ZEPANYA 3:9 - BIBEL JAMITA NA DENGGAN

⁹ Tapi dung salpu i paubaonKu ma roha ni angka bangso-bangso i gabe martangiang tu Au sajo noma halahi, jana nada be tu angka debata na asing. Oloan ni angka bangso i noma Au.

ZEPANYA 3:9 ပူးပေါင်းရင်းမြစ်များ

PAMUNGKAAN 11:1

Di mulana hum sada do hata ni angka jolma na di tano on, jana sarupa do hata ni halahi sude.

PAMUNGKAAN 4:26

Adong ma anak ni si Set na margoar si Enos. Mamungka di hatiha i ma didok halak goar ni Tuhan Na Badia i muda maribadat tuSia.

MASMUR 113:3

Angkon pujion do goar ni Tuhan, mamungka sian Habincaran lopus tu Hasundutan.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

JESAYA 19:18

Anggo di hatiha i, pakeon ma hata Ibrani di lima kota ni Mesir. Marsumpa mangasahon goar ni Tuhan Na Markuaso i noma angka halak na maringanan disi. Goaron ma sada sian kota na lima i “Kota Mataniari”.

JESAYA 57:19

BaenonKu ma puji-pujian. Dame, hadameon ma di halak na dao dohot na donok. Didok Tuhan pamalumonKu do ia!

JESAYA 6:7

Didaiskon Ia ma banggar i tu bibirku jana didok Ia ma, “Madung dais tu banggar on bibirmu. Saonnari madung nisesa sude hasalaanmu dohot dosamu pe madung diampuni Tuhan.”

JEREMIA 16:19

O Tuhan, Ho do na mangondihon au dohot na margogoihon au; diurupi Ho do au taran di hagogotan. Marroan ma angka bangso sian ujung ni tano on tu Ho jana dokkononna ma, “Hum debata na so tutu jana na so marguna do debata ni ompunami.

JEHESKIEL 37:17

Dung i tiop ma gomos tungkot na dua i lopus mardomu angka ujungna i gabe sada tungkot.

HABAKUK 2:14

Tapi songon laut na nigohan ni aek, laing songon i muse ma portibi on digohi dohot parbinotoan taringot tu hamuliaon ni Tuhan.

ZEPANYA 2:11

Mabiar ma halahi baenon ni Tuhan. PatoruhonNia ma sahala ni angka debata na di tano on lopus nada adong be arga ni i sude. Jadi gabe marsomba tu Tuhan noma sandok bangso, di tanona sandiri be.

ZAKARIA 14:9

Jadi mamarenta ma Tuhan gabe raja di sandok portibi on; sombaon ni ganop jolma ma Ia songon Debatana jana tandaon ni halahi ma Ia di bagasan goar na sarupa.

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

MATEUS 12:35

Muda denggan sada-sada halak, na denggan muse do diparuar ia sian rohania na denggan i. Muda adong halak na jahat, laing na jahat muse do paruaronnia sian rohania na jahat i.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”