ZEPANYA 3:3 - BIBEL JAMITA NA DENGGAN

³ Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

ZEPANYA 3:3 ပူးပေါင်းရင်းမြစ်များ

PODA 28:15

Parjahat na markuaso tu halak na marhahurangan, songon singa na marngaur sanga songon gompul na manyoro do i.

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 5:29

Angka parajuritna i songon singa na baru manangkup soroanna parngaurna, jana muda dilojongkonsa nada adong na bisa paluahonsa sian halahi.

JEREMIA 22:17

Hape asing do anggo ho; hum untungmu sajo do na nijalahanmu. Dibunu ho do halak na so marsala, jana kejam do dibaen ho mamisat rayatmu.

JEREMIA 23:11

Didok Tuhan, “Panurirang dohot malim nada ra mangoloi Au. Salang di bagasan bagasKu tardapot Au do halahi mambaen na jahat.

JEREMIA 5:6

I ma dalanna gabe soroon ni singa na sian harangan halahi, jana diparsuragehon ni sorigala na sian padang halongonan. Humadeap ma angka angguliman manjalahi soroanna di bagasan angka kota ni halahi, jana sanga ise na ruar sian bagasna soroanna noma i. Patunda ni na dung bahat do halahi mardosa umbaen na tarjadi sudena i, jana marpupu halahi manghudukkon Debata.

JEHESKIEL 22:6

Sude pamimpin ni Israel mangasahon gogo ni botohonna sandiri do jana sai mamunu jolma.

JEHESKIEL 33:26

Podangmunu i do dipangasahon hamu. Sihagigian do na nibaenmunu. Sude do hamu marmainan. Puluk dope he hamu mandok hamu nampuna tano on?

HABAKUK 1:8

Humipas do kudo ni halahi sian babiat jana gumanas do sian sorigala na malean borngin-borngin. Marroan do angka paranganna na markudo sian angka luat na dao; marroan halahi songon halihi na manyoro soroanna.