1 SAMUEL 1:23 - KITTA KAREBA MADECENG

²³ Nappébali Elkana, “Makessinni, pogau'ni aga iya muwitaé makessing; onrono ri bolaé narapi lettu wettunna musalla susu ana'ta. Na tennapodo Puwangnge mébbui jancimmu mancaji maddupa.” Jaji, monroni Hana ri bolaé narapi lettu wettunna nasalla susu ana'na.

1 SAMUEL 1:23 ပူးပေါင်းရင်းမြစ်များ

2 SAMUEL 7:25

Na makkekkuwangngé, oh Puwang Allataala, tapakkasse'ni untu' mannennungeng janci iya Mupowadaé passalenna aléku sibawa wija-wijakku. Tapogau'ni aga iya puraé Muwajjanciyanro.

1 ARUNG-NGARUNG 3:21

Bajana éléé, wettukku pésedding maélo pasusui ana'lolokuro, upoléini maté. Puranana uparéssa madécéd-décéng, manessani tenniya ana'loloku.”

MAZMUR 22:9

Adanna mennang, “Leppessangngi mattuwangngi Puwangnge, kuwammengngi Puwangnge passalama'i, rékko masennangngi Puwangnge lao ri aléna!”

YESAYA 44:26

Iyya ritu pakkasse'i ada-adanna atak-Ku, sibawa pogau'i rancana iya napannessaé suro-Ku, makkedaka makkedaé riyonroiwi matu paimeng Yérusalém, sibawa kota-kotana Yéhuda Upatettongngi matu paimeng; Upalisui matu sésa-sésana.

ABBILANGENG 30:12

Iyakiya rékko wettunna naéngkalinga iyaro gau'é riyattéyangngi ri lakkainna, iyaro makkunraié dé'na natassiyo ri tinja'na iyaré'ga jancinna. Puwangnge maddampengengngi matu, nasaba riyattéyangngi ri lakkainna.

MATIUS 24:19

Anengka makkuwa mappakatau-tauna iyaro essoé lao ri makkunrai iya mattampu'é, sibawa indo' iya pasusuémmupi ana' lolona!

LUKAS 11:27

Puranana Yésus makkeda makkuwaro, engka séddi makkunrai polé ri yelle'na tau maégaéro makkeda lao ri Yésus, “Masennang tongeng makkunrai iya jajiyangngék-Ko sibawa pasusuék-Ko!”

1 SAMUEL 1:17

Nanakkeda Eli, “Rékko makkuwaitu lisuno sibawa salama. Tennapodo Allataalana Israélié tarimai paréllaummu.”

1 SAMUEL 14:36

Nainappa makkeda Saul lao ri ana' buwana, “Laono mai tagasai tau Filistingngé ri wenniéwé natarampo'i mennang narapi élé sibawa mpuno manengngi mennang.” Nappébali mennang, “Madécéngenni napogau' Datu aga naita makessing Datu.” Iyakiya makkedai imangngé, “Laono mai lebbi riyolo taéllau panunju polé ri Allataala.”

1 SAMUEL 14:40

Namakkedana Saul lao ri sininna ra'ya' Israélié, “Iko maneng tettokko kuwaé.” Nappébali mennang, “Sitinajai napogau' Datu aga iya naitaé Datu makessing.”