ZEPANYA 3:13 - BIBEL JAMITA NA DENGGAN

¹³ Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”

ZEPANYA 3:13 ပူးပေါင်းရင်းမြစ်များ

2 JUJUR TAON 20:30

I do dalanna umbaen na sonang si Josafat mamarenta jana dilehen Tuhan tusia antong dame di sude luatnia.

JOB 11:19

Nada habiaranmu be musumu. Jana bahat ma halak mangido urupanmu.

MASMUR 119:3

Martua ma halak na mangihutkon hagiot ni Tuhan di ngoluna, jana na so mambaen hajahatan.

MASMUR 120:2

Palua ma au ale Tuhan, sian pargabus dohot pangicu.

MASMUR 120:3

Aha ma he na dilehen tu ho, jana aha ma he na dipatamba tu ho, ale pangicu?

MASMUR 23:2

Dipapayak Ia do au di padang jampalan na lomak. Ditogu Ia do au, tu aek na lan.

JESAYA 17:2

Tadingkonon noma angka kota ni Siria salolot-lolotna jana gabe inganan ni pahan-pahanan noma i; umpe adong sahalak na mangayaksa.

JESAYA 35:8

Gabe adong ma disi dalan godang, goarna “Dalan na tu hangoluan.” Nada boluson ni pardosa sian i, na bodo nada ihutkononna sian i.

JESAYA 54:14

Di gincat ni hatigoran ma pajongjongon ho. Dao ma sian ho angka na manindas ho, angke nada pola mabiar ho jana nada tarsonggot ho, angke nada ro be i tu ho.

JESAYA 6:13

Salang sugari adong saparsampulu halak nari sian bangso na tading di luat i, i pe angkon dimatehon. Angkon songon hayu baringin na di taba halahi, hum tungkona noma tinggal. Sian tungko i ma muse ruar tunas, na badia.”

JESAYA 60:21

Tigor noma angka na mangingani ho di tindakanna, jana halahi nampuna luat i salolot-lolotna. Songon hayu cangkokan na Husuan sandiri do halahi, anso torang tarida hagodanganKu.

JESAYA 63:8

PandokNia, “Satutuna do bangsongKu halahi, nada Au gabusan ni halahi.” Gabe dipalua Ia do halahi,

JESAYA 65:10

jana marsomba tu Au. Biri-biri dohot lombu ni halahi manjampali ma di Napa Saron dohot di Rura Akhor.

JEREMIA 23:4

AngkatonKu ma pamimpin na manyarihon halahi. Nada mabiar be bangsongKi sanga tarsonggot; sahalak pe nada tola mago sian halahi. Au Tuhan, madung mandok songon i.”

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEREMIA 31:33

On ma parjanjian na imbaru na giot baenonKu dohot halahi: BaenonKu ma angka aturanKu tu bagasan roha ni halahi, jana suratkononKu di ate-ate ni halahi. Au ma gabe Debata ni halahi, jana halahi gabe bangsongKu.

JEHESKIEL 39:26

Jadi muda mangulahi sonang halahi maringanan di tano ni halahi sandiri, jana nada adong be sahalak pe na mangondam halahi, gabe halupahonon ni halahi ma sanga songon dia hahaila na masa tu halahi hara ni na manghalupahon Au.

JOEL 3:17

“Ale Israel, saonnari botoonmunu, Au do Tuhan Debatamunu. Di Sion do Au maringanan i ma dolokKu Na Badia i. Gabe kota na badia noma Jerusalem, nada be taluhonon ni halak na asing kota i.

JOEL 3:21

BaloskononKu ma mudar ni halahi tu halak na mamunu halahi, di Sion do Tuhan maringanan.”

HAMALIMON 26:6

Sonang pe Hubaen luatmunu, gabe sonang hamu modom so adong habiaran sanga tu ise pe. Huagohon pe sude angka binatang na parohon parmaraan sian luatmunu, jana porang pe nada masa disi.

MIKA 4:4

Mangolu be jolma di bagasan na aman jana marhasonangan ditonga-tonga ni kobun anggur dohot kobun arana; nada adong be na pabiar-biarkon, i ma da janji ni Tuhan Na Markuaso.

MIKA 4:7

Damos halahi dionyakkon jana dao sian huta hagodangan. Tapi sian angka jolma na teba i, giot pungkaonKu ma sada sundut na imbaru. Gabe bangso na godang ma halahi boti na gogo. Au do na mamarenta halahi di Dolok Sion salolot-lolotna.”

MIKA 7:14

Ale Tuhan, parmahani ma bangsoMi, bangso na nitodoMi. Pinjil do halahi maringanan di harangan, ditonga-tonga ni tano na napu. Padiar ma halahi manjampal di padang-padang ni Basan dohot di Gilead songon na jolo i.

ZEPANYA 2:7

Luat Topi Laut angkon gabe nampuna ni halak Juda na bolas luncat. Marmahan ma halahi disi jana modom di angka kota ni halak Askelon muda borngin; harana Tuhan, Debata ni halahi mamparate-atehon halahi jana pasuangkon halahi songon na salpu i.

ZEPANYA 3:5

Tapi na tigor do anggo Tuhan di tonga-tonga ni halahi, nada unjung dibaen Ia hakejamon, na so unjung dihalupahon di hatiha manyogot. Tapi halak na kejam nada mamboto hahaila.

ZAKARIA 8:12

Di bagasan sonang noma halahi i manyabur same. Marbatui ma angka bona ni anggur ni halahi, lehenon ni tano i ma suhana, jana langit mangalehen aek ombun. LehenonKu ma pasupasu i tu angka jolma na mangolu dope sian bangso on.

ZAKARIA 8:16

On ma angka parenta sidalankononmunu: Muda mandok hata, dok hamu ma na tutu tu donganmunu. Baen hamu ma haputusan na tigor na padumpangkon dame.

ZAKARIA 8:3

Songon on do hata ni Tuhan Na Markuaso i, “Mulak noma Au tu Jerusalem tu kotangKu na badia i, jana maringanan ma Au disi. Tarbarita ma Jerusalem songon kota na tigor jana goaron ma Dolok Ni Tuhan Na Markuaso i, Dolok Na Badia.”

MATEUS 13:41

Ro ma Anak Ni Jolma i, suruhononNia ma angka surusuruanNia palagutkon sian tonga-tonga ni bangsoNia sude halak na mambaen mardosa halak na asing dohot sude halak na mambaen na jahat.

JOHANNES 1:47

Diida Jesus do si Natanael ro mandapotkon Ia gabe dihatai Jesus ma taringot tuSia. Ninna Jesus ma, “On ma halak Israel na tutu, na so adong lancap disia!”

KOLOSSE 3:9

Ulang marsigabusan hamu, harana madung ditadingkon hamu ngolumunu na honok i rap dohot sude bakona i.

1 PETRUS 3:14

Tapi haru pe angkon manaon hamu hara ni na mambaen angka pangalaho na denggan, na maruntung do hamu disi! Ulang hamu mabiar sanga na mida ise pe jana ulang hamu tarsonggot.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.

HALUMBAAN 14:5

Nada jungada halahi margabus; jana nada adong saotik pe tihas ni halahi.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”