ZEPANYA 2:2 - BIBEL JAMITA NA DENGGAN

² painte so diayak dope hamu songon lapung na diombuskon, painte so ro dope tu hamu muruk ni Tuhan na marapi-purun, painte so ro dope ari hamumuruk ni Tuhan.

ZEPANYA 2:2 ပူးပေါင်းရင်းမြစ်များ

JOB 21:18

Unjung ma he halahi songon durame dohot abuan na niombus ni halingsungsung dohot haba-haba?

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

JESAYA 17:13

Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

JEREMIA 23:20

Nada ra mombun hamumurukNia i salolot so abis sude mardalan na disangkaphonNia. Di pudian ni ari muse botoon ni bangso ni Tuhan do torang taringot tusi.

JEREMIA 4:4

Tiop ma janjimu dohot Au Tuhanmu, jana hapunjungkon ma dirimu di Au, ale halak Juda dohot Jerusalem. Muda nada, gilap ma murukKu jana manutungi songon api na so haintopan sanga na ise pe, hara ni sude angka parbuatanmunu na jahat i.”

ANDUNG 4:11

Palalu hosom ma Tuhan tu Sion, kotaNa i disurbu Ia lopus mangornop tu tano i.

JEHESKIEL 12:25

Au Tuhan Debata, Au sandiri noma manghobari tu bangso Israel jana sude na Hudokkon musti angkon tarjadi, nada pola marlambat-lambat be. Tangihon hamu ma, ale angka pangalo! Taran di ngolumunu on dope, dalankononKu ma sandok na dung Hupaboa hian tu hamu. Au Tuhan Debata madung mandok songon i.”

HOSEA 13:3

Jadi hara ni i angkon mago ma angka jolma i songon nambur jana songon ombun manyogot. Songon durame di pardegean ma halahi na niombus ni alogo jana songon timus na ruar sian tataring.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

ZEPANYA 1:18

Di ari na jorbut i pataridahonon ni Tuhan ma murukNa gabe nada tarbaen sere dohot perak ni halahi be paluahon halahi. Malala ma sude portibi on ditutung api ni hamuruhonNa i. Jadi ompot ma sintakkononNia sandok hosa na adong di tano on.

ZEPANYA 3:8

Hara ni i painte ma Au – ninna Tuhan – di ari harorongKu jadi saksi. Harana haputusanKu i ma papunguhon angka bangso dohot harajaan anso Huusehon rimasKu na marapi purun, harana sude tano angkon abis dibaen api ni pangiburuonKu.

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”