1 SAMUEL 1:22 - KITTA KAREBA MADECENG

²² Iyakiya iyaé sisengngé dé' naccowé Hana. Adanna lao ri lakkainna, “Leppe susupi, nauwantara'i matu Samuél lao ri Bolana Puwangnge, nanaonro matu kuwaro gangka tuwona.”

1 SAMUEL 1:22 ပူးပေါင်းရင်းမြစ်များ

MAZMUR 110:4

Purai majjanci Puwangnge sibawa tanro, dé' nagettengngi matu paimeng, “Iko ritu imang untu' mannennungeng, pada-pada Malkisédék.”

MAZMUR 23:6

Uwisseng makessik-Ko lao ri iyya, sibawa tuli mamaséika. Na weddikka monro ri Bola-Mu, gangka tuwoku.

MAZMUR 27:4

Banna séddi uwéllau ri Puwangnge, banna iyaé uwacinnai: monro ri Bolana Puwangnge sillampé atuwokku, untu' péneddingiwi akessingenna Puwangnge sibawa méllauwi pappimpin-Na.

ASSURENG 21:6

harusu'i puwanna tiwii ri onrong assompangngé. Kuwaro risuroi iyaro ataé tettong sanré ri tange'é iyaré'ga ri alliri tange onrong assompangngé, naharusu'i puwanna teddoi daucculinna iyaro ataé. Namancajina atanna gangka maténa.

YESAYA 9:7

Puwangnge pura pateppai pahukkungengngé ri yasé'na akkarungenna Israélié.

ANGIMANGENG 25:23

Dé' nawedding mubalu matteru tanamu, saba' iyaro tanaé tenniya appunnangemmu; sangadinna appunnangennai Allataala. Iko banna pada-padako tau laing iya lolongengngé pappalalo untu' pakéi iyaro tanaé.

LUKAS 2:22

Narapini wettunna Yusuf sibawa Maria pajoppai ade' pappépaccing siturué hukkunna Musa. Jaji natiwini iyaro Anana'é ri Yérusalém untu' riyabbéréyang lao ri Puwangngé.

ULANGENG 16:16

Sininna worowané Israélié harusu'i polé sompai Puwang Allataalamu ri onrong iya Napilé wékkatellu sitaung, iyanaritu ri Esso Maraja Paskaé, ri Pésta Engngalangngé sibawa Pésta Kalampang Daud-daungngé. Tungke' tau harusu'i tiwi pakkasuwiyang

YOSUA 4:7

sitinajako paissengiwi mennang makkedaé uwaina Salo Yordan pettui wettunna Petti Assijancinna Puwangnge ritiwi malléttoiwi saloéro. Iyaro batu-batué tuli naparéngngerangiwi matu bangsa Israélié lao ri aga iya kajajiyangngé kuwaé.”

1 SAMUEL 1:11

Nainappa majjanci Hana, adanna, “Puwang Iya Pommakuwasaé, pénessaiwi atam-Muwé! Itai asussanna atam-Muwé. Engngerangngi atatta sibawa aja' tallupaiwi atatta! Rékko tawéréngngi atatta séddi ana' worowané, majjanciwi atatta maélo mabbéréngngi lao ri Iko gangka tuwona. Majjanci towi atatta makkedaé gemme'na dé' naengka narirette matu.”

1 SAMUEL 1:28

narimakkuwannanaro uwabbéréyangngi iyaé ana'é untu' mancaji appunnangenna Puwangnge gangka tuwona.” Purairo mennang massompani ri Puwangnge.

1 SAMUEL 13:13

Naéngkalinganaro makkedani Samuél lao ri Saul, “Iyaro tindakanna Datu madonggo senna. Akkalarapanna Datu naturusiwi paréntana Puwang Allataala lao ri Datu, pastini Puwangnge napattette'i matu Datu sibawa wija-wijanna Datu mancaji arung ri Israél untu' mannennungeng.

1 SAMUEL 2:11

Nanalisuna Elkana sibawa kaluwargana ri Rama, iyakiya Samuél, ana'éro, monroi ri Silo sibawa tumaningiwi Puwangnge ri yawa pajjagana Imang Eli.

1 SAMUEL 2:18

Na wettuéro, Samuél iya anana'é muparo matterui tumaningiwi Puwangnge. Pakéi waju ripallaing polé ri kaing lénangngé, pada-pada waju assompanna sining imangngé.

1 SAMUEL 28:2

Nappébali Daud, “Tentuni, naitapi matti Datu aga wedding napogau' atanna Daturo.” Nanakkeda Akhis, “Makessinni! Uwakkako mancaji pengawalku iya tette'é.”

1 SAMUEL 3:1

Wettuéro, Samuél iya ana'-ana'é muparo tumaningiwi Puwangnge ri yawa anganrowangenna Eli. Iyaro wettué majarang senna engka paseng sibawa pakkitang polé ri Puwangnge.