1 ARUNG-NGARUNG 2:2 - KITTA KAREBA MADECENG

² “Narapini wettunnana matéka. Sitinajako mateppe sibawa barani.

1 ARUNG-NGARUNG 2:2 ပူးပေါင်းရင်းမြစ်များ

YOSUA 23:14

Makkekkuwangngé narapini wettunna matéka. Iko maneng, tungke-tungke missengngi makkedaé Puwang Allataalamu pura mpérékko sininna iya makessingngé iya Najjanciyangngé. Tungke jancin-Na purani Narupai, dé' muwi séddi iya dé'é.

EFESUS 6:10

Paccappurenna, sitinajako mancaji mawatang sibawa awatangeng iya mulolongengngé polé ri akuwasanna Puwangngé, nasaba masséddiko sibawa Aléna.

1 KORINTUS 16:13

Sitinajako matike' sibawa masse ri laleng atuwommu selaku tau Kristéng. Tinda'no sibawa barani enrengngé ancajino mawatang.

IBRANI 9:27

Purani napattette Allataala makkedaé sisemmi maté rupa tauwé napurairo riadélékiwi ri Allataala.

ULANGENG 31:23

Nanabbicara Puwangnge lao ri Yosua, ana' Nun, adan-Na, “Sitinajako pakkasse'i atimmu sibawa barani, Yosua! Mupimpingngi matu bangsa Israélié muttamakiwi wanuwa iya Uwajjanciyangngé lao ri mennang, na maélo-Ka tulukko.”

2 TIMOTIUS 2:1

Timotius, ana'ku! Sitinajako mancaji mawatang nasaba pammasé iya nabbéréyangngé lao ri idi, nasaba masséddiki sibawa Kristus Yésus.

1 TIMOTIUS 4:12

Aja' muleppessangngi muwi séddié tau mangga'ko mariyawa nasaba malolo mupo. Sibalé'na, sitinajako mancaji conto lao risining tau mateppe'é ri laleng mabbicara, sibawa kédo-kédomu, ri laleng caramu mamaséiwi pada-padammu sibawa mateppe' lao ri Yésus Kristus, sibawa atuwommu iya tongengngé.

PAKKATOBBA 12:13

Pura manenna utimbang, iyanaé rippe'na iya ulolongengngé. Etauno ri Allataala sibawa turusiwi parénta-Na, saba' banna untu' iyaro Naripancaji tolinoé.

MAZMUR 89:48

Engngerakka temmaka ponco'na atuwokkué, Mupancajiwi tolinoé selaku mahlu' dé'é namannennungeng.

AYUB 30:23

Uwisseng, Mutiwika ri laleng linona amaténgngé, onronna sininna iya tuwoé ripaddeppungeng.

AYUB 16:22

Taut-taukku iya monroé dé'na namaégana; dé'na namaittana ulao nadé'na ulisu matu paimeng.

1 TAWARIKH 28:20

Nainappasi makkeda Arung Daud lao ri Salomo ana' worowanéna, “Harusu'ko mateppe sibawa barani. Pammulaini jama-jamangngéro sibawa aja' mumétau lao ri muwi aga. Puwang Allataala iya usompaé tulukko matu. Dé' nasalaiko matu. Naranrekko matu narapi tépu maneng iyaro jama-jamangngé.

1 ARUNG-NGARUNG 3:7

Oh Puwang, Allataalaku, Muwakkaka mancaji arung sulléiwi ambo'ku, namuni malolo senna mupa sibawa dé' naissengngi carana mapparénta.

2 SAMUEL 10:12

Attahanno! Laono mai tammusu sibawa barani untu' bangsata sibawa untu' kota-kotana Allataalata. Tennapodo napogau'i Puwangnge aga iya Napuwéloé.”

2 SAMUEL 12:23

Iyakiya makkekkuwangngé, maténana, aga akkégunana matteruka mappuwasa? Uwulléga patuwoi paimeng? Matti lao tokka matu ri onrong naonroiyé, iyakiya makkekkuwangngé dé' nalisu matu ri iyya.”

1 TAWARIKH 22:13

Rékko muturusiwi sininna hukkung nabbéréyangngé Puwangnge lao ri Musa untu' bangsa Israélié, papoléko matu wassélé. Harusu'ko mateppe sibawa barani. Aja' mumétau moloiwi muwi aga.

1 TAWARIKH 22:16

ulawengngé, péra'é, gessaé sibawa bessié. Nah, pammulaini masitta! Tennapodo Puwangnge tulukko.”

1 TAWARIKH 28:10

Engngerangngi madécéd-décéng makkedaé Puwangnge pura piléko untu' patettong bola iya ripallaingngé untu' Aléna. Nah, makkekkuwangngé jamani iyaro sibawa pangéloreng iya matedde'é.”