ZEPANYA 2:8 - BIBEL JAMITA NA DENGGAN

⁸ Didok Tuhan Na Markuaso i ma, “Hubege do bangso Moab dohot Amon palayaskon dohot mangincahi bangsongKu. Salpu do hata ni halahi mandok na giot buaton ni halahi tano ni bangsongKi.

ZEPANYA 2:8 ပူးပေါင်းရင်းမြစ်များ

PAMUNGKAAN 19:37

Sorang ma anak siangkaan ni halahi, dibaen ma goarna si Moab. I ma na gabe ompu ni halak Moab na saonnari.

PAMUNGKAAN 19:38

Boruna paduahon i pe sorang ma anakna laing halaklahi muse dibaen ma goarna si Ben Ami. I ma na gabe ompu ni halak Amon na saonnari.

JESAYA 15:1

On ma Tona Ni Debata salaho tu Moab. Madung dironcohon kota Ar dohot Kir di bagasan saborngin, jana mamolngit ma Luat Moab.

JESAYA 16:6

Didok bangso Juda ma, “Madung hami bege sanga songon dia ginjang ni roha ni Moab. Hami boto do na gakgak halahi jana na bunggal, hape hatana na teal i na so marisi bagi aha do i.”

JEREMIA 12:14

Didok Tuhan ma, “On ma tonangKu taringot tu harajaan hombar balok ni Israel na dung manyegohon tano na Hulehen tu bangsongKu Israel. Songon suan-suanan na niumpat sian tano, laing songon i ma angka jolma na jahat i giot paruaronKu sian angka luat ni halahi, jana paluaonKu ma Juda sian tangan ni halahi.

JEREMIA 48:1

On ma na nidok ni Tuhan Na Markuaso i, Debata ni Israel taringot tu Moab, “Marjaya ma halak Nebo, madung marumpak kotana i. Dirampas do Kiryataim jana dironcohon bentengna i, gabe maila ma antong halak na maringanan disi,

JEREMIA 49:1

On ma na nidok ni Tuhan taringot tu Amon, “Biasi tano ni Marga Gad dirampas jana diingani angka jolma na mamele Debata Milkom? Adong he ulaning na soada be halak Israel na margogo laho mangondihon luat i?

ANDUNG 3:61

Dibege Ho do, ale Tuhan, dipalayas au; diboto Ho do sangkap ni halahi sudena.

JEHESKIEL 21:28

“Ale anak ni jolma, maralatan ma ho! Paboa ma tu halak Amon na mangalayasi Israel i, Au Tuhan Debata mandok, ‘Madung hobas sada podang laho manyambol, madung digarut podang i manyirlak songon hilap, anso singkop laho mamunu.

JEHESKIEL 25:1

Didok Tuhan ma tu au,

JEHESKIEL 35:12

Gabe botoonmunu ma na dung Hubege, Au Tuhan mambege pangincahimu di na nidokmunu: Madung gabe mamolngit angka dolok ni Israel jana dipasahat baen soroanta.

JEHESKIEL 36:2

songon on ma didok Tuhan Debata, ‘Hara ni na nidokkon ni angka musu i taringot tu hamu: Tarimakasi, angka dolok sian na jolo madung gabe hita nampunasa.

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

AMOS 2:1

Songon on ma didok Tuhan, “Hara ni na dung mardosa halak Moab marhite tolu hajahatan, lopus tu opat hajahatan, nada tarikonKu be haputusanKi, angke madung ditutungi halahi holi-holi ni Raja Edom gabe hapur.

ZEPANYA 2:10

Songon i ma panguhumna baenon tu halak Moab dohot Amon hara ni haginjangon ni roha dohot bulbul ni halahi, boti muse hara ni layasna roha ni halahi mida bangso ni Tuhan Na Markuaso i.

JOSUA 5:9

Didok Tuhan ma tu si Josua, “Sadari on Huagohon ma sude habileanmunu na gabe hatoban di Mesir.” I ma dalanna umbaen margoar inganan i Gilgal lalu tu sadari on.