1 SAMUEL 10:11 - KITTA KAREBA MADECENG

¹¹ Sining tau iya missengngéngngi riyolopa, mitai kédo-kédonaro, namakkutana séddié lao ri laingngé, “Agana pura kennai ana'na Kishro? Mancaji nabi towiga Saul?”

1 SAMUEL 10:11 ပူးပေါင်းရင်းမြစ်များ

AMOS 7:14

Nappébali Amos, “Tenniyaka nabi nasaba pangka. Sitongenna pakkampika sibawa paccéppu buwa ara.

AMOS 7:15

Iyakiya Puwangnge malaka polé ri jama-jamakku, nanasuroka palettu'i pasen-Na lao ri tau Israélié.

YOHANES 7:15

Hérang senna'ni tomakuwasana Yahudié, nakkeda, “Pékkugi iyaé tauwé weddingngi naisseng maéga makkuwa, padahal dé' naengka nassikola?”

RIWAYA'NA RASUL-RASUL-E 3:10

Napahanni mennang makkedaé aléna ritu paréllau sidekkaé iya biyasaé tudang ri “Pintu Gelloé” ri Bolana Puwangngé. Hérang senna'ni mennang sibawa bengnga mitai aga kajajiyang ri aléna.

RIWAYA'NA RASUL-RASUL-E 4:13

Héranni iyaro anggota-anggotana Sidang Pengadilangngé mitai abaraningenna Pétrus sibawa Yohanés, apalagi naissengngi mennang makkedaé iya duwa rasul-éro iyanaritu tau biyasa iya dé'é gaga sikolana. Namainge'na mennang makkedaé iya duwa rasul-éro iyanaritu sining tau iya maccowériyéngngi Yésus.

RIWAYA'NA RASUL-RASUL-E 9:21

Hérang manenni tauwé méngkalingai Saulus. Makkedani mennang, “Tenniyaga iyaé pura mpunoi sininna tauwé ri Yérusalém iya mateppe'é ri Yésus? Laowi kumaiyé untu' tikkengngi sibawa tiwii mennang lao risining kapala imangngé!”

1 SAMUEL 19:24

Lettu'nana kuwaro, naludunni pakéyanna naséré-séré sibawa gora-gora ri yolona Samuél, nainappa léwu ri tanaé mallusu-lusu puppu esso sibawa puppu benni. (Iyanaé assalenna warékkada makkedaé, “Mancaji nabi towiga Saul?”)