1 SAMUEL 10:23 - KITTA KAREBA MADECENG

²³ Namasitta'na mennang lao duppaiwi Saul polé kuwaro, nanatiwié ri tengnga-tengngana ra'ya'é. Natettonna Saul ri yelle'na mennang na aléna ritu kaminang matanré; tau laingngé banna gangka ri salangkanna.

1 SAMUEL 10:23 ပူးပေါင်းရင်းမြစ်များ

KAJAJIYANG 3:24

Nainappa, ri seddé alauna tammengngéro ri yolona sumpang muttama'é, nataroni Puwang Allataala kérub-kérub-é, sibawa séuwa peddang malluwa'-luwa' iya maccennéé mattulili, untu' monrowangngi laleng laowé ri aju iya mabbéré atuwonro. Nanallalengiwi dé' muwi séddi tau mulléi muttama sibawa maddeppériwi ajuéro.

1 SAMUEL 16:7

Iyakiya makkedai Puwangnge lao ri Samuél, “Aja' mutattaré ri tappana iya magelloé sibawa matanré watakkaléna; tenniya aléna Uwélori. Dé' uwangangke pada-pada tolinoé mangangke. Tolinoé mitai tappa, iyakiya Iyya mitaka ati.”

1 SAMUEL 17:4

Na séddi tau jago mallaga iya riyasengngé Goliat, polé ri kota Gat, massu polé ri akkémang Filistingngé untu' méwai tau Israélié. Tanréna kira-kira tellu météré,

1 SAMUEL 9:1

Engka séddi tau sugi sibawa riyakkitangi polé ri suku Bényamin, asenna Kish. Anggota kaluwargana Békhorat, takké polé ri appang Afiah. Ambo'na Abiél sibawa nénéna Zéror.

1 SAMUEL 9:2

Kish mappunai ana' worowané, asenna Saul, séddiwi kallolo iya magelloé sibawa mawatang. Dé' muwi séddi tau ri sininna Israélié iya lebbi magelloé naiya aléna. Watakkaléna lebbi matanré towi; rata-rata tanréna tau Israélié banna gangka ri salangkanna.