennang. Namappésauna Elia sibawa Elisa ri wiring saloéro, na iya limappulo nabiéro tettongngi dé' nasiyaga bélana polé kuwaro.

2 ARUNG-NGARUNG 3:15

Tiwii mai makkekkuwangngé séddi pakkacapi!” Wettunna iyaro tauwé makkacapi, rikuwasaini Elisa ri Rohna Puwangnge,

2 ARUNG-NGARUNG 4:38

Engka séuwa wettu nakajajiyang abala akkadérengngé ri sininna wanuwaé. Nalisuna Elisa ri Gilgal. Wettunna napagguru sikalompo nabi, nasuroni pattumaninna mala oring iya battowaé nanasungengngi mennang inanré.

2 ARUNG-NGARUNG 6:1

Riséuwaé esso nabi-nabi iya napaggurué Elisa, maddarékéi ri aléna. Makkedai mennang, “Macipi senna onrotta!

1 TAWARIKH 13:8

na Daud sibawa sininna bangsa Israélié séré-séréni enrengngé makkélong sibawa masumangé, untu' pakalebbii Allataala naccowéri kacapi, rebana, simbal sibawa tarompé.

1 TAWARIKH 16:42

Héman sibawa Yédutun tugas towi ri tarompé'é, simbal-é sibawa paréwa musi' laing iya riyacculéyangngé untu' maccowériwi élok-kélong pappojiyangngé. Sining anggotana appang Yédutun risuroi untu' jagaiwi pintu-pintu gerbangngé.

1 TAWARIKH 16:5

Asaf ripilé selaku pamimping utama sibawa Zakharia wakkélé'na. Yéiél, Semiramot, Yéhiél, Matica, Eliab, Bénaya, Obéd-Edom sibawa Yéiél risuro untu' macculéyang kacapi. Asaf risuro macculéyang simbal,

MAZMUR 49:4

Maéloka powadai ada-ada mapanré, malamung senna buwa nawa-nawakku.

MAZMUR 92:3

mabbirittangngi pammasé-Mu ri éléé, sibawa atinulure-Mu ri wennié,

1 KORINTUS 14:1

Sitinajako makkuraga untu' mamaséiwi tau laingé. Sibawa makkuragato tarimai sining pabbéré iya nabbéréyangngé Rohna Allataala, lebbi-lebbipi amampungengngé untu' palettu'i rancana-rancanana Allataala lao ri tolinoé.

1 SAMUEL 10:10

Wettunna Saul sibawa pattumaninna lettu ri Gibéa, siruntu'ni sibawa sirombongang nabi. Iyatoro wettué narikuwasai Saul ri Rohna Allataala, nanaccowériwi séré-séréna sibawa gora-gorana nabi-nabiéro.

1 SAMUEL 10:4

Mabbéré sellengngi matu ri iko sibawa nawérékko matu duwabbatu roti iya harusu'é mutarima.

1 SAMUEL 13:2

piléni 3.000 tau Israél; polé ri yelle'na 2.000 monro sibawa aléna ri Mikhmas sibawa ri daéra buluna Bétel, na iya 1.000 laowi silaong Yonatan ana' worowanéna ri Gibéa ri daérana suku Bényamin. Lebbinna iyaro ra'ya'é ripalaloni lisu ri bolana tungke'-tungke'.

1 SAMUEL 13:3

Nainappa Yonatan nauno pallima Filistingngé ri Gibéa, nanaéngkalingani bangsa Filistingngé passalenna gau'éro. Nainappa Saul massuro paoniwi tarompé'é ri sininna wanuwaé untu' mobbii tau Ibranié kuwammengngi namalluru mammusu.

1 SAMUEL 19:20

Rimakkuwannanaro kirinni Saul siyagangngaré suro untu' tikkengngi Daud. Iyakiya napoléiwi mennang sikonrong nabi iya mattengngangngé séré-séré sibawa gora-gora massama-samang, ripimping ri Samuél. Nainappa iyaro sining surona Saul rikuwasai ri Rohna Allataala angkanna mammula toni mennang séré-séré sibawa gora-gora.

1 SAMUEL 9:12

Nappébali iyaro sining ana' daraé, “Iyyé, engkai, silalona joppa poddiyoloiko. Rékko masitta'ko, naullé mullé mupa rapii. Silalona lisu ri kotaé nasaba iya essoéwé ri yasé'na mézbaé ri bulu-bulué engka akkasuwiyangeng akkarobangeng untu' ra'ya'é. Dé' naanré matu sining undangengngé ri wettu dé'napa napolé, nasaba harusu'i barakkakiwi iyaro akkarobangengngé riyolo. Rékko laoko makkekkuwangngé, muruntu'i matu ri wettu dé'napa natuppuiwi bulu-bulué untu' manré.”