1 ARUNG-NGARUNG 11:3 - KITTA KAREBA MADECENG

³ Engka 700 ana' arung iya nakawingiyé Salomo, sibawa engkato 300 gundi'na. Iyanaro sining bainéna nassabariwi Salomo nasalaiwi Allataala,

1 ARUNG-NGARUNG 11:3 ပူးပေါင်းရင်းမြစ်များ

PAKKATOBBA 7:28

Sappa mupa pappébali-pappébali laing, iyakiya dé' ulolongengngi. Ri yelle'na sisebbué tau, upoléiwi séddi worowané iya upakalebbié. Iyakiya ri yelle'na mennang dé'gaga makkunrai iya weddingngé uwangke.

2 TAWARIKH 11:21

Réhabéam mappunnai 18 bainé sibawa 60 gundi, 28 ana' worowané sibawa 60 ana' makkunrai. Polé ri sininna bainéna sibawa gundi'naro, iya kaminang napojiyé iyanaritu Maakha.

HAKING-HAKING 9:5

nanalao ri kampong assalenna ambo'na ri Ofra. Kuwaniro nauno iya pituppulo silessurennaro ri tompo'na séddié batu. Iyakiya Yotam, ana' malolona Gidéon dé' naccowé riyuno nasaba massubbui.

ULANGENG 17:17

Dé' nawedding arungngé mappunnai maéga bainé, kuwammengngi aja' nabbokoriwi Puwangnge. Dé'to nawedding passugii aléna sibawa péra' enrengngé ulaweng.

ELONG MARAJA 6:8

Namuni engka enneng pulona permaisuri, sibawa aruwa pulona gundi, enrengngé maéga senna ana'dara,

ELONG MARAJA 6:9

iyakiya banna séddi jangang-jangakku, usénge'é, ana' tungke' napojiyé indo'na. Naitai ana'-ana'daraé sibawa pojiwi, sining permaisurié sibawa gundi'é bengngariwi.

HAKING-HAKING 3:6

Kawing sicampuru'ni umma Israélié sibawa bangsa-bangsaéro, sibawa maccowé sompai déwata-déwatana.

ESTER 1:18

Jaji, rékko naéngkalingai sining bainéna sining tomarajaé ri Persia sibawa Média gau'éro, pasti nappaissengengngi matu masitta lao ri lakkainna tungke'-tungke'. Addimonrinna iyanaritu, naéwai matu bainé paréntana lakkainna na lakkaié nacairiwi matu bainéna.

PAKKATOBBA 2:8

Paddeppungekka péra' sibawa ulaweng wassélé pakkasuwiyang polé risining arungngé ri wanuwa-wanuwa ujajaé. Pakkélong worowané sibawa makkunraié sennangiwi atikku sibawa élok-kélonna mennang. Mappunnai tokka gundi singngéga iya uwacinnaiyé.