1 SAMUEL 1:26 - KITTA KAREBA MADECENG

²⁶ Nakkeda Hana lao ri Eli, “Taddampengekka, Pa'. Naéngngerang mupa'ga Bapa'? Iyya'é makkunrai iya puraé naita Bapa' tettong kuwaé, massempajang lao ri Puwangnge.

1 SAMUEL 1:26 ပူးပေါင်းရင်းမြစ်များ

KAJAJIYANG 42:15

Maéloka mojiko: Mattanroka ri laleng asenna arungngé makkedaé dé' mumaélo salaiwi wanuwaéwé rékko iyaro anrimmu maloloé dé' nalao mai.

2 SAMUEL 11:11

Nappébali Uria, “Tentara Israélié sibawa Yéhuda mattengngang mammusu na Petti Assijancinna Puwangnge sibawangngi mennang; Yoab pallimata sibawa sining parawirana makkémai ri padangngé. Masa atattaé lisu ri bolaé, sibawa manré ménung enrengngé matinro sibawa bainéna atattaé? Nasabbing nyawana Datu sibawa nyawana atatta, dé' namaélo atatta pogau'i iyaro!”

2 SAMUEL 14:19

Adanna arungngé, “Yoabga suroko?” Nappébali iyaro makkunraié, “Nasabbing nyawana Puwakku, dé' namakkullé atatta léssé polé ri pakkutanana Puwakku. Mémeng tongeng Puwakku, Yoab pura paissengiwi atatta aga harusu napogau' atatta sibawa napowada atatta.

2 ARUNG-NGARUNG 2:2

na ri tengnga laleng makkedai Elia lao ri Elisa, “Onrono kuwaé. Nasuroka Puwangnge lao ri Bétel.” Iyakiya mappébaliwi Elisa, “Nasabbing Puwang iya tuwoé sibawa nasabbing nyawana Bapa', dé' umaélo salaiwi Bapa'.” Jaji silaonni mennang patterui joppana lettu ri Bétel.

2 ARUNG-NGARUNG 2:4

Nainappa makkedani Elia lao ri Elisa, “Onrono kuwaé, nasuroka Puwangnge lao ri Yérikho.” Iyakiya mappébaliwi Elisa, “Nasabbing Puwang iya tuwoé sibawa nasabbing nyawana Bapa', dé' umaélo salaiwi Bapa'.” Jaji sipadduwani mennang patterui joppana lettu ri Yérikho.

2 ARUNG-NGARUNG 2:6

Nainappa makkeda Elia lao ri Elisa, “Onrono kuwaé. Nasuroka Puwangnge lao ri Salo Yordan.” Iyakiya mappébaliwi Elisa, “Nasabbing Puwang iya tuwoé sibawa nasabbing nyawana Bapa', dé' umaélo salaiwi Bapa'.” Nanapatteruni mennang joppana lettu ri Salo Yordan,

2 ARUNG-NGARUNG 4:30

Nakkeda iyaro makkunraié, “Bapa' Elisa! Nasabbing Puwang iya tuwoé sibawa nasabbing nyawana Bapa', dé' umaélo salaiwi Bapa'!” Rimakkuwannanaro joppani Elisa silaong iyaro makkunraié lao ri bolana.

1 TAWARIKH 4:10

Iyakiya massempajangngi Yabés lao ri Allataala iya nasompaé tau Israélié, adanna, “Oh Allataala, barakkakika, sibawa tennapodo lowangiwi daéraku. Linrungika sibawa pabélaiwi abalaé kuwammengngi dé' umanrasa-rasa.” Nanatarimai Allataala paréllaunna.

1 SAMUEL 17:55

Wettunna Saul naita Daud lao méwai Goliat, makkutanani ri Abnér pallima tentarana, “Abnér, ana' niga iyaro?” Nappébali Abnér, “Dé' naissengngi atatta, Datu.”

1 SAMUEL 20:3

Nappébali Daud, “Naisseng madécéng ambo'mu makkedaé mupojika. Jaji pasti dé' namaélo paissengiko gau'éro kuwammengngi dé' mumessé. Muwi pékkugi, nasabbing Puwang iya tuwoé, sitongenna atuwokku pada-padai ittelloé ri cappa tanru'é!”

1 SAMUEL 25:26

Allataala pura pésangkaiwi Puwakku makkabale sibawa mpunoi sining balinna Puwang. Na makkekkuwangngé Puwakku, nasabbing Puwang iya tuwoé, mattanroi atatta, tennapodo totona sininna balinna Puwakku sibawa tungke' tau iya maéloé cilakaiwi Puwakku pada-padai totona Nabal.