ZEPANYA 2:9 - BIBEL JAMITA NA DENGGAN

⁹ Songon sintongna mangolu Au ninna Tuhan Na Markuaso, Debata ni Israel: Angkon songon Sodom do Moab sogot, jana songon Gomora angka anak ni Amon, gabe hatubuan ni latong, jana panombangan ni sira, jana mamolngit salolot ni lolotna. Na tading sian bangsongKi mangarampasi halahi sogot, jana mambuat tano ni halahi.”

ZEPANYA 2:9 ပူးပေါင်းရင်းမြစ်များ

JESAYA 11:14

Rap mamorangi noma halahi tu halak Pilistin na di Hasundutan jana mangarampasi angka bangso na di Habincaran. Taluhonon ni halahi ma bangso Edom dohot Moab, dohot bangso Amon pe tunduk ma tu halahi.

JESAYA 25:10

Ondihonon ni Tuhan ma Dolok Sion, tapi anggo Moab dege-degeonNia do songon durame di inganan ni rompak.

JESAYA 49:18

Ligi ma humaliang ho, uji ma manatap, marlagut do bangsomi manghuliangi ho. Hara ni Au, Debata Na Mangolu, Au mandok, satutuna do, pakeonmu ma sude halahi gabe parhiasan jana lilitkononmu ma halahi, songon na nibaen ni dadaboru na baru marbagas.

JEREMIA 46:18

Au do Tuhan Na Mangolu, Au do raja, Tuhan Na Markuaso. Songon Dolok Tabor na gumincat sian tonga-tonga ni angka dolok dohot Dolok Karmel na marsijongjong di ginjang ni sisik ni laut, songon i ma hagogoan ni na ro i mamorangi ho.

JEREMIA 48:1

On ma na nidok ni Tuhan Na Markuaso i, Debata ni Israel taringot tu Moab, “Marjaya ma halak Nebo, madung marumpak kotana i. Dirampas do Kiryataim jana dironcohon bentengna i, gabe maila ma antong halak na maringanan disi,

JEREMIA 49:1

On ma na nidok ni Tuhan taringot tu Amon, “Biasi tano ni Marga Gad dirampas jana diingani angka jolma na mamele Debata Milkom? Adong he ulaning na soada be halak Israel na margogo laho mangondihon luat i?

JEREMIA 49:18

Songon Sodom dohot Gomora na dironcohon rap dohot angka huta na humaliangna i, laing songon i muse ma Edom, sahalak pe nada adong be maringanan disi. Au Tuhan, madung Hudok songon i.

JEREMIA 49:33

BuangonKu noma Hasor salolot-lolotna, jana gabe inganan partabunian ni anjing riar. Sahalak pe nada adong be maringanan disi. Au Tuhan, madung mandok songon i.”

JEREMIA 50:40

Tarjadi muse ma tu Babel sanga aha na tarjadi tu Sodom dohot Gomora di na Huroncohon kota i rap dohot angka pagaran na adong humaliangna. Sahalak pe nada adong be na tading disi. Au Tuhan, madung mandok songon i.

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

AMOS 2:1

Songon on ma didok Tuhan, “Hara ni na dung mardosa halak Moab marhite tolu hajahatan, lopus tu opat hajahatan, nada tarikonKu be haputusanKi, angke madung ditutungi halahi holi-holi ni Raja Edom gabe hapur.

ZEPANYA 2:14

Gabe inganan parpunguan ni binatang ma kota i. Modom-modom ma disi nasa ragam ni binatang harangan. Angka lali dohot barung pe marborngin ma di ginjang ni angka tiangna. Mangkuling ma si pauk sian jandela jana unggas gawak mangkuling di ginjang ni pintu. Madung disegoi sude parhayu ares.

ZEPANYA 2:7

Luat Topi Laut angkon gabe nampuna ni halak Juda na bolas luncat. Marmahan ma halahi disi jana modom di angka kota ni halak Askelon muda borngin; harana Tuhan, Debata ni halahi mamparate-atehon halahi jana pasuangkon halahi songon na salpu i.

ZEPANYA 3:13

Halak Israel na malua i, nada mambaen jahat be sanga na tu ise pe; nada margabus be halahi jana nada paoto-otohon. Sonang ma halahi jana dame, jana nada mabiar sanga na tu ise pe.”

ZAKARIA 2:13

Maringanan ma hamu sudena di jolo ni Tuhan! Angke madung ro Ia antong sian inganan parmiananNia na badia i.

BILANGAN 14:21

Tapi marjanji do Au hara ni hadirionKu dohot haadongonKu manggohi portibi on,

SURAT NI SI PAULUS TU PARLAGUTAN ROM 14:11

Angke tarsurat do, “Na mangolu do Au,” ninna Tuhan i, “jadi sude halak angkon marsinggang di jolongKu; jana okuon ni ganop halak ma, Au do Debata.”

PANGARATAION 29:22

Di hatiha na giot ro, idaon ni pomparanmunu ma dohot angka bangso na asing na sian luat sihadaoan angka parmaraan dohot parkancitan na niparo ni Tuhan tu tanomunu on.

PANGARATAION 29:23

Gabe padang na gariang ma angka ladangmunu ditutupi barerang dohot sira. Nada tarsuani be tanona i, jana duhut pe nada ra be tubu disi. Tudos noma tanomunu i tu kota Sodom dohot Gomora, Adma dohot Zeboim na nironcohon ni Tuhan di na gurgur rimasNia.