1 SAMUEL 1:20 - KITTA KAREBA MADECENG

²⁰ Mattampu'ni iyaro makkunraié sibawa jajiyang ana' worowané. Nasenni Samuél, adanna, “Purani uwéllau polé ri Puwangnge.”

1 SAMUEL 1:20 ပူးပေါင်းရင်းမြစ်များ

KAJAJIYANG 16:11

Dé'na namaitta namujajiyang matu ana' worowané; asengngi Ismaél, nasaba Puwangnge pura méngkalingai terimmu.

KAJAJIYANG 30:22

Nariyéngngeranna Rahél ri Allataala; natarimai Allataala sempajanna nanapakkulléi jajiyang ana'.

KAJAJIYANG 4:25

Adam sibawa bainéna lolongessi séddi tau ana' worowané. Adanna Hawa, “Allataala pura mpérékka ana' worowané selaku passulléna Habél, iya puraé nauno Kain.” Rimakkuwannanaro nasenni Hawa iyaro ana'é Sét.

KAJAJIYANG 5:29

Makkedai Lamékh, “Iyaé ana'é mabbéréi matu aringengeng wettutta majjama ladde jamai tana iya natanroiyé Puwangnge.” Rimakkuwannanaro nasenni Lamékh iyaro ana'na Nuh.

1 TAWARIKH 4:10

Iyakiya massempajangngi Yabés lao ri Allataala iya nasompaé tau Israélié, adanna, “Oh Allataala, barakkakika, sibawa tennapodo lowangiwi daéraku. Linrungika sibawa pabélaiwi abalaé kuwammengngi dé' umanrasa-rasa.” Nanatarimai Allataala paréllaunna.

MAZMUR 120:1

Elong ziyara. Ri laleng asussakku mangobbika lao ri Puwangnge, na-Nabalika.

ASSURENG 2:10

Wettunna battowa-battowani iyaro ana'loloé, nabbéréyanni indo'na lao ri ana'na arungngé. Nainappa ana'na arungngé pancajiwi ana' piyarana. Nakkeda ana'na arungngé, “Uwéréngngi aseng Musa, saba' uwalai polé ri uwai.”

ASSURENG 2:22

Najajiyanni Zipora séddi ana' worowané. Iyaro ana'é nawérénni aseng Gérsom, nasaba mappikkiri'i Musa, “Séddiki tau laing kuwaé.”

MATIUS 1:21

Najajiyangngi matu Maria séddi ana' worowané. Iyaro ana'é harusu'i muwéréng aseng Yésus, nasaba Napassalama'i matu umma'-Na polé ri dosana mennang.”

IBRANI 11:32

Nah, weddikka'sa matteru-teru mabbicara, iyakiya dé' nagenne' wettukku. Saba' dé'pa uteppui Gidéon, Barak, Simson, Yéfta, Daud, Samuél, sibawa nabi-nabié.